MATÌÙT 8:3 - Ala Ane Wene Ket Mene Warogo Wo'ninapike Wene

³ Atì'nogo yogosikomo re, at Yesùt en ap a'nogo eki hakìlìk he, “An nen hano hagathabigìlùk ìkì lagì. Halok he, hoba hano ame o,” ìlùk yogoto kolek aremnogoat oumo henako hake inayùk mene a'nogo motok lek arìk ebe hano agaike.

MATÌÙT 8:3 ပူးပေါင်းရင်းမြစ်များ

LUKAT 5:13

Yogosikomo re, at Yesùt en ap a'nogo eki hakìkì logolìk he, “Hano hagathabigìlùk ìkì lagì. Halok he, hano ame o,” ìlùk, yogoto kolek aremnogoat he, oumo henako hake a'nogo motok lek agaike.

MAREKÙT 1:41

Yogosikomo re, at Yesùt en, at ebe etawì arìk he, eki hakìlìk mel isike: “An nen hano hagathabigìlùk ìkì lagì. Halok he, hoba hano ame o,” ìlùk yogosike.

YOHANET 5:21

Nen, an nopase nen aùnì warek mene inelugurinaperek atì hak, aput an nen apùnì warek mene atì'nogoat inelugurinabigin, ìlùk na'la akìgìrek mene hùgìat inebe lopok inelugurinapìrek.

MAREKÙT 4:39

Yogosukwama, at eluk agaikesik he, sogoi a'nogo wenagatì logolìk, “Habolo'lek ame,” isikesik, i a'nogo yogosikesik, “Hane lek ame,” ìlùk yogosikomo re, sogoi palagìk, i ha'labu motok hapuk ìgìk, isike.

YOHANET 11:43

hobuk ane hùkorogo Lasarùt mel yogosike: “Lasarùt. Wùlìbi me o!” ìlùk yogosikomo,

LUKAT 7:14

yekerek warek e yerogo wolok wagaukwa a'nogo era'lu lìlìk he, eki hakasike. Eki atì'nogo hakikenem apùnì nen warek e ye'lùk wagaukwa mene amanogo melagaukwa. Melagaukwama re, at Yesùt en yekerek warek a'nogo yogotì logolìk he, mel isike: “Naput yì! Heluk ame ìlùk yogohetì lagì o,” ìlùk yogosikomo re,

MAREKÙT 9:25

Yagotenem, apùnì aike humusegat oba atogosi waganem, at Yesùt eileken lagisìlìk he, mokareke oabùt weak mene a'nogo wenagasike. Wenagatì logolìk he: “Hat mokareke hoabùt weak mene yì nen, yekerek yì ane lùgùlùgìthìgìk, esako togùmethìgìk, ìkì lagen atì, a'la nen henogo wùlìbi lan. Wùlìbi lìlìk he, hobuk a'la ki wesusak motok lek o, ìlùk yogohetì atìat o,” ìlùk wenagasikomo re,

MAREKÙT 7:34

Atì'nogo hìlìk eileken pogot oba lìakhìlìk he, ane agaukwak a'marogo isikesik he, nit ninane ba: “Huak in,” u hak, it inane ba: “Epata,” ìlùk yogosike.

MAREKÙT 5:41

Kisukwasik, eki hakìlìk he, nit ninane ba, “Hele yì, na'logo. Mela'nogolùk yogohetì lagi o,” ìlùk u hak, it inane ba: “Talita kum,” ìlùk yogosike.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

MATÌÙT 12:13

Atì'nogo yogoisasikesik he, ap a'nogo mel yogosike: “Heki kothan,” ìlùk yogosikomo, eki a'nogo kothikenem he, eki o'moko eperak higirat hano motok agaike.

LUKAT 4:27

Nen, ap Elisa nen Ala ane yogoisìkì lagaike atem higit he, o apùnì Isirael mene were'ma atoma ou henako hake a'nogo mene apik welagaukwa meneat he, aike hagarinapi lagaike motok lek. We, ap Naman aua Siria mene atìat hagasike o, ìlùk, eberogoat yogohisìgì,” ìlùk atì'nogo yogoisasikomo,