MATÌÙT 8:20 - Ala Ane Wene Ket Mene Warogo Wo'ninapike Wene

²⁰ Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 8:20 ပူးပေါင်းရင်းမြစ်များ

LUKAT 2:7

eak makusa abat takasike. Takalìk he, o apùnì ap pok mene nogo egarek oba motok peserek en he, su kain mene ba ìkìlogo, sang wam apùrùk nikerek oba ebe hesukwa.

2 KORÌTÙT 8:9

Ninoe Etagepogot Yesùt Karìsùt oabùt hano nen etawì'ninapike a'nogo hit hinelu motok akìgì. At he, ebe Ala mene logolìk he, eilmo wùlalhak welagaike meneat he, at elageik agaike atì ba, hit ebe mene hineilmo wùllalhak asuageip ìlùk, at ebe nit apùnì mene agaikesik elageik agaike atì.

LUKAT 2:16

hepok-hepok lagaukwa re, Maria Yùsùp eperak omalik ketago a'nogo sang wam apùrùk nikerek oba weinhìlìk were'ma ha lagaukwa.

LUKAT 2:12

Ebe enagat hineileken hìlìk huthoageip en he, omalik ketago mene su kain mene ba ìkìlogo e sang wam apùrùk nikerek oba hagasik werek a'naga ha logoin o,” yogoisasike.

LUKAT 8:3

nen, aike re, he Yohana ap kain Herotet agarok yì mene tì mene eki ba logolìk hagatì lagaike mene etage Kusa atì agwe mel, he Susana mel, nen, aike re, it hìmì he'nakit logolegat mel, uang it mene ba yì mene tì mene oko palogo Yesùt agoromì inomat leberisìlìk nìkì lagaukwa.

MATÌÙT 12:32

Sa nen an abat ta'lasi wagagi a'nogo a'la meathanìk nabok aike weak palho halok he, weak hagasigin mene atì Ala nen elok sagalogo legetsasak meneat he, Ala Areagùn atì a'la meathìlìk abok weak palho halok he, weak hagasigin mene atì, Ala nen yogotak mel, o wùrep oba arat haga'larìk oba nen logogun oba mel, sagalogo legetsasak motok lek o,” ìlùk yogoisasike.

MATÌÙT 19:28

at Yesùt en he, “An nen eberogoat yogohisak. Hit an nopolik nìkì lagep mene yì re, yì mene tì mene Ala nen hobuk ket hùnogoat hagarì'mo nen, an abat ta'lasi wagagi a'nogo hobuk wìrìk, hogo'napo kolek, nobùlùk oba atoma kain were'ma, hit nera'lu atoma hinobùlùk 12 nen talek oba kainat logolìk, apùnì Isirael mene inùkùl etage 12 nen amanogo hit en ùkùm inoba hìgìk, kotìk, ìkì logogun o.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 16:13

O atoma nen, at Yesùt o kota Kaisarea ap Pilipi nen hùkothesike ba atoma lagai wagaikesik he, at agoromì ane wanhì lagaukwa mene amanogo hinok wogisìkì logolìk he, mel yogoisasike: “It apùnì nen, an abat ta'lasi wagagi a'nogo an nebe hesik ìkì logolìk he, sa ìlùk ìlì'lùgì nogo,” ìlùk yogoisasikomo,

MATÌÙT 12:40

At Yùnùt atì ikan alabut a'la werek kolek, o hi ìgìk, we ìgìk, iko kolek eki hinagan welagaike atì hak he, an abat ta'lasi wagagi a'nogo re, kweang a'la o hi ìgìk, we ìgìk, iko kolek, neki hinaganat logogin o.

MATÌÙT 12:8

Nineki sabìt oba Ala hesik welegat welagorek atì, esewerek he, an abat ta'lasi wagagi nebe yìat o,” ìlùk yogoisasike.

MATÌÙT 13:37

Atì'nogo yogosukwama, at Yesùt en he: “Ap aike nen awì hano mene yasike ìgì a'nogo ebe re, an abat ta'lasi wagagi a'nogo nebe yìat o.

MAREKÙT 8:38

Apùnì yoma inoabùt weak logolìk Ala ebe inom lopok hogo welagì'lek, yì weak tì weak hagarì'lùgì mene atì hinomat logolìk, it ineilhanem sa nen, An Yesùt agot, ìgìk, an nane atì yogoisìgìk, u re, ape ekalì halok he, an abat ta'lasi wagagi a'nogo hobuk nopase hogorato motok welagaikarek hak haga'la'lùk, it malaikat Ala okawerek hesik yoko pelaksa wagarek mene amanogo ninom wìrìk he,

LUKAT 9:58

Atì'nogo yogosikomo, at Yesùt en mel yogosike: “Lo yeke atì re, awì wùrìk akola welagarek o. Nen, sùe purogo nikerek mene atì re, atì'nogoat awì wùrìk welagaregat. Atì'nogo meneat he, an abat ta'lasi wagagi mene atì nek he, nogo ìkì logousak oba nawì wùrìk he, motok lek o,” ìlùk yogosike.

LUKAT 12:8

Atì'nogo yogoisasikesik, aike mel yogoisasike: “Sa nen, Yesùt atì an noe o, ìlùk apùnì ineilhanem, pak hogo iko halok he, an abat ta'lasi wagagi a'nogo nen hogo re, At yì an nagot o, ìlùk, it malaikat Ala nen yoko laksa wagarek mene amanogo ineilhanem nane pak hogoat yogoisegein o.

LUKAT 18:8

Lek o. Hepok-hepok elele woginabigin o, ìlùk eberogoat yogohisìgì. Atì'nogo hagarinabigin meneat he, an abat ta'lasi wagagi a'nogo hobuk wesipik he, apùnì kweangma mene yoma aike inetaùken noba hìpìrìk were'ma isa wesigin a? Lek he a,” ìlùk yogoisasike.

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

YOHANET 1:51

hobuk wene aike mel yogoisasike: “Apùnì e pelarek obakwe lagagìk, pìgìk, egarek atì hak, hobuk pogot healogo it malaikat Ala nen yoko laksa wagarek mene amanogo, an abat ta'lasi wagagi a'nogo noba lagagìk, pìgìk, ikenem hineileken nisìkì logogun o, ìlùk nane eberogoat yogohisìgì,” ìlùk yogoisasike.

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

YOHANET 3:14

Nen, ap Musa o leimo apùnì le'ma atoma logolìk, walo hake hagarogo e ba menhesike atì hak, it apùnì yoma inetaùken an abat ta'lasi wagagi mene yì noba hìpìrethogoin mene hùgì, inebe lopok ineluk motok logouagalùk, an atì'nogoat menhanusak obaat menhanugunat o.

YOHANET 6:27

Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.

YOHANET 6:53

at Yesùt en he, “An nen wene aike yogohisak. An abat ta'lasi wagagi a'nogo nebe nìkìk, namep nìkìk, ìkì lagep lek halok, ineluk motok welagaikarek mene, hit esewerek agì'lek welagep o, ìlùk eberogoat yogohisìgì.

YOHANET 6:62

An abat ta'lasi wagagi a'nogo alep welagagi ba hobuk napotkwe lagaikenem hineileken nììlìk, hina'la nìkì'nogo akogoin.

YOHANET 12:34

Atì'nogo isikomo, it apùnì apik amanogo nen he, mel yogosukwa: “Wene Ala nen ninasuk wasike wene atì ba re, nit apùnì telninabuagalùk Ala nen ap aike lakhei wesigin atì ebe wìrìk he, eluk motok logogin. Ìlùk isikomo ninasuk holhorek meneat he, hat en ìkì logolìk he, An abat ta'lasi wagagi a'nogo apùnì nen kweangma yoma menhanugun, ìlùk egen atì re, ap aike ebe abat ta'lasi wesigin isike atì ebe sa hesik isikomo nen egen,” ìlùk yogosukwa.

YOHANET 13:31

At Yùrat atì'nogo arat wùlìpikomo logolìk, at Yesùt en he, mel yogoisasike: “Nagoromì. An abat ta'lasi wagagi a'nogo Ala nen esinethanhenem, apùnì nen Ala hogorasugun oba yogotak arat asi waga o.

LAKSASIKE 7:56

Eileken lìagisìlìk, at en he: “Lakhani! Pogot healagama re, It abat ta'lasi wagaike mene a'nogo, Ala era'lu metek eperak were'ma neileken lìagisìgì o,” ìlùk yogoisasike.