MATÌÙT 8:16 - Ala Ane Wene Ket Mene Warogo Wo'ninapike Wene

¹⁶ Atì'nogo hagato kolek, o arat hìmaganekokwe agaikomo re, apùnì mokareke inoabùt weak mene ina'la kìlì'mo welagaukwa mene wogisek Yesùt oba wagaukwama re, at ane omake hesigat mokareke inoabùt weak mene ina'la kìlìk were'ma henogo wulaksìgìk, ou weak mene aike hagarinapìk, isike.

MATÌÙT 8:16 ပူးပေါင်းရင်းမြစ်များ

LUKAT 4:40

Leberisiko were'ma, o mo eileken kopok hogo kiko kolek, apùnì nen it aike inoba yì ou tì ou werek mene obogat wogisek Yesùt oba wagaukwama, at en inebe lopok eki hagisìlìk hagarinapike.

MATÌÙT 14:14

It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

LAKSASIKE 5:15

Atì'nogo aga lagaukwama re, it apùnì ou wanhì lagaukwa mene, he'nakìt e talek oba hisìgìk, he'nakìt lit talek oba hisìgìk, ìlìk he, Peterùt waganem apùnak inoba higit aga halok se asuagalùk, ebekalem hisa waga lagaukwa.

MATÌÙT 12:22

Atì'nogo hagasikesik oba nen, hobuk ap aike mokareke oabùt weak mene a'la kisikomo nen eileken mùm agìk, ane lek agìk, isike mene Yesùt oba wolok wagaukwama re, at en hanorogo hagasikomo eileken mùm mene hano agìk, ane lek mene huak ìgìk, isike.

MAREKÙT 2:3

Yogoisikenem he, ap aike eki esok wùt warek motok welagaike mene ap inebe 4 en, e yerogo wolok Yesùt oba wagaukwa.

MATÌÙT 9:2

ap aike eki esok motok wùt warek welagaike mene e talek oba weitek werek kolek yerogo wolok oba wagaukwama, at Yesùt en he, “It atì inetaùken an noba hìpìrethagasik en wolok wagaika hìgì,” ìlùk, eileken enagat isìlìk he, ap eki esok wùt warek mene a'nogo mel yogosike: “Naput e. Ha'la hai hakan. Hat weak hagatì lagen mene re, an nen sagalogo legetsìgì o,” ìlùk, yogosike.

MAREKÙT 9:25

Yagotenem, apùnì aike humusegat oba atogosi waganem, at Yesùt eileken lagisìlìk he, mokareke oabùt weak mene a'nogo wenagasike. Wenagatì logolìk he: “Hat mokareke hoabùt weak mene yì nen, yekerek yì ane lùgùlùgìthìgìk, esako togùmethìgìk, ìkì lagen atì, a'la nen henogo wùlìbi lan. Wùlìbi lìlìk he, hobuk a'la ki wesusak motok lek o, ìlùk yogohetì atìat o,” ìlùk wenagasikomo re,

MATÌÙT 8:33

Atì'nogo lagaukwama re, it apùnì wam serogo welagaukwa mene inayùk arìk, “Yì'nogo haga'laga o,” ìlùk yoko o kota humusek lagaukwasik he, it ap inebe pìre aremnogo inabok inomat pìlìngìrogo yogoisasukwa.

MATÌÙT 8:15

Hìlìk he, eki at he atì eki ba hakasikomo re, oba agaken apik welagaike a'nogo lek agaike. Lek agaikomo, he a'nogo melagaikesik he, at Yesùt lebethìkì lagaike.

LUKAT 4:41

Atì'nogo hagarinapikomo, it he'nakit inebe logolegat, mokareke oabùt weak mene ina'la kìlìk welagaukwa mene nen mel yogosukwa: “Ala aput harat o,” ìlùk inane ngai ìlìk ìlìk wùlùpukwa meneat he, it ina'la nen he, “Karìsùt Ala nen, telninabuagalùk menhìlìk lakhei wesigin isike a'nogo ebe yìat o,” ìlùk, inelu nogo nen he, Yesùt en inane legat wùlùbuagalùk wenagisasike.

LUKAT 13:12

Atoma were'ma, at Yesùt en, he a'nogo eileken lakhìlìk he, ane hakhasikomo wagaikomo re, mel yogosike: “Nerei e! Hat hoba ou en arat hano asigin. Hele hake homago welagen a'nogo, arat hikalame o,” ìlùk atì'nogo yogorìk he,