MATÌÙT 8:10 - Ala Ane Wene Ket Mene Warogo Wo'ninapike Wene

¹⁰ at Yesùt asuk holhikesik he, apùnì at opolik lagaukwa mene amanogo mel yogoisasike: “Egi! Ap yì etaùken noba eberogoat hìpìrethike atì hake, it apùnì Isirael mene aike inetaùken atì'nogo hìpìrethikenem isìgìrek lek mene nayùk e, ìlùk eberogoat yogohisìgì o.

MATÌÙT 8:10 ပူးပေါင်းရင်းမြစ်များ

LUKAT 7:9

Yogosukwama, at Yesùt en he, mel isike: “Ap atì nayùk e,” ìlùk, hogorarik he, elokwe hebek hogo apùnì apik opolik lagaukwa mene amanogo mel yogoisasike: “Ap atì etaùken an noba hìpìrethike atì hake, it apùnì Isirael mene aike inetaùken atì'nogo hìpìrethikenem isìgìrek lek mene nayùk e,” ìlùk isike.

MATÌÙT 15:28

Atì'nogo yogosikomo, at Yesùt en he, “He yì nerei e. Hat en he, At en hagasigin, ìlùk hetaùken noba motok hìpìrethegen atì nen he, ha'la akegen atì hagat higit hogo hagathesigin o,” ìlùk iko kolek aremnogoat, eak a'nogo hano agaike.

MAREKÙT 6:6

Hagarinapikesik he, it apùnì atoma mene nen at ebe ina'la meathesukwa atì hesik, at a'la nen, “Egi! nayùk e,” ìlùk akasikesik he, hobuk o atoma era'lukwe o wùrìkkwe wane yakùlisìlìk nìkì lagaike.

LUKAT 7:50

at Yesùt en, he a'nogo yogotì logolìk he, mel yogosike: “Hat hetaùken noba hìpìrethegen atì nen telhapì o. Halok he, ha'la hanorogo haua lan o,” ìlùk lakhesike.

LUKAT 5:20

Pelakhesukwama, at Yesùt en, “It atì inetaùken noba hìpìrethagasik en wolok wagaika hìgì,” ìlùk, eileken enagat isìlìk he, “Naput e! Hat weak hagatì lagen mene re, an nen sagalogo legetsìgì o,” ìlùk yogosike.

MATÌÙT 8:9

An hogo re, nogogì kaintek inawe a'ma logolìk inane holhìk, nen, an nagoromì tentara mene nawe a'ma logolìk nane holhìk, hagatoresi'mo re, an nen, at aike Lan o, ìlùk yogotì halok he, lagaregat. Nen aike, Hat eme o, ìlùk yogotì halok he, wagaregat o. Nen, natitigeke aike, Yì haga'no, yogotì halok he, hagateregat o,” ìlùk yogosikomo

MATÌÙT 8:11

“Nen, aike yì yogohisak. Apùnì inebe apik poloma nen, maloma nen, Ala awe a'ma kìlìk he, Aberaham ho, Isak ho, Yakùp ho, inom isago nùogolùk atogosi wesugun.

LAKSASIKE 2:7

Ina'maken lagaikesik hogoratì logolìk he, “It wene yogonisìlì'lùgì mene yoma inebe obogat he, inaua o Kalilea mene lek nogo? Kalilea meneat o.