MATÌÙT 7:7 - Ala Ane Wene Ket Mene Warogo Wo'ninapike Wene

^7-8 Atì'nogo yogoisasikesik aike mel yogoisasike: “It apùnì inebe lopok en Ala kìno yogotenem he, at en inebe lopok wogisikerek enek atì. Nen, it aike inebe lopok en yì mene tì mene at oba heratenem he, inebe lopok herakagarek enek atì. Nen, it aike inebe lopok en kwe ane papagathikenem he, at en inebe lopok kwe hùrisikerek enek atì. Atì nen he, hit he, Ala kìno yogotì logoino. Yogotì logoumo, wokhisegeinat o. Hano mene at oba heratì logoino. Heratì logoumo herasugunat o. Nen, kwe ane papagathìkì logoino. Papagathìkì logoumo re, at en kwe hùthikegeinat o.

MATÌÙT 7:7 ပူးပေါင်းရင်းမြစ်များ

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

MAREKÙT 11:24

Atì'nogo hagaterek atì nen he, hit en yì mene tì mene Ala kìno yogotì logolìk, hina'la nen, Arat wo'nisikomo, ìlùk akegep halok wokhisegeinat o, ìlùk yogohisìgì.

MATÌÙT 6:33

Halok he, hinopase Ala nen awe a'ma logolìk hagatì logousak atì hesik mel, nen, at en, Yì'nogo tì'nogo haga'no, ìlùk yogohisikenem hagatì logousak atì hesik mel, esinethìkì logogun halok, yì mene tì mene atì oba louk hogo wokhisegeinat o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

IBERANI 11:6

Apùnì inetaùken Ala oba hìpìrethìgì'lek halok he, at a'la hanorogo hagasusak motok mea o. Nen, at oba wesuogolùk halok, it en he, “Ala eberogoat werek,” ìlùk akìgìk, “At ebe inelu asuogolùk hagasugun halok, at en oko ebe mene wogisikeregat,” ìlùk akìgìk, usak atì.

YOHANET 4:10

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

MATÌÙT 18:19

“Nen, wene aike yì yogohisak. Hit hinebe pìre a? Hìnagan a, an netage ba atogosugun halok he, an nebe hinekele'ma atoma logogin atì nen he, hit hinebe pìreinagùn nen kweangma yoma logolìk, hinetaùken omakeat arìk, hit en, Aike wo'nisan, ìlùk, we, nena mene Ala kìno yogosugun halok he, kìno ugun mene atì, an nopase pogot oba mene nen hinane asuk holìk he, wokhisegeinat o,” ìlùk yogoisasike.

YAKOBÙT 5:15

It en inetaùken Ala oba hìpìrethìlìk, sapan ugun atì ba, ninoe Etagepogot en hinoba ou mene atì se asuagalùk hano hagathinapìk, hit aike weak hagatep mene werek halok, sagalogo legetsìgìk, ìgìn o.

LUKAT 18:1

Atì'nogo yogoisasikesik he, at Yesùt en agoromì ane wanhì lagaukwa mene amanogo sapan ìkì logopik ina'la pùk arìk herakhìgì'lek, hutik-hutigat ìkì logouagalùk, wene aike oba lìrogo mel yogoisasike:

MATÌÙT 7:11

Hit hinoabùt weak hagatesep meneat he, inagainapùrì hano mene wogisagarek atì hinelumo re, hano mene wogisegesep o. Atì hak he, hinopase Ala pogot oba mene atì re, kìno yogosugun mene hùgì motok hano mene wogisegein lek nogo? Wogisegeinat o.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

ÙRÙM 3:11

Nen, apùnì wene hùthìlì'lùgì mene aike legat o. An Ala nebe tùkùm hogo inelu asuogolùk hera'nabì'lùgì mene aike legat o.

LUKAT 13:25

Nen, o atoma ap awì esewerek mene atì melarìk, kwe te'mek hogo yagatì logoumo re, hit eta'ma metek logolìk, kwe papagathìkì logolìk he, Noe! Nit kwe hù'nisan, ìlùk yogosugun meneat he, at en he, Hit hinebe an nokot o. Koma nen wagep, ìlùk yogohisikenem,