MATÌÙT 7:6 - Ala Ane Wene Ket Mene Warogo Wo'ninapike Wene

⁶ Atì'nogo yogoisasikesik he, aike mel yogoisasike: “Ala hesik hisagarek mene atì yeke wogotenem hobuk lagak hogo aik en lìbìlhinabinogo ìlùk, wogotùp o. Nen, hinalìlìke hano oko apik mene atì, wam wogotenem esok en lìlìbùk warogo laksanogo ìlùk, wogotubat o,” ìlùk yogoisasike.

MATÌÙT 7:6 ပူးပေါင်းရင်းမြစ်များ

PILIPI 3:2

It apùnì aike inoabùt yeke lo yeke oabùt hake atì nen, yì hesik tì hesik weak hagatì logolìk, “Hinogat hinekalìma mene palogo laksano,” ìlùk hina'la kagali wesinogo nen hinepe hebelogo logoino.

MATÌÙT 15:26

at Yesùt en he, “Yekerùgì inapùrùk mene wìlìk, yeke noagalùk po lagasumo mea o,” ìlùk yogosike.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.

2 PETERÙT 2:22

It atì, apùnì nen inane lagak hogo mel ìlùk egarek atì hak hagatì logogun: “Yeke nen lùk hemelogo hìlìk, hobuk apotkwo na lagarek atì. Nen, Wam ogat hano sobalek mene hobuk wokulmo hilele wasi kikerek atì,” ìlùk egarek atì hagat, it atì'nogoat eberogoat hagatì logogun atì.

MATÌÙT 24:10

Atìgìnho kolek, it apùnì aike inetaùken Ala ba hìpìrethesukwa meneat he, inebe logolegat ina'la pùk arìk heraksalùk wùlìbìk he, at aike nen at aike wasuagalùk wolok lagìk, aike nen aike anini oba hìgìk, ugun o.

2 KORÌTÙT 11:26

Ninhùp-nanhùbat youkkwe laga lagagisik, atì re, i hu nen sebelnapenem noasusak agìk, apùnì inoabùt weak ineki abusak wanharek mene nen noasuogolùk ikenem youk hìgìk, apùnì an nùkùl mene nen noasuogolùk ikenem youk hìgìk, it etakwe mene nen noasuogolùk ikenem, youk hìgìk, o sili hùko wùrì'mo nen noasuogolùk ikenem youk hìgìk, legeta'ma nen noasuogolùk ikenem youk hìgìk, i laut yekele'ma nen noasuogolùk ikenem youk hìgìk, apùnì hunigat meneat he, Ala againapùrì nagaiya'lak mene salek logolìk noasuogolùk ikenem youk hìgìk, ìkì lagagisigat.

MATÌÙT 7:5

Hinogat oba nek hano salek logolìk hinetaùken pìre yì rì! Hinokawerek hineilekenma e palek hùko mene atì tak wokhakìlìk en, hineileken arat lìa aga halok he, hobuk hinerùgì hinagaiya'lak ineilekenma ìlìngeken werek mene atì elok wokhogoin o,” ìlùk yogoisasike.

ABÌKAKAN 22:15

Atì'nogo meneat he, it apùnì aike weak ina'meilo mene hagatarek mene mel, it wesagùn akolek inoatarek mene mel, it pailak haksìgìk, haksoagalùk hagatìk, egarek mene mel, it apùnì inoare mene mel, it inetaùken tùgì hareken oba hìpìrìk logolìk hogoratarek mene mel, it inape ba nen lalinapìk, yì mene tì mene hagatì logolìk, lalinapìk, egarek mene inebe lopok mel, obogat o kota atì abel etakwe logogun o,” ìlùk yogonete.