MATÌÙT 7:21 - Ala Ane Wene Ket Mene Warogo Wo'ninapike Wene

²¹ Atì'nogo yogoisasikesik, mel yogoisasike: “Hit apùnì nen, an yogonetì logolìk he, Ninoe, ninoe, ìlùk ìkì lagep atì ba hinebe obogat, an nopase pogot oba mene awe a'ma hisikere'ma atoma kugun lek. We, it aike, at Ala a'la akikerek mene higit hogo hagarì'lùgì mene atìat ki logoin o.

MATÌÙT 7:21 ပူးပေါင်းရင်းမြစ်များ

MATÌÙT 12:50

Sa nen an nopase pogot oba mene a'la akikerek mene higit hogo hagaterek halok, at atì an nagot, nerei, nagosa werek o,” ìlùk yogosike.

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

MATÌÙT 18:19

“Nen, wene aike yì yogohisak. Hit hinebe pìre a? Hìnagan a, an netage ba atogosugun halok he, an nebe hinekele'ma atoma logogin atì nen he, hit hinebe pìreinagùn nen kweangma yoma logolìk, hinetaùken omakeat arìk, hit en, Aike wo'nisan, ìlùk, we, nena mene Ala kìno yogosugun halok he, kìno ugun mene atì, an nopase pogot oba mene nen hinane asuk holìk he, wokhisegeinat o,” ìlùk yogoisasike.

MATÌÙT 18:3

mel yogoisasike: “Hit apùnì yì re, hinepe hebelarìk hinoabùt yekerùgì yì inoabùt hake haga'lasugun lek halok he, Ala nen awe a'ma hisikere'ma atoma kugun motok lek o, ìlùk eberogoat yogohisìgì.

MATÌÙT 18:35

Atì hagat, hit hinerùgì hinagaiya'lak en weagathinabì'lùgì mene atì hinetaùken nenat sagalogo legetsìgì'lek halok he, an nopase pogot oba mene nen atì'nogo hagathinabiginat o,” ìlùk yogoisasike.

MATÌÙT 19:24

Atì'nogo yogoisasikesik he, at en he, “Wene atì meneat hobuk lagak hogo yogohisak. Wam unta hùko atì mene re, lisu eketma elok lok hogo kusak meneat he, it apùnì inagarok apik mene atì Ala nen awe a'ma hisikere'ma atoma kusak motok mea o,” ìlùk yogoisasike.

MATÌÙT 25:10

oko pala lagaukwama re, at ap agwe ìkìke werek mene a'nogo arat wagaikesik he, it inetaùken werek mene tegelogo hakìlìk welagaukwa mene amanogo inom pesta isago nùogolùk wogisek ouma kisikesik kwe yagasike.

MATÌÙT 25:21

at oe a'nogo nen he, Nagot wa! Hano motok. Hat hoabùt hùpùn nogo nen he, higit hogo motok hagatì lagenma hìgì o. Hamùlùgat meneat he, wokhetì mene hùpùn hogo hesogo welagen atì nen he, hobuk motok apik hesogo logoinok ìlùk, menhagalìk wokhesigin o. An hoe na'la hai hakìkì lagì atì hak, neperagat nina'la hai hakùok en, ki me o, ìlùk yogosike.

MATÌÙT 26:39

at alepma negen horogat lìlìk elokwe sogoum weinarìk he, Ala ayoko hìkì logolìk, mel yogosike: “Nopase! An weaga'nabugun atì telnabusak halok he, telnabino,” ìlùk u hak, “Amusu hinago noagalùk wo'nesugun atì, wokhasak halok he, wokhano. Nen, lek halok he, an na'la akìgì mene atì lek o. We, hat ha'la akegen mene atìat haga'nabino o,” ìlùk sapan isike.

MATÌÙT 26:42

sapan ebalep isike hagat, hobuk lagak hogo lagaikesik he, mel isike: “Nopase a! An weaga'nabugun yì re, telnabusak mea halok he, hat ha'la akegen atì higit hogoat haga'lasuak o,” ìlùk, sapan isike.

MAREKÙT 3:35

Sa nen, at Ala a'la akikerek mene higit hogo hagaterek halok he, at atì an nagot, nerei, nagosa, werek o,” ìlùk yogoisasike.

MAREKÙT 9:47

Hineileken nen weagathinabusak haga'laga halok, hineileken o'moko hemelogo laksilìk o'moko nek logolìk Ala awe a'ma kumo hano. Mene re, hineileken wùrat logogun halok, wea'ma etu nogoil agì'lek soboneken wa'lagì'lek inoba hiko motok welagare'ma atoma po lakhikamo weak ìlùk, hineileken o'moko hemelogo laksano o.

LUKAT 11:28

at Yesùt en he, mel yogosike: “At atì nek lek o. It aike Ala ane atì inasuk holìk higit hogo hagatì logogun halok he, ina'la hai apik hakìkì logouagat o,” ìlùk yogosike.

LUKAT 13:25

Nen, o atoma ap awì esewerek mene atì melarìk, kwe te'mek hogo yagatì logoumo re, hit eta'ma metek logolìk, kwe papagathìkì logolìk he, Noe! Nit kwe hù'nisan, ìlùk yogosugun meneat he, at en he, Hit hinebe an nokot o. Koma nen wagep, ìlùk yogohisikenem,

LUKAT 18:25

Wam unta huko mene atì lisu eketma kelabumo elok kusak meneat he, it apùnì inagarok apik mene Ala nen awe a'ma hisikere'ma atoma kusak motok mea o,” ìlùk yogoisasike.

LUKAT 6:46

Atì'nogo yogoisasikesik he, aike mel yogoisasike: “Hit an nen yogohisìkì lagì mene hagatì'lek logolìgat he, Noe, noe, ìlùk nenahalok yogonetì lagep.

YOHANET 14:7

it obogat yogoisìkì logolìk he: “Hit an nebe hinelu agep atì re, an nopase hinelu asiginat o. Hinelu asigin atì re, hùlì yogotak hùlì nen, at ebe hinelu agìk, hineileken hìgìk, arat hìkì lagep o,” ìlùk yogoisìkì lagaikomo,

YOHANET 15:23

At sa nen an apsìrì'niike halok, an nopase ebeat apsìrìthike o.

YOHANET 3:5

at Yesùt en he, mel isike: “Apùnì i ba mel, Ala Areagùn nen mel, taginapì'lek halok, Ala nen awe a'ma hisikere'ma atoma kugun motok lek o, ìlùk, nane eberogoat yogohetì lagì.

YOHANET 5:17

Atì'nogo isukwa meneat he, at Yesùt en mel yogoisasike: “An nopase eki aike kamo ìgì'lek, o yogotak yì inomat hagarinapo motok welagarek atì hak, an atì'nogoat hagarinapo welagì o,” ìlùk yogoisasikomo,

YOHANET 6:40

nopase a'la akikerek o. Atì'nogo akìkì logolìk, apùnì nen Ala aput nebe yì ineileken nììgìk, inetaùken noba hìpìrethìgìk, iko halok, inebe lopok ineluk motok logouagalùk, o elùgùn oba, an nen inelugurinabuagalùk a'la akikerek o,” ìlùk yogoisasike.

YOHANET 7:17

Sa nen Ala a'la akikerek mene higit hogo hagasusak walok halok, an nen wene yakùlisìkì lagì atì, Ala nen yakùleto kolek ìlì'logo, ìgìk, Okawerek a'la nen kagalogo ìlì'logo, ìgìk, enagat hìlìk elu asiginat o.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

ÙRÙM 2:13

Wene Ala nen ninasuk wasike wene a'nogo inelu atì ba, ùkùm inoba mene korogo wokhikerek hùk. We, wene ebe ninasuk wasike mene higit hogo hagatarek mene halok, ùkùm inoba mene korogo wokhikerek o.

EPESÙT 6:6

It en sethisek werek kolek enek apùnì mene ina'la hanorogo hagatì logogùp. We, hina'la nen he, “Karìsùt atìtigeke logolìk, Ala a'la walok akikerek mene atìat hagatì logouok,” ìlùk, hina'la ebethìlìk en hagatì logoino.

KOLOSE 4:12

At Epaperat, Karìsùt Yesùt atitigeke, ebe hit meneat a'nogo nen, hai wathinapeat o. At en he, hit hina'la nen, “Ala ane atì eberogoat,” ìlùk huthìlìk he, hinetaùken wurik arìk hinebe metegat logolìk he, yì mene tì mene Ala a'la akikerek hak hagato logouageip ìlùk sapan hit hesik ning hogo iko motogat welagarek.

1 TESALONIKA 4:3

Ala a'la nen he, mel akikerek atì: “Hit hinebe an hesik hanìlìk tegelek motok logolìk, pailak haksagarek atì mene haksìgì'lek motogat logoino.

1 TESALONIKA 5:18

Ala a'la nen he, “Hit Karìsùt Yesùt hinom hutik logolìk, yì mene tì mene obogat hesik an hai wa'napi logousak o,” ìlùk akikerek atì nen he, atì'nogoat hagatì logoino.

TITUT 1:16

It atì nen he, “An Ala ebe nelu o,” ìlùk, inane pak hogo ìkì logolìgat he, “Ebe ninokot,” ìlùk, u hak, inasuk ware'legat, Ala a'meilo mene hagatì logolìk, yì mene tì mene hanorogo hagasusak he, mea werek atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

IBERANI 4:6

Emakum he, it en hano wene atì inasuk holhukwasigat he, hologo higit hogo hagatì'lek atì nen, Ala nen he, “It set walogoin,” isike atì, set ebe walìgì'lek. Atì halok he, it apùnì hunigat mene aike elok set walogoin, ìlùk hùthasak o.

YAKOBÙT 1:22

Wene Ala ane atì hinasuk enek holìk kamo umo re, hinokawerek en lalogoin atì nen, hinasuk holìk, tùkùm hogo hagatì logoino o.

1 PETERÙT 4:2

Ati nen, hit en he, apùnì yì mene tì mene walok en inetaùken nen nikerek atì mene heraksìlìk, hùlì yogotak hùlì nen he, hineluk logolìk Ala a'la walok akikerek mene atì nek hagatì logoino o.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

ABÌKAKAN 3:5

“Sa nen omame asigin halok he, an kut mane labethegein o. Nen, an it apùnì inelugurinapìrek mane hùgì inetage sùesika ba helal waganek mene terogo laksegein lek. An nopase mel, malaikat yoko laksa wagarek mene mel, ineilhanem, It yì an nagainapùrì o, ìlùk inetage pak hogo yakùlisegein,