MATÌÙT 7:11 - Ala Ane Wene Ket Mene Warogo Wo'ninapike Wene

¹¹ Hit hinoabùt weak hagatesep meneat he, inagainapùrì hano mene wogisagarek atì hinelumo re, hano mene wogisegesep o. Atì hak he, hinopase Ala pogot oba mene atì re, kìno yogosugun mene hùgì motok hano mene wogisegein lek nogo? Wogisegeinat o.

MATÌÙT 7:11 ပူးပေါင်းရင်းမြစ်များ

MATÌÙT 23:9

Nen, hinopase pogot oba mene omakeat welagarek atì nen he, ap kweangma mene aike yogotì logolìk, Nopase, ìlùk yogosusak motok lek o.

MATÌÙT 7:10

Ì a, at he, Ikan nele, iko halok, walo mene wogisegesep nogo a? Legat o.

YOHANET 3:16

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

ÙRÙM 3:19

Wene Ala nen ninasuk wasike wene atì, it hologo logousak mene nek yogoisasike, ìlùk nit ninelu. Ala aligat en apùnì o yì awì tì awì obogat ùkùm inoba hìgìk, kotìk, ikenem, at aike nen ùkùm oba korasak mea asuagalùk ninasuk wasike atì.

ÙRÙM 3:9

Halok he, nit Yahuri mane nek he, hano aga kolek, it etakwe mane nong asugun usak nogo? Motok lek o. Apùnì Yahuri mene lek, Yunani mene lek, obogat lapuk hogo weak mene awe a'ma logolìk weak hagatarek enek ìlùk alep yogohisìgì atì.

ÙRÙM 8:32

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

KALATIA 3:22

Ala ane ba helal waganogo hìkì logolìk he, “Apùnì hinebe obogat weak hagatì lagep mene atì ba, hineki hele homago hake welagep,” ìlùk, yogonisasike atì, nit ninetaùken Yesùt Karìsùt oba hìpìrethoumo, Ala nen abok isike mene a'nogo re, nit ninetaùken at oba hìpìrethogoin mene hùgì wo'nisagalùk isike atì.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.