MATÌÙT 6:4 - Ala Ane Wene Ket Mene Warogo Wo'ninapike Wene

⁴ Hinagasogo wogisamo re, hinopase Ala pogot oba mene apùnì hinagasogo hagatarek mene eileken isikerek atì nen oko wokhisegein o,” ìlùk yogoisasike.

MATÌÙT 6:4 ပူးပေါင်းရင်းမြစ်များ

MATÌÙT 10:42

Nen, sa nen, Yekerek magakelak mene yì Yesùt ane wanherek mene, ìlùk i min mene aike wogote halok he, Ala nen oko wogosigin mene helìgì'lek nong asìgìn lek o, ìlùk eberogoat yogohisìgì o,” ìlùk yogoisasike.

MATÌÙT 6:3

Halok he, hit hinagarok apùnì inagarok lek mene wogisùogolùk halok he, An tì'nogo wogisegein, ìlùk, it hinerùgì hinagaiya'lak mel, it aike mel, motok yogoisagùp o.

MATÌÙT 6:6

Meneat he, hit sapan uogolùk halok he, hinaua kwe yagarogo kìlìk, hinopase Ala pogot oba mene ebe ineileken hagarek lek mene a'nogo nen wokhisoagalùk kìno yogotì logoino. Hit en hinagasogo kìno yogosugun mene atì, at eileken hinago mene hikeresi'mo nogo nen he, wokhisegein o.

LUKAT 8:17

Atì'nogo hikenem, yì mene tì mene hinago welagarek mene atì, weinam agìk, wene ina'la hinago welagarek mene atì, sele'ma hukalogo hìgìk, igin

1 KORÌTÙT 4:5

Atì nen he, at en ùkùm apùnì inoba hìgìk, kotìk, igin atì like oan asi wagì'lek werek kolek, hit en it aike ùkùm inoba hìgìk, kotìk, usak motok lek o. We, at ninoe Etagepogot ebe wìrìk en he, apùnì nen hùako hinagasogo hagarì'lùgì mene sele'mathìgìk, Tì'nogo hagasugun, ìlùk akalìk ina'la sebelek werek mene atì hukalogo hìgìk, i wesigin atì serogo logousak o. Atì'nogo hukalogo hikenem, Ala nen he, hano hagata mene inebe lopok hogorinabusak meneat hogorinabigin o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.