MATÌÙT 6:34 - Ala Ane Wene Ket Mene Warogo Wo'ninapike Wene

³⁴ Halok he, hit he, hùen hesik hinalabut hìrogo wenesùgì uan horo ebetap o. Yogotak weak arì'logo mene werek kolegat he, hùen weak asigin mene ebesusak lek o,” ìlùk yogoisasike.

MATÌÙT 6:34 ပူးပေါင်းရင်းမြစ်များ

MATÌÙT 6:25

An nen atì'nogo yogohisìgì atì nen, hit hina'la nen he, Nineluk logouogolùk he, sùpùrùk mel, i mel, kì mene nogoin. Nen, ninebe su kì mene laberogoin, ìlùk hinalabut hìrogo wenesùgì uan horo ebetì logoinogo ìlùk yogohisìgì. Nekarek mene atì esin nogo? Hineluk welagep atì esin akìgì. Su labetarek mene atì esin nogo? Hinebe atì esin akìgì.

YOHANET 14:27

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

LUKAT 11:3

Nit ninapùrùk ninhùkwe-nanhùkwe nìkì logousak mene, elok hogoat wo'nisìkì logoino.

MATÌÙT 6:11

Nit ninapùrùk yogotak nasak mene elok hogoat wo'nisa me o.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

MATÌÙT 6:27

Nen, hit aike hina'la nen, An nebe wa'lasigin atì sat he, katok hogo wa'lagì'lek, hobuk hamùlùk hogo aike neluk logoile e, ìlùk, wenesùgì uan horo ebesigin atì ba, heluk aike inom logousak nogo? Men o.

LUKAT 10:41

at Yesùt en he, mel yogosike: “Mareta. Hat he, yì mene tì mene hesik halabut hìrogo seget apik hagatì lagen hìgì. Meneat he, wene omakeat mene hagasusak werek kolegat he, hat en yì mene tì mene hagatì lagen. Hagot Maria yì re, wene hano mene omakeat atìat weteberogo eserakikesi'mo re, Heraksan ìlùk yogosusak motok mea o,” ìlùk yogosike.

LUKAT 12:11

Hit hinanema wanuagalùk, apùnì nen it apùnì Yahuri mene sapan egare'ma atoma mel, it ap pemerintah mene ineilhanem atoma mel, it ap inetagepogot ineilhanem mel, wokhisek hika lago halok he, hina'la nen he, Nit ninogat telogo wene oko kì mene ugun, ìlùk hinalabut hìtùp o.

LUKAT 12:22

Atì'nogo yogoisìlìk, at agoromì ane wanhì lagaukwa mene amanogo mel yogoisasike: “An nen atì'nogo yogohisìgì atì nen, hit hina'la nen he: Nineluk logouogolùk he, ninapùrùk kì mene nogoin. Ninasu kì mene laberogoin, ìlùk, hinalabut hìrogo wenesùgì uan horo ebetì logoinogo ìlùk yogohisìgì.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

1 PETERÙT 5:7

Ala hinebe etawì atì nen, hit yì mene tì mene hesik hina'la wenesùgì uan horo ebetì lagep atì heraksìlìk he, hinetaùken at oba hìpìrethìlìk logoino o.