MATÌÙT 6:30 - Ala Ane Wene Ket Mene Warogo Wo'ninapike Wene

³⁰ Eka heleka o leimokwe welagarek atì re, yogotak hak hano welagaresi'mo nen, hùen hak etumo lolhisagarek meneat he, Ala nen inasu laberìsa hak hano mene hagarogo hisikerek atì hak, hinebe hesik, hanorogo labethikegein lek nogo? Labethikegeinat o. Hinetaùken Ala oba hipìrethùhùk yì rì!

MATÌÙT 6:30 ပူးပေါင်းရင်းမြစ်များ

LUKAT 12:28

Halok he, eka heleka o leimokwe welagarek mene atì re, yogotak hak, hano welagaresik en, hùen hak he, etumo lolhisagarek meneat he, Ala nen inasu laberisa hak hano mene hagarogo hisikerek atì hak, hit hinebe hesik labethikegein lek nogo? Hinetaùken at oba hìpìrìk logohùk yìi ri!

MATÌÙT 14:31

Yesùt en eki hagasogo menhìkì logolìk he, “Hat hetaùken noba hìpìrìk logohùk yì rì! Hetaùken pìre welagen atì nahalok,” ìlùk yogosikesik he,

1 PETERÙT 1:24

Atì, Ala ane mel ìlùk helal waganek werek hak: “Apùnì obogat he, inebe e eka hakeat o. Hano ìlùk hogorinaparek atì, e eken hogoratarek atì hak hogorinaparek atì. Eka pùk agìk, eken lologo pìgìk, ikerek atì.

MATÌÙT 16:8

at Yesùt en enagat hùrisasikesik he, mel yogoisasike: “Hinetaùken noba hìpìrìk logohùk yì rì! Hit-hit ìkì logolìk, Sùpùrùk horotì mene lek, ìlùk ìkì lagep atì nahalok.

MATÌÙT 8:26

Atì'nogo yogosukwama, at Yesùt en he, “Nenahalok hinayùk aga lagep? Hinetaùken an noba hìpìrìk logohùk yì rì!” ìlùk ane ìlìk ìlìk melagaikesik he, sogoi a'nogo mel, i ha'labu a'nogo mel, “Habolok,” ìlùk wenagasikomo, abolok motok hapuk isike.

YOHANET 20:27

hobuk At tomat mel yogosike: “Hat ha'la nen eberogoat ìlùk hetaùken noba hìpìrethìgì'lek welagwen atì'nogo logogun. Eberogoat ìlùk akanok en he, heki ha'nììlìk, neki ba heileken nììgìk, nabeleken sìge akwe heki tùm kelakhìgìk, ìlìk he, hetaùken noba hìpìretheino o,” ìlùk yogosike.

MAREKÙT 4:40

Atì'nogo hagasikomo re, at Yesùt en he, mel yogoisasike: “Hit nenahalok hinayùk en ìkì lagep. Hinetaùken an noba oan hipìrethìgì'lek welagep a,” ìlùk yogoisasikomo re,

IBERANI 3:12

Halok he, nerùgì nagaiya'lak. Hit aike hinoabùt weak arìk, hinetaùken Ala eluk motok welagarek mene oba hìpìrethìgì'lek logolìk, at ebe heraksalùk hinapotkwe wùlìbi lanogo ìlùk, hinoabùt hebelogo logoino o.

LUKAT 9:41

Atì'nogo yogosikomo, at Yesùt en it apùnì logolek amanogo mel yogoisasike: “Yì sani! Hit apùnì o yogotak welagep mene yì re, hinetaùken noba hìpìrethìgì'lek logolìk, nong akìkì lagep yoma rì! An nepe morogo neki mìren oba ninom logogun nogo!” ìlùk yogoisasikesik he, ap a'nogo mel yogosike: “Haput arì wolok eme o,” ìlùk yogosike.

MAREKÙT 9:19

Yogosikomo re, at en it apùnì amamogo mel yogoisasike: “Hit apùnì o yogotak welagep mene yì re, hinetaùken noba hìpìrethìgì'lek welagep yì rì! An nepe morogo neki mìren oba ninom logogun nogo. Yekerek arì an noba wolok we'ni o,” ìlùk yogoisasikomo oba wolok wagaukwa.

MATÌÙT 17:17

Atì'nogo yogosikomo, at Yesùt en he, mel yogosike: “Hit apùnì o yogotak welagep mene yì re, hinetaùken noba hìpìrethìgì'lek logolìk nong akìkì lagep yoma rì! An hit ninom neki mìren oba logogun nogo. Hit yì'nogo hagato kolek nepe morogo neki mìren logogin,” ìlùk yogoisasikesik he, “Yekerek arì an noba wolok we'ni o,” ìlùk yogoisasikomo