MATÌÙT 6:27 - Ala Ane Wene Ket Mene Warogo Wo'ninapike Wene

²⁷ Nen, hit aike hina'la nen, An nebe wa'lasigin atì sat he, katok hogo wa'lagì'lek, hobuk hamùlùk hogo aike neluk logoile e, ìlùk, wenesùgì uan horo ebesigin atì ba, heluk aike inom logousak nogo? Men o.

MATÌÙT 6:27 ပူးပေါင်းရင်းမြစ်များ

MATÌÙT 5:36

Nen, yogotak he, nesi mola asusak ìgìk, yogotak he, nesi muli asusak ìgìk, ikenem hinane hologo mola agìk, muli agìk, ikerek motok lek o. Halok he, hinùkùloak atì etage palogo hopuk palusak legat o.

1 KORÌTÙT 12:18

Mene re, at Ala nen a'la akalùk enat nineki ninesok ninebe yì mene tì mene ninebe ba werek yoma obùlù'mo lopok hunogo hinasikomo ninebe omakeat mene welago yì.

MATÌÙT 6:25

An nen atì'nogo yogohisìgì atì nen, hit hina'la nen he, Nineluk logouogolùk he, sùpùrùk mel, i mel, kì mene nogoin. Nen, ninebe su kì mene laberogoin, ìlùk hinalabut hìrogo wenesùgì uan horo ebetì logoinogo ìlùk yogohisìgì. Nekarek mene atì esin nogo? Hineluk welagep atì esin akìgì. Su labetarek mene atì esin nogo? Hinebe atì esin akìgì.

MATÌÙT 6:28

Hit he, su hinogat oba labesusak atì hesigat nahalok hinalabut hitì lagep. Eken muliken molaken o leimokwe ìterek a'nogo hùthani. Eken atì oan isigìlùk he, set kwìl-kwal hogo hagatìk, yo lalogo su negen itìk, ikerek motok lek.

MATÌÙT 6:31

Halok he, hit hinalabut hìrogo wenesùgì uan horo ebetì logolìk, Ninapùrùk mel, ninagei mel, kì mene nogoin. Nen, ninasu kì mene laberogoin, ìkì lagep atì usak motok lek o.

MATÌÙT 6:34

Halok he, hit he, hùen hesik hinalabut hìrogo wenesùgì uan horo ebetap o. Yogotak weak arì'logo mene werek kolegat he, hùen weak asigin mene ebesusak lek o,” ìlùk yogoisasike.

LUKAT 10:41

at Yesùt en he, mel yogosike: “Mareta. Hat he, yì mene tì mene hesik halabut hìrogo seget apik hagatì lagen hìgì. Meneat he, wene omakeat mene hagasusak werek kolegat he, hat en yì mene tì mene hagatì lagen. Hagot Maria yì re, wene hano mene omakeat atìat weteberogo eserakikesi'mo re, Heraksan ìlùk yogosusak motok mea o,” ìlùk yogosike.

LUKAT 12:11

Hit hinanema wanuagalùk, apùnì nen it apùnì Yahuri mene sapan egare'ma atoma mel, it ap pemerintah mene ineilhanem atoma mel, it ap inetagepogot ineilhanem mel, wokhisek hika lago halok he, hina'la nen he, Nit ninogat telogo wene oko kì mene ugun, ìlùk hinalabut hìtùp o.

LUKAT 12:22

Atì'nogo yogoisìlìk, at agoromì ane wanhì lagaukwa mene amanogo mel yogoisasike: “An nen atì'nogo yogohisìgì atì nen, hit hina'la nen he: Nineluk logouogolùk he, ninapùrùk kì mene nogoin. Ninasu kì mene laberogoin, ìlùk, hinalabut hìrogo wenesùgì uan horo ebetì logoinogo ìlùk yogohisìgì.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

1 PETERÙT 5:7

Ala hinebe etawì atì nen, hit yì mene tì mene hesik hina'la wenesùgì uan horo ebetì lagep atì heraksìlìk he, hinetaùken at oba hìpìrethìlìk logoino o.