MATÌÙT 6:25 - Ala Ane Wene Ket Mene Warogo Wo'ninapike Wene

²⁵ An nen atì'nogo yogohisìgì atì nen, hit hina'la nen he, Nineluk logouogolùk he, sùpùrùk mel, i mel, kì mene nogoin. Nen, ninebe su kì mene laberogoin, ìlùk hinalabut hìrogo wenesùgì uan horo ebetì logoinogo ìlùk yogohisìgì. Nekarek mene atì esin nogo? Hineluk welagep atì esin akìgì. Su labetarek mene atì esin nogo? Hinebe atì esin akìgì.

MATÌÙT 6:25 ပူးပေါင်းရင်းမြစ်များ

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

1 PETERÙT 5:7

Ala hinebe etawì atì nen, hit yì mene tì mene hesik hina'la wenesùgì uan horo ebetì lagep atì heraksìlìk he, hinetaùken at oba hìpìrethìlìk logoino o.

ÙRÙM 8:32

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

MATÌÙT 6:31

Halok he, hit hinalabut hìrogo wenesùgì uan horo ebetì logolìk, Ninapùrùk mel, ninagei mel, kì mene nogoin. Nen, ninasu kì mene laberogoin, ìkì lagep atì usak motok lek o.

MAREKÙT 4:19

ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetì logolìk, inokawerek en lalìgìk, ina'la nen yì mene tì mene aike walok akìgìk, egarek atì nen he, wene atì ina'la kakil arìk he, eken ìterek lek atìat o.

MATÌÙT 10:19

Hinanema atì'nogo wanuagalùk wokhisek lagaika halok he, hit en oko yogoisogoin mene atì sat Ala nenat hina'la kagaligin. Halok he, oko kì'nogo yogoisogoin ìlùk hinalabut hìtùp o.

1 KORÌTÙT 7:32

Hit he, hìmì hesik, ap hesik, hina'la wenesùgì ebetì'lek logouageip en ìlùk yogohisìgì o. Atì'nogo ìgì atì re, ap inagagwì lek mene nen he, ninoe Etagepogot a'la hano asuagalùk, at hesik esinethìlìk ina'la ebetarek o.

MATÌÙT 6:34

Halok he, hit he, hùen hesik hinalabut hìrogo wenesùgì uan horo ebetap o. Yogotak weak arì'logo mene werek kolegat he, hùen weak asigin mene ebesusak lek o,” ìlùk yogoisasike.

2 TIMOTÌÙT 2:4

It ap ekaragùntek atì, inogogì kaintek ina'la hai hakoagalùk, weim yapì logolìk, yì mene tì mene ouma mene oba ebetì'legat yaparek atì.

LUKAT 8:14

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

LUKAT 12:11

Hit hinanema wanuagalùk, apùnì nen it apùnì Yahuri mene sapan egare'ma atoma mel, it ap pemerintah mene ineilhanem atoma mel, it ap inetagepogot ineilhanem mel, wokhisek hika lago halok he, hina'la nen he, Nit ninogat telogo wene oko kì mene ugun, ìlùk hinalabut hìtùp o.

MAREKÙT 13:11

Hit hineki hele warogo ùkùm inoba hìgìk, kotìk, egare'ma wokhisek laganem hit en be, An nen wene oko ki'nogo igin, ìlùk hinalabut hìtùp o. Wene oko hit en hina'la kagalogo ugun hùk. We, Ala Areagùn nen, Yì'nogo ini o, ìlùk atì sat yogohisegein meneat yogoisano o.