MATÌÙT 6:20 - Ala Ane Wene Ket Mene Warogo Wo'ninapike Wene

²⁰ Meneat he, pogot oba mene nek he, elugeke nen palhìk, nakusi nen legetìk, ap ineil agasabu weak mene nen yogot wagani kìgìk, egarek motok lek. Halok he, pogot oba atomaat hano mene atogorogo lakhakasak o.

MATÌÙT 6:20 ပူးပေါင်းရင်းမြစ်များ

LUKAT 12:33

Hit hinagarok mene atì oko abarìk he, oko uang abasugun mene amanogo it inagarok lek inelageik mene atì sùpùrisano o. Sùpùrisìlìk he, uang awì momok agarek lek mene waganogo hìlìk, kalogo hìkì logou hak, hinagarok hano motok lek asigin lek mene, it ap ineil agasabu weak mene nen yogot hinasi kìgìk, elugeke nen palhìk, ikerek motok le'ma pogot oba atoma kalogo hikoagalùk lakhakìkì logoino o.

MATÌÙT 19:21

at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

1 TIMOTÌÙT 6:19

Atì'nogo hagatì logogun halok he, yì mene tì mene hobuk mene hesik atogorogo hagarek hak, hano hagatì logolìk, hobuk motok logogin mene hesigat hakìkì logopik he, ninebe eberogoat ninelugu'ninabumo logogun atì meneat heloagalùk inasuk Watì logoino o.

LUKAT 18:22

at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.

1 PETERÙT 1:4

Atì'nogo hano'ninapenem ese asugun mene atì, hili agì'lek, weak agì'lek, lek agì'lek esok motok logogin mene pogot oba aike hit hikikomo werek o.

1 PETERÙT 5:4

Atì'nogo hagato were'ma re, ninoe ako esewerek a'nogo wesipik he, “Hano motok hagatì lagepma,” ìlùk oko hogorato motok logogun mene wokhisegein o.

IBERANI 10:34

it aike hele warogo kelaksikenem hinetawìrinapìk, ìkì lagagip atì. Atì'nogo hagatì logolìk hina'la nen he, “Nit mene ningsek hano motok logogin mene werek o,” ìlùk akìkì logolìk he, hit mene yì mene tì mene helikenem hina'la weak agì'lek hai hakìkì lagagip atì.

MATÌÙT 6:19

Atì'nogo yogoisasikesik he, aike mel yogoisasike: “Apùnì nen yì mene tì mene kweangma yoma atogorogo hikenem he, elugeke nen palhìk, nakusi legetìk, ap ineil agasabu weak mene nen yogot wagani kìgìk, egare'ma yoma re, yì mene tì mene atì atogorogo housak lek o.

MAREKÙT 10:21

at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,