MATÌÙT 6:16 - Ala Ane Wene Ket Mene Warogo Wo'ninapike Wene

¹⁶ Atì'nogo yogoisasikesik he, aike mel yogoisasike: “Hit sùpùrùk nìkì'lek sapanat iko motok logouogolùk halok he, it apùnì aike inogat oba nek hano salek logolìk inetaùken pìre mene nen, Apùnì aike nen enagat hù'nisoak, ìlùk inelokoken ohuselogo welagaikarek atì hak, logousak lek. It atì oko hela hak he, we, apùnì nen enagat yerisagarek atìat ìlùk, eberogoat yogohisìgì o.

MATÌÙT 6:16 ပူးပေါင်းရင်းမြစ်များ

LUKAT 18:12

An he, minggu omakeat oba neki pìre ba sùpùrùk nìkì'lek heang negen hìlìk welagìk, nagarok yì mene tì mene hakìgìrek mene, obogat neki wenagasogo re, nomolo ba asi waganem, aike hat hesik hagagìk, ìgìrek o. Nopase, ìlùk isike meneat he,

MAREKÙT 2:18

Hobuk ineki aike sapùl he, at Yohanet agoromì ane wanhì lagaukwa mene mel, it ap Parisi mene inagoromì inane wanhì lagaukwa mene mel, sapan uogolùk he, sùpùrùk nìkì'lek welegat welagaukwa. Atì'nogo werek kolek, it apùnì he'nakìt Yesùt oba wagaukwasik he, mel yogosukwa: “Yesùt. It Yohanet agoromì ane wìlì'lùgì mene ho, it ap Parisi mene inagoromì inane wìlì'lùgì mene ho, sapan uogolùk sùpùrùk nìkì'lek werek kolegat he, hat hagoromì hane wìlì'lùgì mene aroma nek he, atì'nogo hagatì'lek sùpùrùk nìlì'lùgì atì nahalok,” ìlùk yogosukwa.

LAKSASIKE 14:23

Atì'nogo yogoisìlìk wùlìbi waga logolìk he, o ya ta, Ala againapùrì atogotì lagaukwa lopok, inogogì hagisek logouagalùk menhisìlìk he, ineki aike sapan uogolùk sùpùrùk nìkìlek welegat logolìk sapan mel ìkì lagaukwa: “Yesùt ninoe. Hagainapùrì inetaùken hoba hìpìrìk werek mene yì, hagisek logoinok en ìlùk hat heki ba hogo o,” ìlùk sapan ìlìk wùlìbi wagaukwa.

MATÌÙT 6:5

Atì'nogo yogoisasikesik he, aike mel yogoisasike: “Halok he, hit sapan ìkì logolìk, apùnì aike inogat oba nek hano salek logolìk inetaùken pìre mene nen he, Sapan ìkì lagì atì apùnì nen hùthanuak, ìlùk Ala awì wùrì'mo kagaresik he, inebe melarìk sapan ìgìk, kwe atogolma melarìk sapan ìgìk, egarek atì hak he, ìkì logogùp o. It atì oko hela hak he, we hogorinabì'lùgì atìat o, ìlùk eberogoat yogohisìgì o.

MATÌÙT 6:2

Nen, hit aike hinagarok werek mene nen, it lek mene leberìsùogolùk halok, An tì'nogo hagatì lagì, ìlùk hinane a'mìt sup hogo hagatì logogùp o. It aike inetaùken pìre logolìk inogat oba nek hano salek logolìk, o sapan egarek oba kìlìk mel, ebekwe laga logolìk mel, it aike nen, It hano, ìlùk hogorìnabuagalùk hagarì'lùgì atì, hit atì'nogo hagatì logogùp. It atì oko hela hùk he, we hogorinabì'lùgì atìat o.

2 KORÌTÙT 11:27

Yì hesik tì hesik seget kwìl-kwal hogo hagatìk, ninhùp-nanhùbat nogo neluk nogo ìgìk, sùpùrùk mel, i mel, lek en nele welagìk, ninhùp-nanhùbat sùpùrùk nìkì'lek kamo ìgìk, nasu lek en sogoi noatìk, o koma nogo u heat agìk, ìkì lagagisigat.

1 KORÌTÙT 7:5

Halok he, hìmìap hinom nogo ìkì logousak. Heksek logogùp o. Sapan ìkì logouogolùk halok he, mel usak: “Elama hesik welegat logouok,” ìlùk weneane hinom ìlìk en, sapan ìkì logopik he, hobuk hinom lapuk hogo logoino. Hinetaùken sebelusak mea atì nen, Ibilit en hina'la kagalinogo ìlùk he, hinom lapuk hogo logousak atì.

LUKAT 2:37

soge hesikesik oba nen, at ebe umur 84 tahun motok yaman agaikesik welagaike. Logolìk eki aike sùpùrùk nìkì'lek heang negen hakìlìk Ala awì wùrì'mo atoma likene hùako abìt hìgì'lek sapan iko motok welagaike.

2 KORÌTÙT 6:5

Tùgì ninoatìk, nineki hele warogo o hele warek hisagarek oba hinìgìk, apùnì logolek en ninoba lìmamìt palìk palìk ninoasusak haga'lagìk, iko kolek welago. Yabu set apik hagatìk, nogo usak lek agìk, sùpùrùk nele agìk, ìkì logolìk hagatì lago.

LAKSASIKE 10:30

Atì'nogo yogoisasikomo, at Korenelìùt en he, “O ùage, mo hea i laga kolek, jam 3 ba o yìgìnenemat an naua sapan ìgì.

MATÌÙT 6:1

Atì'nogo yogoisasikesik he, aike mel yogoisasike: “Ala nen, Tì'nogo hagatì logoino, ìlùk isikomo, hit en higit hogo hagatì lagep mene atì, apùnì nen ineileken hisìkì logouagalùk sele'ma hagatì logogùp o. Ineileken hisìkì logouagalùk hagatep halok he, hinopase pogot oba mene oko wokhisegein motok lek o. Hit ina'la ebe'ni!