MATÌÙT 6:1 - Ala Ane Wene Ket Mene Warogo Wo'ninapike Wene

¹ Atì'nogo yogoisasikesik he, aike mel yogoisasike: “Ala nen, Tì'nogo hagatì logoino, ìlùk isikomo, hit en higit hogo hagatì lagep mene atì, apùnì nen ineileken hisìkì logouagalùk sele'ma hagatì logogùp o. Ineileken hisìkì logouagalùk hagatep halok he, hinopase pogot oba mene oko wokhisegein motok lek o. Hit ina'la ebe'ni!

MATÌÙT 6:1 ပူးပေါင်းရင်းမြစ်များ

MATÌÙT 23:5

It en yì hake tì hake hagarì'lùgì atì obogat he, Apùnì nen ye'nisek logouak, ìlùk, ina'la akìkì logolìk hagarì'lùgì o. It en he, Sapan ìkì lagì, ìlùk, Ala ane sùesika ba helal waganogo ineilha ba homatarek a'nogo, it en hùkorogo homatìk, su etakwe mene hùnogoat labetarek a'nogo, it en su o'lu uan hogo karogo labetìk,

YOHANET 12:43

It atì Ala nen hogorinabuagalùk hagatì lagaukwa lek. We, apùnì nen hogorinapì logou walok en hagatì lagaukwa atì.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

LUKAT 16:15

Atì'nogo isukwama re, at Yesùt en it yogoisìkì logolìk he: “An higit hagatì lagì, ìlùk apùnì ineilhanem hinoabùt higit mene hake hagatì lagep. Meneat he, Ala nen hinetaùken motok elu o. Yì mene tì mene it apùnì nen hano ìlùk esinetsagarek mene atì re, at Ala motok apsìrì o.

KALATIA 6:12

It apùnì aike nen he, “Hinogat hinekalìma mene palini o,” ìlùk, ning hogo yogohisìlì'lùgì mene atì, it apùnì aike nen ineileken isìlìk, “Hano hagarì'lùgì,” ìlùk akoagalùk hagarì'lùgì atì. Yesùt ebe e ba menhìlìk wasukwa wene a'nogo yogoisikenem he, apùnì Yahuri mene nen weagarinabinogo ìlùk, wene hùnogo mene ning hogo yogohisìlì'lùgì atì.

YOHANET 5:44

Ala aligat esok motok welagarek atì nen hogothinabuagalùk hagatì'lek logolìk he, hit-hirat hat aike nen hogoratìk, hat aike nen hogoratìk, hogorakìkì lagep atì nen, hinetaùken an noba nìkì'nogo hipirethousak akegep. Mea o.

2 YOHANET 1:8

Nen, nit en hit hagathikìkì lagagu a'nogo hesik, hit aike oko wanhì'lek nong asinogo ìlùk, obogat wanuageip en he, hinoabùt hebelogo logoino. Logolìk he, Ala nen, “Hit oko wokhisegein,” ìlùk wene wa'nisasike a'nogo, hit aike nong agì'lek obogat heloageip en he, hinomamerogo hagatì logoino o.

MAREKÙT 8:15

Wùlùpukwasik he, Yesùt en inasuk warogo mel yogoisasike: “It ap Parisi mene mel, at Herotet mel, eken sùpùrùk horoti mene hisuagalùk a'la pelaparek a'nogo mene hake werek atì ba weagathinabinogo ìlùk, hinepe hebelogo logoino,” ìlùk inasuk wasike.

MATÌÙT 6:16

Atì'nogo yogoisasikesik he, aike mel yogoisasike: “Hit sùpùrùk nìkì'lek sapanat iko motok logouogolùk halok he, it apùnì aike inogat oba nek hano salek logolìk inetaùken pìre mene nen, Apùnì aike nen enagat hù'nisoak, ìlùk inelokoken ohuselogo welagaikarek atì hak, logousak lek. It atì oko hela hak he, we, apùnì nen enagat yerisagarek atìat ìlùk, eberogoat yogohisìgì o.

MATÌÙT 16:6

at Yesùt en mel yogoisasike: “It ap Parisi mene mel, ap Saluki mene mel, eken sùpùrùk horoti mene hisuagalùk a'lakwe pelaparek atì hake mene hesogo werek atì ba weagathinabinogo ìlùk, hinepe hebelogo logoino o,” ìlùk yogoisasike.

LUKAT 12:15

apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he,

MATÌÙT 5:48

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

LUKAT 11:35

Atì halok he, hina'la o lìa hake mene werek atì mùm asinogo ìlùk, hinoabùt hebelogo logoino.

LUKAT 12:1

Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.

MATÌÙT 25:40

an ap kain Netagepogot nogo nen he, it apùnì amanogo mel yogoisegein: Hit en an nagoromì inetage lek mene aike were'ma atì'nogo hagarinapì lagagip atì, anat haga'napì lagagip o, ìlùk, eberogoat yogohisìgì, ìlùk yogoisegein.

MATÌÙT 5:46

Nen, it apùnì aike nen, hit inetawìthinaparek mene atì nek hit en hinetawìrinapì lagep halok he, Ala nen oko wokhisegein nogo? Lek o. Atì hak he, it ap pemerìntah mene hesik uang kìno ìlìk atogotarek mene nen inoabùt atì'nogoat hagatarek o.

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

MATÌÙT 6:9

Halok he, sapan ìkì logolìk he, yì'nogo ìkì logoino: Ninopase pogot oba mene hokawerek hetage esinethìkì logouagalùk, haga'ninabi me o. Ninebe hawe a'ma logouagalùk hina me o. It pogot oba hat ha'la akegetek mene hagatarek hak, nit kweangma atì'nogoat hagatì logouagalùk, haga'ninabi me o.

IBERANI 2:1

Atì nenat, apùnì i so ba laganem i nen wogisek lagarek atì hak, nit ebe wene atì heraksamo wele'ma wo'nisek lanogo ìlùk, wene ninasuk holhugu mene atì ning hogo hesogo logouok o.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

LAKSASIKE 3:12

Atogosukwama re, at Peterùt eileken isìlìk he, mel yogoisasike: “Hit apùnì Isirael mene yì sanì. Ap yì kwe niko yì, nit ninokawerek ninomame ba hagatìk, ninoabùt hano Ala ane hologo hagatì lago ba, hagatìk, ogo salek, hit hogoratìk, hineileken lùrogo nisìgìk, ìkì lagep ama nahalok.