MATÌÙT 5:9 - Ala Ane Wene Ket Mene Warogo Wo'ninapike Wene

⁹ Nen, apùnì inom weagat were'ma, it aike nen lapuk hogo hisagarek mene an, at Ala nen he, Yì an nagainapùrì o, ìlùk yogoisegein atì nen he, ina'la hai hakìkì logousak o.

MATÌÙT 5:9 ပူးပေါင်းရင်းမြစ်များ

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

ÙRÙM 12:18

Apùnì obogat hinom hano lapuk hogo logouogolùk, hit hinoabùt hano hagasusak mene higit hogoat hagatì logoino o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

ÙRÙM 8:14

Ala nen Areagùn wokhisikerek atì re, apùnì inebe it aike inatitigeke logolìk inoabùt inayùksek hagatarek atì hak, hagathinapì logouagalùk wokhisikerek hùk. We, at Ala okawerek againapùrì hagathinabìk, kùlhinabuagalùk wokhisikerek. Atì nen he, it apùnì Ala Areagùn nen wogisek nikerek mene hùgì, inebe lopok he, inebe Ala againapùrìat werek o. Atì'nogo logolìk ninebe Ala Areagùn oba hìpìrethìlìk logolìk he, mel ìkì lago: “Nopase Ala, nopase Ala,” ìlùk ninane pak hogo ìkì lago atì.

LUKAT 6:35

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

KOLOSE 3:13

Hit-hit aike nen aike weak hagathinapenem, eken hìgì'lek hinepe morogo logolìk, sagalogo heraksìkì logoino. Hit weak hagatì lagagip mene, ninoe Etagepogot en sagalogo heraksasike hak, hit-hit atì'nogoat sagalogo heraksìkì logoino o.

MATÌÙT 5:48

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

2 KORÌTÙT 5:20

Nit he, Karìsùt enat, ninayoko hìlìk lakhina wagaikomo wagagusik he, Ala nen wene yogohisa hak, hinasuk watì lago atì. Atì'nogo watì logolìk, “At Ala nen hobuk hinapotkwo lapuk hogo hikoak en he, at hinom lapulini o,” ìlùk Karìsùt etage palogo ninane lìok hogo yogohisìkì lago.

LAKSASIKE 7:26

Hùthìgì'legat logolìk he, hùenkwe ap inebe pìre Isirael mene aike eperak tùgì yapenem, eileken isasikesik lapulogo hisagalùk, mel yogoisasike: Nagaiya'lak. Hit he, hagot heperak meneat he, nahalok tùgì wat-wat ìkì lagep, ìlùk yogoisasike.

1 KORÌTÙT 6:6

Meneat he, hat aike nen he, hagaiyak aike ùkùm oba hìlìk he, apùnì inetaùken Ala ba hìpìrethìgì'lek mene nen pìlìngìrogo ùkùm oba hìgìk, kotìk, uak en ìlùk inayoko hìkì lagen atì.

PILIPI 4:2

Ewolia, Sinitike, nerùgì e. Heperagat ninoe Etagepogot hinom hutik logolìk, hinetaùken omakeat mene ebetì logouageip ìlùk yogohisìgì atì.

LUKAT 20:36

Apùnì wa'larì'mo Ala nen inelugurinabigin atì nen he, inebe Ala againapùrì, it malaikat pogot oba yoko negarek mene inom higit logolìk, hobuk wa'laga logogun motok lek o.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

ÙRÙM 8:16

Atì'nogo ìkì lago atì re, at Ala Areagùn nen, “Hinebe Ala againapùrì o,” ìlùk yogonisikenem, nit ninetaùken oba nen ogorek atì.

ÙRÙM 8:19

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.