MATÌÙT 5:8 - Ala Ane Wene Ket Mene Warogo Wo'ninapike Wene

⁸ Nen, apùnì inetaùken omakeat tegelek welagaikarek mene atì, hobuk Ala ebe ineileken hogoin atì nen he, ina'la hai hakìkì logousak o.

MATÌÙT 5:8 ပူးပေါင်းရင်းမြစ်များ

IBERANI 10:22

At ebe atoma were'ma, nit nina'la nen he, “Nit weak hagato,” ìlùk nina'la wenesùgì ebetorek mene hano ho'ninapìk, ninogat obakwe i elokoken hano mene ba sobalninapìk, isike atì nen he, ninetaùken omakeat at oba hìpìrethìlìk ninayù'lek hogo, at oba horok hogo kìkì logouok o.

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

YAKOBÙT 4:8

Hit Ala oba lopok hogo lagep halok he, at hogo re, hinoba lopok hogo wesiginat o. Hit weak hagatì lagep mene atì, hineki bakwe horogo hebisìkì logoino o. Hinetaùken pìre agorek atì, hina'la weak mene horogo laksìkì logoino o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

LAKSASIKE 15:9

It hùnogoat hagarinapìk, nit hùnogoat haga'ninapìk, ìgì'lek o. We, it en Yesùt ane eberogoat ìlùk wanhukwama re, at en ina'lakwe horinapike atì.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

2 KORÌTÙT 7:1

Halok he, nerùgì nagaiya'lak. Hinebe netawì e. At Ala nen atì'nogo logogun ìlùk abok yogonisasike atì nen, ninebe nen, ninetaùken nen, weak hagatorek mene atì, hanorogo horogo hebisùok o. Atì'nogo hebisìlìk, Ala ebe ninayùk logolìk he, ninebe at hesik hisìlìk logouok en, ninetaùken katok hogo wurigethìkì logouok o.

1 KORÌTÙT 13:12

Yogotak ya re, inapùnak mùm werek kolek ineileken lakhagarek hak, agasabeke mene lakhìkì lago. Meneat he, hobuk ebe mene tùkùm hogo lakhogoin o. Yogotak he, wene ato he'na nek ninelu welago. Meneat he, hobuk at Ala nen an nebe tùkùm hogo elu atì hak, an nen at Ebe tùkùm hogo nelu asigin o.

ABÌKAKAN 22:4

Atì'nogo logolìk, Ala etage it ineilhaken oba helal wagane'ma re, it en at elokoken ineileken hìkì logogun.