MATÌÙT 5:7 - Ala Ane Wene Ket Mene Warogo Wo'ninapike Wene

⁷ Nen, apùnì inebe inetawìrogo welagaikarek mene atì, ninopase nen it etawìrinabigin atì nen he, ina'la hai hakìkì logousak o.

MATÌÙT 5:7 ပူးပေါင်းရင်းမြစ်များ

EPESÙT 4:32

Heraksìlìk he, hit-hit hinoabùt enago lìoksek logolìk he, hit weak hagatì lagagip mene at Karisùt en sagalogo legethesike mene, Ala nen legetsasike atì hak, hinerùgì hinagaiya'lak aike nen weagathinapo halok he, wene atì legetsìkì logoino o.

YAKOBÙT 2:13

Hit en he, apùnì hinetawìrinapì'lek halok he, Ala nen he, etawìthinapì'lek, ùkùm hinoba hegeinat o. Mene re, apùnì aike inetawìrogo welagaikarek mene atì Ala nen inanema wanhì logolìk ùkùm inoba hegein lek o.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

KOLOSE 3:12

Hit hinebe, Ala nen wenagasogo okawerek hesik hakasikesik he, “An nokawerek nagainapùrì o,” ìlùk, etawìrogo welagarek atì. Halok he, su ket mene labetarek hak, hinoabùt mel mene wanino. Inebe inetawìrinaparek mene atì mel, inoabùt enago welagaikarek mene atì mel, inokawerek en hogorakìgì'lek inetaùken seberogo welagaikarek mene atì mel, inoabùt lìok hogo hagatarek mene atì mel, inepe morogo welagaikarek mene atì mel, hinoabùt atì mene wanino.

LUKAT 6:35

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

IBERANI 4:16

Atì nen he, nit weak asusak were'ma, hanoasuak, ninopase Ala oabùt hano nen etawì'ninapìk, lebe'nisigìk, uagalùk, at Ala kain welagarek oba logolìk oabùt hano oba heanerogo hagatarek atì nen, ninayù'legat oba horok hogo kuok o.

1 PETERÙT 2:10

Hit alep he, Ala hinom inapik welagagip meneat he, yogotak hinebe Ala againapùrì agep o. Nen, alep he, hit en he, “Ala ninebe etawì werek,” ìlùk hinokot welagagip meneat he, yogotak “Ninebe Ala etawì nen wo'ninapikomo welago,” ìlùk hinelu agep o.

MAREKÙT 11:25

Hit aike melarìk sapan ìkì logolìk he, weak hagatep mene ninopase Ala pogot oba mene nen sagalogo legetsoagalùk, apùnì nen hit weagathinapa mene hit en eken inoba hìlìk welagep halok he, atì sagalogo heraksano. [

1 KORÌTÙT 7:25

Wene hìlìmìkìrùgì salisik mene hesik he, “Tì'nogo hagatì logoino,” ìlùk ninoe Etagepogot en ninasuk watì'lek meneat he, wene an na'la akìkì lagì mene yì yogohisak. Nane yogohisegein yì re, hit hina'la nen he, “Ala nen Paùlùt ebe etawì nen wanhikomo oabùt hùpùn mene nen yogonisike atì eberogoat,” ìlùk hina'la akano o.

1 TIMOTÌÙT 1:16

Mene re, it apùnì aike hobuk inetaùken Yesùt oba hìpìrethikenem ineluk motok logouagalùk, hagarinabigin mene ina'la nen akìkì logolìk he, “Paùlùt weak hagato kolegat he, Karìsùt Yesùt a'la pùk agì'lek epe morogo motok welagaikesik en, etawìrarìk ebe wanhìke atì re, at en apùnì weak hagatarek mene atì'nogo woginapere'ma hìgì,” ìlùk, Ala oabùt enagat hùthoagalùk, an tak atì'nogo wo'napike atì.

2 KORÌTÙT 4:1

At Ala ninebe etawì nen he, at hesik yì'nogo hagatì logouagalùk ninayoko hesike atì nen he, nina'la pùk arìk heraksìgì'lek hagatoat welago.

ÙRÙM 11:30

Hit alep Ala ane hologo hagatì'lek welagagip. Meneat he, yogotak it Isirael mene Ala ane hologo hagatì'lek oba re, hit hinebe etawìthinapike atì o.