MATÌÙT 5:41 - Ala Ane Wene Ket Mene Warogo Wo'ninapike Wene

⁴¹ Nen, ap aike nen ane keirogoat ìkì logolìk he, Sukwe yì horok atem hani lan o, iko halok he, hit en tagan hogo negenat hisa lasak o.

MATÌÙT 5:41 ပူးပေါင်းရင်းမြစ်များ

LUKAT 23:26

Atì'nogo wogisasikomo wolok wagaukwa hak he, ap etage Simon, awì o Kirene mene aike o wele'ma nen o kota hùkoma kigìlùk laganem, ebe hakhesukwasik e Yesùt menhìlìk wasugun mene a'nogo wolok he, Yesùt opolik wesuagalùk inane keirogo yogosukwa.

MATÌÙT 27:32

Yesùt ebe wasuogolùk wolok, o silimo nen arat wùlìbi wagaukwasik, waganem, ap aike etage Simon, aua o Kirene mene inom apì agaukwasik he, inane keirogoat mel yogosukwa: “Yesùt e ba menhìlìk wasugun mene e yì hat woginabin o,” ìlùk yogosukwa.

MAREKÙT 15:21

Atì'nogo wolok ebekalem waganem he, ap aike etage Simon, aua o Kirene mene, ap Aleksatat ho, Urùpùt ho, inopase atì, o atama esakoma nen o kota kìgìlùk laganem inom apì agaukwa. Inom apì arìk he, mel yogosukwa: “Yesùt ebe e ba menhìlìk wasugun mene e yì, hat en woginabin o!” ìlùk inane keirogo yogosukwama wanhìke.

MATÌÙT 5:40

Nen, it apùnì aike nen, it ap wene ero pìlìngìtarek mene amanogo inoba wokhisek lìlìk, Hasu eilemkwe laberek mene wo'nom, ìlùk iko halok he, atì mel, hasu sogoi su etakwe laberek mene atì inomat sabarogo wogisasak o.

MATÌÙT 5:42

Nen, at ap aike nen, Hagarok atì an wo'nom, ìlùk kìno iko halok he, hinabìt isìgì'legat wogosusak o. Nen, at aike nen, Hat mene atì hobuk wokhesik en, elama hesik wo'nom, ìlùk iko halok he, Nabìt, ìgì'lek wogosusagat o,” ìlùk yogoisasike.

2 KORÌTÙT 5:14

At Karìsùt nit ninebe etawì'ninaperek atì nen ha'nisek welagarek. At aligat nit obogat hesik wa'lagaike atì. Halok he, nit obogat wa'lagaguat o, ìlùk hùthìkì lago.