MATÌÙT 5:39 - Ala Ane Wene Ket Mene Warogo Wo'ninapike Wene

³⁹ Atì'nogo meneat he, an nen wene aike yì yogohisak. Weagathinapa halok oko hùgùp o. Hinelokoken ebekwe lapuk hogo hinoato halok he, peikkwe inomat hoasuagalùk, ìnùgisasagat o.

MATÌÙT 5:39 ပူးပေါင်းရင်းမြစ်များ

1 TESALONIKA 5:15

Apùnì nen hit aike weagathinapenem en, oko-oko weagarinapì'lek logolìk, hit-hit hesik mel, apùnì obogat hesik mel, inoabùt hanorogo hagatarek atì meneat esinethìkì logoino.

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

1 KORÌTÙT 6:7

Hit-hit hinerùgì hinagaiya'lak hinom meneat he, hinom wene-wene motok welagep atì nen maben akìkì lagep o. Hit he, weak hagathinapenem en, hinepe morogo logoumo weak a? Alemathinapa halok heraksamo weak a? Hano o.

YAKOBÙT 5:6

It aike higit hogo hagarì'lùgì mene atì, it en oko hit hinoasusak le'maat ùkùm inoba hìlìk inebe inoatì lagep atì rì!

IBERANI 12:4

Hit enek he, weak hagasu hinabìt en, weim inomamerogo yaparek atì hak hagatenem, hinamep wulagasogo hinoatì'lek mene welagep o.

LUKAT 22:64

eileken salhìlìk he, “Sa nen hoate nogo tak. Yogonisan o!” ìlùk yogotìk,

MATÌÙT 5:40

Nen, it apùnì aike nen, it ap wene ero pìlìngìtarek mene amanogo inoba wokhisek lìlìk, Hasu eilemkwe laberek mene wo'nom, ìlùk iko halok he, atì mel, hasu sogoi su etakwe laberek mene atì inomat sabarogo wogisasak o.

LUKAT 6:7

Were'ma re, it ap Ala ane helal waganek esewerek mene mel, Parisi mene mel, ina'la nen he, “Yogotak nineki sabìt oba Ala hesik welegat werek kolek, at en ap arì hagasigin a? Lek a. Hagate halok he, Hat weak hagaten, ìlùk ùkùm oba houok o,” ìlùk, ineil wanhì lagaukwa.

YOHANET 18:23

at Yesùt en he, mel yogosike: “An nane kolo ìgì halok, wene kolo ìgì mene pak hogo yogonom he! Nane higit ìgì mene hesigat, tùgì noaten atì, nenahalok,” ìlùk yogosikomo,