MATÌÙT 5:30 - Ala Ane Wene Ket Mene Warogo Wo'ninapike Wene

³⁰ Nen, heki ebekwe nen weagathabusak haga'laga halok he, heki ebekwe atì tek hogo laksano. Hebe abireke etu ai'mo po lakhageinogo nen, tek hogo laksìlìk o'moko nek were'ma hano,” ìlùk yogoisasike.

MATÌÙT 5:30 ပူးပေါင်းရင်းမြစ်များ

MAREKÙT 9:43

Hineki nen weagathinabusak haga'laga halok, hineki o'moko palogo laksìlìk, hineki o'moko nek logolìk apùnì ineluk motok welagaikare'ma atoma kumo hano o. Mene re, hineki wùrat were'ma, hinebe wea'ma, [etu nogoilagì'lek soboneken wa'lagì'lek inoba hiko motok welagare'ma] atoma wo'lakamo weak ìlùk, hineki o'moko palogo laksana.

MATÌÙT 5:29

Halok he, heileken ebekwe nen weagathabusak haga'laga halok he, hemelogo laksano. Hebe abireke etu ai'mo po lakhageinogo nen he, hemelogo laksìlìk o'moko nek were'ma hano.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

1 KORÌTÙT 8:13

Halok he, nekarek mene atì ba nen an nagaiyak ebe weagatheinogo ìlùk he, at hesik he, an wam tùgì hareken ako warek mene kùrìk nìkì'lek motok herakhìkì logogin o.

LUKAT 17:2

At atì nen it apùnì maben mene yì omakeat aike an kopologo herakhanuagalùk a'la kagalumo, an kopologo herakhanhe halok, at a'la kagalhe werek atì helep hùko mene alokopma hele kelogo re, i laut yekele'ma po pelakselepma hano o.

MATÌÙT 13:21

wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.

LUKAT 12:5

Meneat he, hit sa hinayùk hogo logousak nogo. An nen yogohisak. At Ala nen hinebe hinoarìk he, hobuk etu ai'mo elok lakhikasak werek atìat hinayùk hogo logoino, ìlùk yogohisìkì lagì atì.

KALATIA 5:11

Nerùgì nagaiya'lak. An nen, inogat inekalìma mene palharek wene atì hano ìlùk yakùlisìkì logoilema re, noba yì aik tì aik haga'nabì'lùgì atì haga'napì logoilep akegep? Motok lek o. An wene atì wene yakùlisìkì logoilema re, wene Karìsùt ebe e ba menhìlìk wasukwa wene atì yakùlisikenem apùnì inasuk holìk he, inesok helep oba temuk hogo waragarek hak, ina'la pùk arìk wene herakselep legat o.

ÙRÙM 9:33

Wene atì hesik Ala nen he, mel isike: “An o Sion atoma helep hake aike hìgì yì hani! Helep atì ba apùnì inesok a'lip temuk hogo warìlìk, tukwak hogo laga logogun o. Meneat he, hinebe lopok hinetaùken at oba hìpìrethogoin mene hùgì hinekalì hogoin motok lek o,” ìlùk isikomo helal waganogo hesukwa.

MATÌÙT 26:31

Tom Saitun oba lagasikesik, at Yesùt en he, “At Ala nen, At ap topa wam serogo welagarek mene atì ebe an nen watenem he, ako omakìma atogorek welagarek mene atì, hese pùgùlugun o, ìlùk isikomo, helal waganogo hesukwama werek atì nen, yogotak hùako yì, hit obogat an herakhanìlùk hese pùgùlugun o.

MATÌÙT 22:13

Ane motok ìgì'lek kamo isikomo re, at ap kain etagepogot a'nogo atitigeke mene amanogo mel yogoisasike: Ap atì eki esok motok hele homagasogo re, eta'ma inaik hùnogo lì ago le ago egare'ma o motok mùmmo atoma wulaksani o, ìlùk yogoisasike.

MATÌÙT 25:20

ap uang 5.000 nen wanhike mene a'nogo hobuk 5.000 nenat mangoratike mene wolok wagaikesik he, Noe. Hat en 5.000 nen wo'nesigin a'nogo re, lakhan. An nen hobuk 5.000 nen aike inomat oba mangorogo hìgìma yì o, ìlùk yogosikomo,

MATÌÙT 16:23

Asuk wasikomo, at Yesùt elokwe lagak hogo Peterùt kelakhìlìk mel yogosike: “Hat Ibilit hìgì. Ala a'la akikerek higit hogo ebetì'lek, we apùnì nen akagarek hak ebethìlìk nakwe palhì lagen yì, nelokoma yoma logogùn. Hela lan o,” ìlùk yogosike.

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

MATÌÙT 17:27

Mene re, it en ina'mapsìrì wa'nisa nogo nen he, i yekele'ma lìlìk ikan watarek mene hele a'nogo ima pelapenem emakumagìk wanigin mene a'naga hekimo wìlìk ape langathikenem he, uang apelema were'ma hegein o. Halok he, atìat waganogo re, hat hesik, an hesik, it ap atì wogisano o,” ìlùk yogosike.

MATÌÙT 18:8

Hineki nen a? Hinesok en a, weagathinabusak haga'laga halok he, o'moko palogo laksìlìk, o'moko nek logolìk, ineluk motok logogunmo atoma kumo hano o. Mene re, hineki hinesok atì wùrat were'ma etu nogoilasusak le'ma atoma lakhikamo weak o. Halok he, o'moko palogo laksano.