MATÌÙT 5:29 - Ala Ane Wene Ket Mene Warogo Wo'ninapike Wene

²⁹ Halok he, heileken ebekwe nen weagathabusak haga'laga halok he, hemelogo laksano. Hebe abireke etu ai'mo po lakhageinogo nen he, hemelogo laksìlìk o'moko nek were'ma hano.

MATÌÙT 5:29 ပူးပေါင်းရင်းမြစ်များ

ÙRÙM 8:13

Hit hinoabùt apùnì hinoabùt hinesogat logolìk hagatì logogun halok, hinebe motok wa'lasugun atì. Mene re, hinoabùt atì'nogo hagasusak hagathinapenem, Ala Areagùn ayoko hìlìk, at omame ba watsìkì logogun halok he, hineluk motok logogun o.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

1 KORÌTÙT 9:27

It apùnì aike hano asuagalùk hano wene yogoisìlìk nìkì lagì meneat he, nokawerek herakhanumo nong asinogo ìlùk, nokawerek en nebe wara hak, netaùken ning hogo sebelìgìk, apùnì inawe a'ma logolìk inane hologo welagaikarek hak, an nebe nane awe a'ma logoigìlùk nasuk warìgìk, ìkì lagì o.

ÙRÙM 6:6

Nit ninoabùt ninesogat logolìk weak hagatì lagagu mene atì mabenetsoagalùk he, Yesùt e ba menhìlìk ninomat ninoasukwa atì nen, nit ninoabùt alep mene atì atitigeke logousak lek o, ìlùk ninelu.

KALATIA 5:24

Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.

MAREKÙT 8:36

Atì'nogo meneat he, sa nen, yì mene tì mene kweangma mene obogat esewerek asigin meneat he, ebe nong asigin halok, at en he, An aike elok sabùrogo hakìgì, usak nogo? Motok lek o.

MATÌÙT 19:12

It ap aike re, inagosalak ina'la nen inoualì lek ta'larìk he, hìmì woginapì'lek motok welagaikarek o. Nen, he'nakìt he, apùnì nen inouali woginapenem inagagwì woginapì'lek welagaikaregat o. Nen, he'nakìt he, Ala nen awe a'ma hisikere'ma, at hesik hagatì logouogolùk ineram enat inagagwì woginapì'lek welagaikarek o. Wene ìgì atì elok wanusak halok he, wanini o,” ìlùk yogoisasike.

MATÌÙT 10:28

Apùnì nen hinareagùn hinoasusak mea. We, hinagasabeke nek hinoasugun atì nen he, hinayùk hago logogùp o. Meneat he, at Ala nek he, hinareagùn mel, hinagasabeke mel, elok motok warogo etu ai'mo lakhikasagat werek atì nen, at Ala at hinayùk hogo logoino.

MATÌÙT 23:15

Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit hinane wanhì logouagalùk apùnì heraginabìk, i laut yekelek aik ìlì ba wùlìpìk, o yìi awì tì awì lagìk, nìkì lagep mene atì, Ala nen ùkùm hit hinoba hìlìk etu ai'mo atoma hikegein atì hake, it hinane holì'lùgì mene atì Ala nen ùkùm atì'nogoat eki pìre ba sirogo inoba houagalùk ìkì lagep atì nen, weagathinabigin o.

MATÌÙT 16:26

Sa nen yì mene tì mene kweangma mene obogat ese asigin meneat he, hobuk ebe nong asigin halok, at en he, An aike elok sabùrogo hakìgì, usak nogo? Motok lek o. Ebe nong asigin atì obùlù'mo re, nena mene eperak okosusak nogo. Mea o.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

MATÌÙT 23:33

Hit walo nen tagokwe mene hinebe waloat welagep yoma rì! Apùnì Ala nen ùkùm inoba hìlìk etu aik api'mo laksikenem, hit hese wùlùbugun nogo? Mea o.

LUKAT 12:5

Meneat he, hit sa hinayùk hogo logousak nogo. An nen yogohisak. At Ala nen hinebe hinoarìk he, hobuk etu ai'mo elok lakhikasak werek atìat hinayùk hogo logoino, ìlùk yogohisìkì lagì atì.

MATÌÙT 5:30

Nen, heki ebekwe nen weagathabusak haga'laga halok he, heki ebekwe atì tek hogo laksano. Hebe abireke etu ai'mo po lakhageinogo nen, tek hogo laksìlìk o'moko nek were'ma hano,” ìlùk yogoisasike.

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

MATÌÙT 17:27

Mene re, it en ina'mapsìrì wa'nisa nogo nen he, i yekele'ma lìlìk ikan watarek mene hele a'nogo ima pelapenem emakumagìk wanigin mene a'naga hekimo wìlìk ape langathikenem he, uang apelema were'ma hegein o. Halok he, atìat waganogo re, hat hesik, an hesik, it ap atì wogisano o,” ìlùk yogosike.