MATÌÙT 5:28 - Ala Ane Wene Ket Mene Warogo Wo'ninapike Wene

²⁸ Meneat he, an nen wene yì yogohisak. Ap sa nen, he aike eileken lakhìlìk he, a'la nen he, Eige. An he atì pailak hakheile e, ìlùk akike halok, a'la nen pailak eberogoat arat hakhike o.

MATÌÙT 5:28 ပူးပေါင်းရင်းမြစ်များ

1 YOHANET 2:16

Nen, apùnì kweangma mene inoabùt hagatarek he, inoba aiyage lagagìk, yì mene tì mene ineileken nen hìlìk walok akìgìk, kweangma mene hesik hogorakìgìk, egarek atì obogat he, ero re, ninopase Ala hùk. Ero re, kweangmaat o.

2 PETERÙT 2:14

It ap atì, ineilmo re, hìmì pailak haksìkì logousak mene peserek logolìk, inabìt hìgì'lek weak hagato motok logogun atì. Atì'nogo hagatì logolìk, apùnì Ala ane kerat wìlìk, inetaùken abolok werek mene lalinapì logogun atì. Inoabùt he, “Yì mene tì mene nit enek wo'nisanìk,” ìlùk ìkì logouogolùk hageat en yakùlhukwasik he, atì meneat inelu logolìk hagatì logogun atì. Atì'nogo hagatì logogun atì nen, Ala nen homan hisìlìk weagarinabigin werek o.

ÙRÙM 7:14

Wene Ala nen ninasuk wasike wene atì, at Areagùn nen yogonisasikesi'mo nogo nen he, hano motok, ìlùk ninelu. Mene re, an noabùt he, apùnì inoabùt inesok meneat welagì. Weak hagatarek atì mene nen awe a'ma hanigìlùk oko palogo negen wo'napikomo welagì.

MATÌÙT 5:39

Atì'nogo meneat he, an nen wene aike yì yogohisak. Weagathinapa halok oko hùgùp o. Hinelokoken ebekwe lapuk hogo hinoato halok he, peikkwe inomat hoasuagalùk, ìnùgisasagat o.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

MATÌÙT 15:19

Ina'la nen wene weak mene ebetìk, apùnì inoatìk, hìmì ap inagagwì mene pailak haksìgìk, hìlìmìkìrùgì pailak haksìgìk, yogot wanhìk, inapeliagat it aike ùkùm inoba hìgìk, inabok wiik-weak hogo palhìk, egarek atì re, ina'la nenat kagalogo lagai waganem wulaparek o.