MATÌÙT 5:20 - Ala Ane Wene Ket Mene Warogo Wo'ninapike Wene

²⁰ Ala a'la akikerek mene higit hogo hagasuogolùk he, it apùnì nen Ala ane helal waganek esewerek mene amanogo mel, ap Parìsi mene mel, inoabùt hagarì'lùgì atì hagat hagatì logogun halok he, Ala awe a'ma hisikere'ma atoma kugun lek o. Eberogoat Ala a'la akikerek mene higit hogo hagatì logogun mene halok kugun o,” ìlùk yogoisasike.

MATÌÙT 5:20 ပူးပေါင်းရင်းမြစ်များ

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

MATÌÙT 7:21

Atì'nogo yogoisasikesik, mel yogoisasike: “Hit apùnì nen, an yogonetì logolìk he, Ninoe, ninoe, ìlùk ìkì lagep atì ba hinebe obogat, an nopase pogot oba mene awe a'ma hisikere'ma atoma kugun lek. We, it aike, at Ala a'la akikerek mene higit hogo hagarì'lùgì mene atìat ki logoin o.

ABÌKAKAN 21:27

Atì'nogo kìkì logogun meneat he, apùnì weak ina'meilo mene hagatìk, inapelìak ìgìk, ìkì logolìk inoba horinapì'lek mene o atoma kìkì logogun motok lek hìgì. Atì'nogo meneat he, it aike ineluk motok logouagalùk hanorinabigin mene hùgì inetage helal waganogo Topa Eak arùesika ba hike mene nek o atoma kìkì logogun hìgì o.

LUKAT 18:17

Sa nen, yekerùgì magatek mene Ala nen awe a'ma hisikerek wene wìlìk kagarek atì hak kìgì'lek halok he, kigin motok lek o, ìlùk eberogoat yogohisìgì,” ìlùk yogoisasike.

LUKAT 12:1

Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.

LUKAT 11:44

Hit hinebe re, mel hake welagep. Apùnì wa'laganem kweangma salinaparesik, inetawì wekelogo hùlì hìgì'lek heraksagare'ma, apùnì inokot logolìk inesok en sebelogo hìlìk lagaikarek hak, hit atì'nogo weak werek kolegat, apùnì inokot logolìk hinom welagasep atì nen, Ala nen weagathinabigin o,” ìlùk yogoisasike.

MAREKÙT 10:25

Wam unta huko me atì re, lisu eketma kelabumo elok kusak meneat he, it apùnì inagarok apik mene atì Ala nen awe a'ma hisikere'ma atoma nìkì'nogo kusak motok mea o,” ìlùk yogoisasike.

MAREKÙT 10:15

Sa nen, yekerùgì magatek mene Ala nen awe a'ma hisikerek wene atì wìlìk kagarek atì hak kìgì'lek halok he, kigin motok lek o, ìlùk eberogoat yogohisìgì,” ìlùk yogoisasike.

MATÌÙT 18:5

Nen, sa nen yekerek yì hake an hesik wanhe halok he, an nebeat wo'nabigin o,” ìlùk yogoisasike.

MATÌÙT 3:10

E ero lapok eken hano mene itì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.

MATÌÙT 16:12

Atì'nogo yogoisasikomo, it amanogo hùthasukwasik he, mel isukwa: “Ì. Wene ike atì re, we, eken sùpùrùk horoti mene hisuagalùk a'la pelaparek atì mene hesik yogonisike lek. At he, it ap Parìsi mene mel, Saluki mene mel, inawene yakùlisagarek mene a'nogo weaga'ninabinogo ilùk, ninepe hebelogo logouagalùk yogonisike hìgì,” ililk hùthasukwa.

2 KORÌTÙT 3:9

Wene helal waganek atì higit hogo hagatì'lek oba ùkùm ninoba hakasugu atì. Meneat he, wene atì wogisikenem hogorasukwa meneat he, atì hamùlùgat o. At Yesùt en ùkùm ninoba mene korogo wokhìlìk Ala ba ninapotkwe hùnogo hinasike atì wene wo'nisasike atì hesik enek he, apigat hogorasusak o.