MATÌÙT 5:14 - Ala Ane Wene Ket Mene Warogo Wo'ninapike Wene

¹⁴ Nen, apùnì kweangma lìarinapùkwe re, hirat welagep o. O kota punu ebe ba wùrìk mene hinakhousak he, mea o.

MATÌÙT 5:14 ပူးပေါင်းရင်းမြစ်များ

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

1 TESALONIKA 5:5

Apùnì o likene lìa ba welagaikarek hak, hit obogat lìa atì esewerek meneat welagep o. Nit he, o hùako mùmmo welagaikarek hak, atì mene esewerek welago hùk. Lek o.

YOHANET 12:36

Hit hinebe an lìarinapìrek mane nagainapùrì asuageip en he, an ninom werek kolek yaat, nebe hù'nììlìk hinetaùken noba hìpìrethìkì logoni o,” ìlùk yogoisasike. Wene atì'nogo arat yogoisalùk, it atoma hisalùk, at Yesùt ebe wele'ma hina'lasi lagaike.

2 KORÌTÙT 6:14

Hit apùnì inetaùken Ala oba hìpìrethìgì'lek mene atì, hinom agale hùnetùp o. Apùnì higit hogo hagarì'lùgì mene mel, inasuk ware'lek hagarì'lùgì mene mel, inom hutik logousak nogo? O lìa atì mel, o mùm atì mel, inom apìma logousak nogo? Motok mea o.

YOHANET 5:35

At Yohanet atì ebe re, esage kìalogo hikenem yararathikerek hak were'ma, hit en he, Esage yarogo ninoba hìkì logouak, ìlùk, elama hesigat hina'la hai hakìkì lagagip atì,

ABÌKAKAN 1:20

Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.

YOHANET 9:5

An kweangma yoma logolìk, nebe o lìa hake nogo nen he, apùnì lìa hagarinapìrek o,”

ABÌKAKAN 2:5

Atì halok he, hit kopok hogo motogat pegesip welagep atì, hina'la ebethìlìk, hinoabùt hebelarìk he, alep hagatì lagagip atì hagat hagatì logoino o. Atì'nogo hagatì'lek halok he, an nebe wìrìk he, hit mene esage kìalhùkwe atì obùlù'mo nen kìgìlogo wokhegein o.