MATÌÙT 5:11 - Ala Ane Wene Ket Mene Warogo Wo'ninapike Wene

^11-12 Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

MATÌÙT 5:11 ပူးပေါင်းရင်းမြစ်များ

1 PETERÙT 4:14

Apùnì aike nen at Karìsùt hesik wenakhisiko halok he, hina'la nen he, “Ala Areagùn hogoratarek mene a'nogo ninoba louk ikomo welago,” ìlùk hina'la hai hakìkì logoino o.

LUKAT 21:17

Nen, it apùnì obogat en he, an netage ìlìk, Hit he, at agoromì, ìlùk hinebe inabìt motok hikogoin.

MAREKÙT 13:13

Nen, apùnì obogat en an netage ìlìk. Hit he, at agoromì, ìlùk hinebe inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o,” ìlùk yogoisasike.

MATÌÙT 24:9

“Atì sat he, apùnì inùkùl etage lopok en, an netage ìlìk, Hit he, at agoromì, ìlùk hinebe inabìt motok hagathinabìk he, hinebe hakhìkìlik, it aike nen tùgì hinoatìk, hinebe motok hinoatìk, uagalùk inoba wokhisek laga logogun o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

1 PETERÙT 2:23

Apùnì nen inane sagan weak wokhiko kolegat, at en oko ane sagan wogisìgì'legat. It en yì aik tì aik hagato kolegat, at en, “An hobuk oko aike hinoasigin,” ìlùk yogoisìkì lagaike legat. At he, “We, Ala nen ùkùm inoba hìgìk, kotìk, higit hogo igin mene werek o,” ìlùk, at eki ba hìlìk, ane oko ìgì'lek kamo ìkì lagaike.

YOHANET 15:21

Atì'nogo meneat he, it en, at an lakhani wagaike mene a'nogo ebe inokot atì nen he, It yì at agoromì, ìlùk, wene yogohisìgì atì obogat hagathinabugun o.

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

ABÌKAKAN 2:3

Nen, apùnì nen an hesik yì aik tì aik hagathinapo kolegat, hit en he, At ninabìt, ìlùk, herakhanhì'lek hinepe morogo welagasebat.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

2 KORÌTÙT 4:11

At Yesùt wa'lagaikesik eluk agaikesik nit ninebe wa'lagorek mene yì nina'la eluk welagarek atì enagat asuagalùk, nit yogotak nineluk werek kolek, at Yesùt hesik ninhùp-nanhùp ninoasuogolùk ikenem telninaperek atì.

1 KORÌTÙT 4:10

Nit he, Karìsùt hesik ninebe kepù werek kolek he, hit enek he, Karìsùt hinom hutik logolìk hina'la kagauksek welagep hìgì. Nit maben werek kolek, hit enek he, hinomame werek welagep hìgì. Nit ina'la meathinanho kolek he, hit enek he, hogothinabì'lùgì hìgì.

ÙRÙM 8:36

Wene atì higit hogo Ala ane ba helal wanhì logolìk, mel isukwa: “Hat hesigat he, apùnì nen likene hutik, hùako hutik, ninoasuogolùk haga'ninapo motogat werek o. Apùnì nen topa warn wasuogolùk abok palharek atì hak, ninabok palhoat werek o,” ìlùk helal waganogo hesukwama werek.

LUKAT 21:12

“Mene re, atì obogat oan haga'lagì'lek werek kolek he, emakum agìk he, apùnì nen hinebe hakhikìlik, yì aik tì aik hagathinapìk, o sapan egare'ma wokhisek lagìk, hele warogo hisagare'ma kelakhikìgik, ap inetagepogot mel, ap kain gubernur lak mel inoba wokhisek lagìk, ugun atì re, it en he, an netage ìkì logolìk, Hit at agoromì, ìlùk atì'nogo hagathinabugun o.

LUKAT 9:24

Nen, sa nen, An nebe neluk logousak walok, ìlùk, ebe elele helegein halok he, wa'larik nong akegein o. Meneat he, an hesik wa'lasigin halok he, ebe telegein o.

MAREKÙT 8:35

Sa nen, An nebe neluk logousak walok, ìlùk ebe elele helegein halok he, wa'larik nong akegein o. Meneat he, sa nen, an nebe hesik mel, hano wene yì hesik mel, wa'lasigin halok he, ebe telegein o.

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

MAREKÙT 13:9

Atì'nogo hìkì logolìk, hit he, hinoabùt hebelogo logoino. Apùnì aike nen he, hineki hele warogo ap kaintek en hinanema wanuagalùk inoba wokhisek lagìk, o apùnì Yahuri mene sapan egarek oba nen tùgì hinoatìk, ugun o. Atì'nogo ìlìk he, It yì Yesùt agoromì, ìlùk, it ap pemerintah mene kaintek inom, inetage pogot inom, ùkùm hinoba houagalùk inelokoma menhikamo, atì sat hanoasuak, an hagatenem hineileken nììkì lagep mene pak hogo yogoisogoin.

MATÌÙT 27:39

Atì'nogo menhisasukwama were'ma, apùnì kwe atìkwe lagìk, wagìk, ìkì logolìk Yesùt mel yogotì lagaukwa:

MAREKÙT 4:17

Atì'nogo hepogat wanharek meneat he, wene atì inetaùkenma omaken yatì'lek en hamùlùgat were'ma nen, apùnì aike nen Ala ane atì hesik, yì aik tì aik inoba hìgìk, weagarinapìk, ikenem he, ina'la hageat pùk agaikaresik he, wene atì heraksalùk wùlùparek atìat o.

MATÌÙT 10:18

Atì'nogo hagathinabugun atì, ero an nebe hesigat, ap inetagepogot mene mel, kaintek mene mel, inoba wokhisek laganem, hit en it ap atì ineilhanem an hagatenem hineileken niìkì lagep mene a'nogo pak hogo it yogoisìgìk, apùnì etakwe mene yogoisìgìk, yogoisoagalùk hanoasuak hinanema wanugun a'naga o.

YOHANET 9:28

it en inane sagan wokhìkì logolìk he, “Hat at agot agatik ìkì lagen hìgì. Nit he, ap Musa agoromì welago o.

PILIPI 1:29

At Ala oabùt hano nen, hit hinetaùken Karìsùt oba hipìrethouagalùk enek hinayoko hesike hùk. Lek o. At hesik yì aik tì aik hìkì logouagalùk hinayoko hesikeat o.