MATÌÙT 4:7 - Ala Ane Wene Ket Mene Warogo Wo'ninapike Wene

⁷ Yogosikomo, at Yesùt en he, “Ala nen ìkì logolìk, Hit en he, an hinopase Ala Netagepogot nanini werek a? Lek a, ìlùk noabùt palusak motok lek o, ìlùk isikomo helal waganogo hesukwama weregat o,” ìlùk yogosike.

MATÌÙT 4:7 ပူးပေါင်းရင်းမြစ်များ

MATÌÙT 21:16

Yesùt mel yogosukwa: “It yekerùgì ìlì'lùgì atì hasuk holhì lagen a?” ìlùk, yo osukwama, at en he, “Ì o. Holhì lagì o. Nen, wene mel ìlùk helal waganek werek a'nogo hit en etage salhì'lek welagep nogo? It en Ala hogoratì logolìk he, Hat hebe katok hogo hogothapì logouagalùk, yekerùgì ketago mene mel, eilak oan nìlì'lùgì mene mel, motok yakùlisegenma hìgì, ìlùk isukwama, helal waganek atì hit en etage salhì'lek welagep nogo?” ìlùk yogoisasikesik,

MATÌÙT 21:42

Atì'nogo yogosukwama, at Yesùt en he, “Hit en Ala ane yì'nogo helal waganogo hesukwama etage salhì'lek welagep nogo? It en he, It ap tukang o helep mene wùtarek mene nen, o ebe watì logolìk he, Helep yì weak, ìlùk heraksasukwa mene atì obùleat ya'lagama o. Atì'nogo haga'laga atì, ninopase Ala Etagepogot enat hagate o, ìlùk, nineileken hogosik he, Egi! ìlùk hogoratì lago, ìlùk helal waganogo hesukwa mene atì etage salhì lagep lek nogo? Etage salhì lagebat o.

MATÌÙT 4:10

at Yesùt en he, “Hat Ibilit yì lan o. Ala nen ìkì logolìk he, Hit en he, hinopase Ala Netagepogot anat hineitep awì yagasogo nawe a'ma ki wìrìk hogo'napì logolìk he, an hesik enek hagatì logoino o, isikomo helal waganogo hesukwama werek o,” ìlùk yogosike.

MATÌÙT 4:4

at Yesùt en he, “Ala nen, Apùnì sùpùrùk enek nìkì logolìk ineluk motok welagaikarek lek o. An nane ìgìrek mene atì obogat wanho halok, ineluk motok logogun o, ìlùk isikomo helal waganogo hesukwama werek o,” ìlùk yogosike.

LUKAT 4:12

at Yesùt en he, mel yogosike: “Ala nen ìkì logolìk he, Hit en, an hesik, Ninopane Etagepogot anini werek a? Lek a, ìlùk, noabùt palusak motok lek o, ìlùk isikomo halal waganogo hesukwama werek,” ìlùk yogosike.

LAKSASIKE 15:10

Ala nen atì'nogo hagato kolegat he, hit en at oabùt paluogolùk ìkì lagep atì nenahalok. Wene atì ekin apik en he, ninopalak wanusak mea welagaukwa. Nen, nit en wanusak mea logolìgat he, hobuk it Yesùt ane wanha mene atì wanuagalùk egep atì nenahalok.

LAKSASIKE 5:9

Atì'nogo yogosikomo, at Peterùt en he, “Hit hagùn heperagat, wene Yì'nogo hagasuok, ìlùk egesip en ninopase Etagepogot Ala Areagùn oabùt paluogolùk hagatep atì nahalok. Ap hat hagùn ebe warek kweangma sali lagaikasik, hat atì'nogoat wokharek wùlùbuogolùk olilu kwe ba inesok ane wagaika arì,” ìlùk yogosike.

1 KORÌTÙT 10:9

Nen, apùnì it mene aike nen he, “Ninopase Etagepogot a'mage werek nogo?” ìlùk lalogo hagatì lagaukwama, walo aik en palinapì lagaikomo re, wa'larìk lagaukwa atì hak, nit ninoasinogo ìlùk atì'nogo hagasusak motok lek o.

IBERANI 3:9

Ala nen he, O atoma nen o mo lagagìk, pìgìk, iko kolek 40 tahun logolìk, an nen hit hinopalak hagarinapenem ineileken nen tomok hìkì lagaukwa meneat he, At omame werek a? Lek a, ìlùk lalnapìk, noabùt palhìk, ìkì lagaukwa. Atì'nogo hagatì lagaukwa atì nen, an na'mage inoba hìkì logolìk he, mel yogoisasigi: Hinoabùt kùn-kansek logolìk nane loporogo wanusak hinabìt atì nen,