MATÌÙT 4:4 - Ala Ane Wene Ket Mene Warogo Wo'ninapike Wene

⁴ at Yesùt en he, “Ala nen, Apùnì sùpùrùk enek nìkì logolìk ineluk motok welagaikarek lek o. An nane ìgìrek mene atì obogat wanho halok, ineluk motok logogun o, ìlùk isikomo helal waganogo hesukwama werek o,” ìlùk yogosike.

MATÌÙT 4:4 ပူးပေါင်းရင်းမြစ်များ

MATÌÙT 15:11

“Wene igin yì hit hùthoageip en he, hinasuk hanorogo holini o. Yì mene tì mene inapema kelaparek atì nen inebe weagarinaperek lek o. Mene re, inape ba nen wene egarek atì baat weagarinaperek o,” ìlùk yogoisasike.

MATÌÙT 4:10

at Yesùt en he, “Hat Ibilit yì lan o. Ala nen ìkì logolìk he, Hit en he, hinopase Ala Netagepogot anat hineitep awì yagasogo nawe a'ma ki wìrìk hogo'napì logolìk he, an hesik enek hagatì logoino o, isikomo helal waganogo hesukwama werek o,” ìlùk yogosike.

MATÌÙT 4:7

Yogosikomo, at Yesùt en he, “Ala nen ìkì logolìk, Hit en he, an hinopase Ala Netagepogot nanini werek a? Lek a, ìlùk noabùt palusak motok lek o, ìlùk isikomo helal waganogo hesukwama weregat o,” ìlùk yogosike.

MAREKÙT 7:20

Wene atì'nogo yogoisìkì logolìk, aike mel yogoisasike: “Wene ina'la nen kagalogo lagai waganem wulaparek atì nenat inebe weagarinaperek o. Atì'nogo ina'la nen weak mene ebetì logolìk hagatarek he, yì: hìlìmìkìrugì pailak haksìgìk, yogot wanhìk, apùnì inoatìk, ap inagagwi mene pailak haksìgìk, ina'la nen, Apùnì aike inagarok mene an mene nek logoilep, ìlùk akìgìk, yì weak tì weak aike hagatìk, lalinapik, inekalì lek hagatìk, ua palhìk, inabok wiik-weak palhìk, inokawerek en hogorakìgìk, inetaùken lek hagatìk, egarek atì.

LUKAT 4:12

at Yesùt en he, mel yogosike: “Ala nen ìkì logolìk he, Hit en, an hesik, Ninopane Etagepogot anini werek a? Lek a, ìlùk, noabùt palusak motok lek o, ìlùk isikomo halal waganogo hesukwama werek,” ìlùk yogosike.

LUKAT 4:4

at Yesùt en he, mel yogosike: “Ala nen he Apùnì sùpùrùk enek nìkì logolìk, ineluk motok welagaikarek lek o, ilak isikomo helal waganogo hesukwama werek o,” ìlùk yogosike.

LUKAT 4:8

at Yesùt en he, mel yogosike: “Ala nen ìkì logolìk he, Hinopase Ala Netagepogot anat hineitep awì yagasogo nawe a'ma ki wìrìk hogo'napi logolìk he, an hesik enek hagatì logoino o, ìlùk isikomo helal waganogo hesukwama werek o,” ìlùk, atì'nogo yogosikomo re,

YOHANET 15:26

“Hit lebethisìkì logouagalùk Ala Areagùn ebe wene yogoisoagalùk wagarek mene atì, an nen nopase were'ma nen hit hinoba lakhei waganem he, at en an nabok pak hogo yogohisìkì logogin o.

YOHANET 6:63

Ala Areagùn nen apùnì inelugurinaperek o. Apùnì kweangma mene inomame ba aike hagasusak mea o. Mene re, wene an nen yogohisìkì lagì atì, Ala Areagùn nenat ikerek mene nogo nen he, inelugurinaperek wene yogohisìkì lagì o.

ÙRÙM 15:4

Ala ane helal waganek atì ba re, ninepe morogo welagìk, nina'la hano agìk, ogorek atì nen he: “Hano asigin,” ìlùk Ala oba eberek logouagalùk, nirat ninasuk warogo Ala ane ba hageat helal waganogo hesukwa atì.

EPESÙT 6:17

Inùkùloa'ma inoasinogo ìlùk, inùkùlasu haro mene salharek hak, Ala nen telninaperek atì meneat wanìk salino. Atì'nogo salìk he, weim yabuogolùk karok inekim wolok lagaikarek hùk, Ala ane, Areagùn nen wo'nisikerek atì mene wolok laga logoino o.