MATÌÙT 4:23 - Ala Ane Wene Ket Mene Warogo Wo'ninapike Wene

²³ Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

MATÌÙT 4:23 ပူးပေါင်းရင်းမြစ်များ

MATÌÙT 9:35

At Yesùt o sili hùkokwe, hamùlùkkwe, ya kìgìk, ta kìgìk, nìkì logolìk, o sapan egarek obakwe kìlìk he, hano wene ninopase Ala nen awe a'ma hinikerek wene a'nogo yakùlisìgìk, yì ou tì ou inoba werek mene mel, inomame lek maben mene mel, hano hagarinapìk, ìlìk nìkì lagaike.

MAREKÙT 1:39

Yogoisasikesik he, o Kalilea tokwe apùnì Yahuri mene sapan egarek obakwe kìlìk he, wene hano wene a'nogo yogoisìgìk, mokareke inoabùt weak mene apùnì ina'la kìlìk were'ma henogo wulaksìgìk, ìlùk laga lagaike.

LUKAT 7:22

Yohanet agoromì wagaukwa mene amanogo mel yogoisasike: “Hit en he, an yì'nogo tì'nogo hagatenem hineileken nììgìk, wene ikenem hinasuk holhìk, egep mene atì, at Yohanet sekek hogo yogosi lano o. Ineileken mùm mene hekenogo hano agìk, inawe wùt warek mene kwe lagìk, inoba henako hake mene hagarinapenem hano agìk, inesako togùm mene huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano.

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

MATÌÙT 13:54

at okawerek aua ero ba lagaikesik, o apùnì Yahurì mene sapan egarek oba kìlìk wene yakùlisikenem, it apùnì inasuk holhukwa mene nen he, mel isukwa: “Egi! Nayùk e. Ap yì a'la motok kagalek atì, wene ka nen yakùlìlùk waga. Nen, yì mene tì mene elalinat hagarìk niko atì, koma nen yakùlhesik hagarìk niko.

MAREKÙT 1:21

It amanogo Yesùt opolik lìlìk he, o Kaperenagùm kisukwa. Kisukwasik he, ineki sabìt oba Ala hesik welegat logolìk, o apùnì Yahuri mene sapan egarek oba kìlìk he, Yesùt en wene yakùlisasike.

LUKAT 8:1

At Yesùt atì'nogo hagasikesik he, welagì'legat, hobuk Ala awe a'ma hisikerek wene a'nogo, o sili hùkokwe hamùlùkkwe yogoisìlìk nìkì lagaike. Yogoisìlìk nìkì logolìk, at agoromì mene inebe 12 en amanogo mel,

MAREKÙT 6:2

Lagaukwasik he, ineki sabìt Oba Ala hesik welegat logolìk he, o apùnì Yahuri mene sapan egarek oba inebe logolegat were'ma inoba kìlìk, wene yakùlisasike. Yakùlisikenem, it inebe logolegat amanogo nen he, mel isukwa: “Egi! Nayùk e. Ap yì atì'nogo hagarìk niko atì re, koma nen yakùlhesik hagarì'logo. A'la motok kagalek atì, wene nena wene a'la logolìk yogonisìlì'logo. Eki hagisikenem elalinat hagarinabì'logo atì, nìkì'nogo hagarinabì'logo.

MATÌÙT 24:14

Nen, Ala nen awe a'ma hisegein mene hano wene yì, yì apùnì tì apùnì motok inelu asuagalùk o yì awì tì awì yogoisìlìk lagep halok he, o wùrep oba arat haga'lasigin o,” ìlùk yogoisasike.

MATÌÙT 12:9

At Yesùt o atoma nen lagaikesik he, o it apùnì Yahurì mene sapan egarek oba kìlìk, ap aike eki o'moko hapelek mene were'ma eileken hasikomo, it ap he'nakìt en ùkùm Yesùt oba houogolùk anema wanhì logolìk he, mel yogosukwa: “Ala hesik welegat logolìk ou hagarinabumo re, elok nogo?” ìlùk yogosukwama re,

YOHANET 18:20

at Yesùt en he, mel yogosike: “An nen apùnì kweangma mene wene yogoisìkì logolìk he, pak hogo nek yogoisìgìrek o. O it apùnì Yahuri mene obogat atogothìlìk sapan egarek obakwe mel, Ala awì wùrì'mo mel, atoma nek yakùlisìgìrek o. Wene hinagasogo aike ìgìrek motok lek meneat he,

LUKAT 13:10

Atì'nogo yogoisìlìk logolìk, ineki sabìt oba aike Ala hesik welegat logolìk, at Yesùt o apùnì Yahuri mene sapan egarek oba aike kìlìk wene yakùlisiko were'ma re,

LUKAT 9:11

Atoma inalepma kek hogo lagaukwa meneat he, apùnì nen he, “At Yesùt a'nogo o atoma laga o,” ìlùk ikenem, apùnì apik inasuk holhukwasik he, inebe logolegat opolik lagaukwa. Lagaukwama re, at Yesùt en hai warogo woginapikesik he, Ala awe a'ma hisikerek wene a'nogo yogoisìgìk, inoba ou werek mene hagarinapìk, isike.

LUKAT 5:17

Ineki aike sapùl he, at Yesùt wene yakùlisiko were'ma, it ap Parisi mene inom, Ala ane helal waganek mene yakùlisìkì lagaukwa mene inom, inawì o Kalilea tokwe nen, Yurea nen, kota Yerusalem en, oba wagaukwasik inasuk hologo hùtek were'ma, ninopase Etagepogot en apùnì ou weak mene Yesùt en hagarinapì logouagalùk omame wogoto kolek hagarinapì lagaike.

MAREKÙT 6:6

Hagarinapikesik he, it apùnì atoma mene nen at ebe ina'la meathesukwa atì hesik, at a'la nen, “Egi! nayùk e,” ìlùk akasikesik he, hobuk o atoma era'lukwe o wùrìkkwe wane yakùlisìlìk nìkì lagaike.

MAREKÙT 1:14

Hobuk he, Yohanet a'nogo eki hele wasukwasi'mo re, at Yesùt o Kalilea tokwe lagai wìrìk he, Ala ane hano wene a'nogo yogoisìlìk nìkì lagaike.

LAKSASIKE 20:25

“An hit nerùgì nagaiya'lak obogat wene Ala awe a'ma kìlìk logogun atì wene yogohisìlìk nìkì lagì atì re, hùlì yogotak yì ba nen he, hit en hobuk nelokoken hineileken neogoin lek o, ìlùk an nelu.

LAKSASIKE 18:4

Atì'nogo kato inom logolìk, ninhùp-nanhùp Ala hesik ineki welegat logolìk sapan uogolùk ikenem, o apùnì Yahuri mene sapan ìkì lagaukwa ba kìlìk he, it apùnì Yahuri mene lek, Yunani mene lek, Yesùt ane wanuagalùk ina'la kagalhì lagaike.

YOHANET 6:59

Wene Yesùt en atì'nogo yogoisasike atì re, at ebe o Kaperenagùm o sapan egarek oba wene yakùlisìkì logolìkyogoisasike.

LUKAT 10:9

O kota atoma logolìk, it aike inoba ou werek halok, hit en hagarinapì logolìk he, Ala nen awe a'ma hinegein a'nogo yogotak arat hikegein o, ìlùk yogoisìkì logoino.

LUKAT 6:17

At Yesùt atì'nogo agoromì weteberogo hisìlìk, inom tom oba nen pi wagaukwasik he, kweang enagoma atoma kamo isukwasik were'ma, at agoromì ane wanhì lagaukwa mene amanogo he'nakìt inebe apigat mel, apùnì motok apik o Yurea ya ta mene mel, o kota Yerusalem mene mel, o Tìrùt Siron i laut aik oba welagaikarek mene mel,

MATÌÙT 14:14

It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

YOHANET 7:1

Wene atì'nogo arat yogoisalùk he, it ap kaintek Yahuri mene nen, Yesùt ebe wasuogolùk weim abok ìkì lagaukwa atì nen he, at ebe o Yurea pìlìk nìkì logou abìt en he, a Kalilea tokwe atoma nìkì lagaike.

LUKAT 20:1

Hobuk ineki aike sapùl he, at Yesùt Ala awì wùrì'mo kisikesik logolìk, apùnì wene hano wene sekek hogo yakùlisìgìk, inasuk watìk, ikenem, it ap Ala esewerek inogogì kaintek mel, Ala ane helal waganek esewerek mene mel, inalùgetek amanogo mel, inom at Yesùt oba wagaukwa.

LUKAT 4:14

At Ibilit a'nogo arat wo'lakasikomo nen he, at Yesùt Ala Areagùn omamerogo a'la werek kolek, apotkwe o Kalilea tokwe lagai wagaike. Lagai wagaikomo re, at abok o atoma motok sak-pak isike.

LUKAT 6:6

Nen, ineki sabìt oba aike sapùl, it Ala hesik welegat werek kolek, at Yesùt o apùnì Yahuri mene sapan egarek oba aike kisikesik he, wene yakùlisasike. Yakùlisikenem, ap aike eki ebekwe hapelek mene atoma welagaike.

LUKAT 7:21

Atì'nogo yogosi wagaukwasik werek kolek atem sat he, at Yesùt en he, apùnì ou weak mene inom, heinet apik watì lagaukwa mene inom, hano hagarinapìk, mokareke oabùt weak mene ina'la kisikesik were'ma henogo wulaksìgìk, ineileken mùm mene hano asuagalùk hekenogo hagarinapìk, ìkì lagaikesik,

LUKAT 9:60

Atì'nogo yogosikomo, at Yesùt en he, mel yogosike: “Warek mene halok, it apùnì inebe warek mene hake werek atì nenat salinapì logouak en he, hat Ala awe a'ma hisikerek wene atì, o yì awì tì awì yogoisìlìk nìkì logoino o,” ìlùk yogosike.

LUKAT 16:16

“At Yohanet ima pelaginapì lagaike mene a'nogo oan wagì'lek werek kolek, wene Ala nen ninasuk wasike wene a'nogo mel, it Ala ane yogoisìkì lagaukwa wene a'nogo mel, wene atìat esin welagaike. Mene re, at Yohanet wagaike atì hùlì nen he, hano wene Ala nen awe a'ma hisikerek wene a'nogo yogoisìlìk nikenem, apùnì obogat en wene wanuogolùk inomamerogo makhìlìk-hìlìk ki wìrì'lùgì.

LAKSASIKE 28:31

Atì'nogo woginapenem, it aike nen wenagatì'lek werek kolek, at ayù'lek pak hogoat wene Ala nen awe a'ma hisikerek wene a'nogo yogoisìgìk, ninoe Etagepogot Yesùt Karìsùt hagatì lagaike wene a'nogo yakùlisìgìk, ìkì lagaike.