MATÌÙT 4:19 - Ala Ane Wene Ket Mene Warogo Wo'ninapike Wene

¹⁹ Lagisìlìk he, “Ikan wanhesep atì hak, apùnì atì'nogoat woginabìk nìkì logouageip en he, yakùlhisak en nopolik we'ni o,” ìlùk yogoisasikomo re,

MATÌÙT 4:19 ပူးပေါင်းရင်းမြစ်များ

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

MATÌÙT 19:21

at Yesùt en he, “Hat hebe hano motok asigìlùk halok, yoma nen lìlìk he, hagarok yì mene tì mene atoma obogat it aike inoba abasi lano. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en, we'no,” ìlùk yogosike.

MATÌÙT 4:18

At Yesùt i Kalilea yekele'ma esakokwe laga logolìk he, ap inebe pìre, Simon etage aike Peterùt ìkì lago a'nogo agot Atereat eperak ninhùp-nanhùp ikanat wanharesi'mo nogo nen he, atì sapùl ikan wanuogolùk, su yoge su ima pelapenem eileken lagisasike.

MATÌÙT 4:20

aremnogoat inasu yoge su atoma heraksalùk at opolik lagaukwa.

MATÌÙT 8:22

Atì'nogo yogosikomo, at Yesùt en he, mel yogosike: “Heraksalùk he, an nopolik eme. Warek mene halok, it apunì inebe warek mene hake werek atoma nenat salinapì logouak o,” ìlùk yogosike.

MATÌÙT 9:9

At Yesùt o atoma hebùlùk laga logolìk, ap aike etage Matìùt, kantor uang pemerìntah hesik waganogo hìkì lagaukwa ba hùrek were'ma, eileken hìlìk, “Nopolik eme o,” ìlùk yogosikomo re, melagaikesik he, opoligat lagaike.

MAREKÙT 2:14

Yakùlisalùk laga logolìk he, ap Alepeùt aput etage Lewi, kantor uang pemerintah hesik kìno ìlìk wanharek oba hùrek were'ma eileken hìlìk he, “An nopolik eme o,” ìlùk yogosikomo melagaikesik he, opolik lagaike.

LUKAT 5:27

Atì'nogo haga'lùk he, at Yesùt o atoma nen wùlìbìk he, kwe laga logolìk eileken yethasike re, ap uang pemerintah hesik kìno ìlìk wanharek mene aike etage Lewi atì, kantor uang kìno ìlìk hìkì lagaike ba hùrek were'ma eileken hasike. Atoma were'ma eileken hìlìk, “Nopolik eme o,” ìlùk yogosikomo re,

LUKAT 9:59

Atì'nogo yogosikesik, ap hùnogoat mene aike mel yogosike: “Neperak nìkì logouok en nopolik eme o,” ìlùk, yogosike meneat he, ap a'nogo nen, mel yogosike: “Eige, noe! An nopase wa'lagasik werek yìnaga tak kweangma sali lak en he, hat en, Ì o. Lan, ìlùk yogone'nogolùk yogohetì o,” ìlùk yogosike.

YOHANET 1:43

Etage atì'nogo salhikesik, nogo ìlùk hùenkwe re, at Yesùt o Kalilea lagai wesigìlùk akasikesik lagai wagaike hak, ap etage Pilipùt eperak apì agaukwasik he, mel yogosike: “Nagot e. An nopolik eme o,” ìlùk ayoko hesikomo opolik lagaike.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

YOHANET 21:22

at en he, “An na'la nen he, ap arì ebe elugat were'ma, an hobuk wesigin akìgì halok he, hat en hagasusak mene hùk. An noba lopok o. Atì'nogo meneat he, hat enek he, an nopolik nìkì logoino o,” ìlùk wene atì'nogo yogosike mene atì,

2 KORÌTÙT 12:16

An nen he, hit hinoba ekinetheigìlùk hit mene kìno yogohisìgì'lek atì enagat werek atì. Mene re, hit aike nen ìkì logolìk he: “At Paùlùt etaùken kagalek nogo nen he, yì mene tì mene sabùragalùk, ane lalogo yogonisikerek,” ìlùk ìkì lagep atì,