MATÌÙT 4:17 - Ala Ane Wene Ket Mene Warogo Wo'ninapike Wene

¹⁷ Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

MATÌÙT 4:17 ပူးပေါင်းရင်းမြစ်များ

MATÌÙT 10:7

Laga logolìk he, mel yogoisìlìk lano o: Ninopase Ala pogot oba mene nen awe a'ma hinegein a'nogo yogotak arat hinegein o, ìlùk, yogoisìlìk lano o.

MATÌÙT 11:12

At Yohanet ima pelaginapì laga atì hùlì nen he, yogotak ya hùlì, it inoabùt weak asialoksek mene nen, ninopase Ala nen awe a'ma hisikerek a'nogo inabìt en mabenetsùogolùk inomamerogo walhìlì'lùgì.

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

MATÌÙT 13:24

At Yesùt en wene atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikere'ma atì ebe re, ap aike awì hano mene yasike atì hakeat o.

MATÌÙT 13:47

Atì'nogo yogoisasikesik he, aike mel yogoisasike: “At Ala nen awe a'ma hisikerek atì ebe re, mel hake. Ikan wanuogolùk su yoge su i laut hùko atì yekele'ma a'la pelapenem yì ikan tì ikan ùkùl etage lopok motok a'la kalaga halok,

MATÌÙT 13:9

Hit hinasuk holusak halok he, hanorogo holini o,” ìlùk yogoisasike.

MATÌÙT 25:1

At Yesùt en atì'nogo yogoisasikesik he, wene aike mel yogoisasike: “Ninopase Ala nen awe a'ma hisikere'ma atoma eperak higit he, hìlìmìkìrùgì inebe 10 nen lampu kìalogo wolok ap aike agwe ìkagalùk waganem elokoma lagaukwa atì hakeat o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

MATÌÙT 9:13

Ala ane aike mel isike: An Ala na'la re, apùnì nen inako wa'netarek atì nabìt o. We, it apùnì aike inetawìrinapì logousak atìat walok o, ìlùk isike wene atì tùkùmethei lani o. An wagagi atì re, apùnì inoabùt hano hagatarek mene inayoko heigìlùk wagagi hùk. Lek o. We, inoabùt weak hagatarek mene atì inayoko heigìlùk wagagi o,” ìlùk yogoisasike.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

LUKAT 15:7

Atì hak, apùnì inebe 99 mene atì nen he, An weak aike hagatìrìk nogo nen he, noabùt hebelasigin nogo? Lek o, ìlùk, inoabùt hebelasusak lek en he, it pogot oba welagaikarek mene atì ina'la hai hakogoin lek o. Meneat he, it apùnì weak hagatarek mene omakeat aike nen oabùt hebelhe halok, it pogot oba welagaikarek mene atì ina'la hai apik hakogoin o, ìlùk yogohisìgì,” ìlùk yogoisasike.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

LUKAT 3:23

At Yesùt ebe umur 30 tahun agaikesik en, yì mene tì mene hagarìk nìkì logoigìlùk eki hùkasike. Nen, at ebe re, it apùnì nen Yùsùp aput ìlùk akasukwa. Nen, Yùsùp atì re, Eli aput.

LUKAT 5:32

An wagagi atì re, apùnì hano hagatarek mene inayoko heigìlùk wagagi hùk. Lek o. We, apùnì weak hagatarek mene atì heraksìlìk inoabùt hebelasuagalùk, inayoko heigìlùk wagagi o,” ìlùk yogoisasika.

LUKAT 9:2

Atì'nogo hagarinapikesik he, it en Ala awe a'ma hinegein wene a'nogo yogoisìgìk, ou inoba werek mene hagarinapìk, ìlìk loagalùk laksasike.

LAKSASIKE 11:18

At Peterùt en atì'nogo yogoisasikomo, it en wenagatì lagaukwa a'nogo re, hobuk kamo ìlìk mel isukwa: “Halok he, Ala oabùt hano nen, nit haga'ninaperek hagat, it apùnì etakwe mene inoabùt hebelaganem ineluk motok logouagalùk elok hagarinabusagat hìgì,” ìlùk Ala hogorasukwa.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

LAKSASIKE 2:38

Atì'nogo yogoisasukwama, at Peterùt en he, “Weak hagatì lagep mene atì heraksìlìk hinoabùt hebela'ni o. Atì'nogo hebelasumo re, weak hagatì lagep mene atì, Ala nen sagalogo legetsoagalùk hinebe lopok Yesùt Karìsùt etage palogo ima pelakhinabuak. Atì'nogo hagasumo re, Ala Areagùn atì wokhisegein o.

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

LAKSASIKE 26:20

Wene atì, emakum it apùnì Yahuri mene o Tamìsìk atoma welagaukwa mene yogoisasigi. Hobuk o Yerusalem lìlìk logolìk, it atoma mene yogoisìgìk, o propinsi Yurea mene obogat yogoisìgìk, isigisik, it etakwe mene yogoisìlìk nìkì lagì. Atì'nogo yogoisìlìk nìkì logolìk he, Weak hagatì lagep mene heraksìlìk hinoabùt hebelarìk hinelokwe Ala wogo'no o. Hinelokwe Ala wogorìk he, hinoabùt apùnì inoabat hebelarìk hagatarek hagat hagatì logoino o, ìlùk yogoisìkì lagì.

LAKSASIKE 3:19

Atì nen he, hit weak hagatì lagep mene atì, ninopase Etagepogot Ala nen sagalogo legetsìlìk, hinetaùken hesik hineil ekat hogo hagathinabi wagìk, at en he, Karìsùt hinebe telhinapùkwe hinoba lakhei wesigin, ìlùk wene warisasike a'nogo ebe Yesùt atìat hinoba hobuk lakhei wagìk, uak en he, hinoabùt hebelarìk hinelokwe Ala wago'no o.

IBERANI 6:1

Atì nen he, Karìsùt agoromi arìk hagatì logousak mene wene emakum yakùlharek atì mene yakùlhugu mene atì werek kolek, inalùge arìk hagatì logousak mene yakùlhì logouok o. O tik hano warìk ineki etenharek lek atì hak, nit alep weak hagatì lagagu mene hukalogo heraksìlìk ninoabùt hebelarìk ninetaùken Ala oba hìpìrethesugu mene atì hobuk etenuok lek o.