MATÌÙT 4:11 - Ala Ane Wene Ket Mene Warogo Wo'ninapike Wene

¹¹ Atì'nogo yogosikomo re, Ibilit a'nogo Yesùt heraksalùk wo'lakasikomo re, malaikat pogot oba nen Yesùt oba pi wìrìk he, serogo welagankwa.

MATÌÙT 4:11 ပူးပေါင်းရင်းမြစ်များ

MATÌÙT 26:53

Yogotak an nebe elele wo'nabuagalùk he, nopase kìno yogosumo, at en it malaikat Ala nen pogot oba yoko pelaksa wagarek mene amanogo inebe esa 12 en hamùlùgat meneat he, esa motok apik inayoko houmo, holhùlùk telnabi wesusak mea akegen?

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

LUKAT 22:43

it malaikat Ala nen yoko laksikerek mene aike pogot oba nen oba pi wagaikesik he, etaùken ago wasike.

LUKAT 4:13

Atì'nogo yogosikomo, at Ibilit en Yesùt oabùt paligìlùk yì walhìgìk, tì walhìgìk, ìlìk mea agaikomo re, hobuk yogotenem elok asigin he a, ìlùk, heraksalùk wo'lakasike.

IBERANI 1:6

Atì nen he, Ala nen aput omakeat tago kweangma yoma pelakhei wagaike atì sat he, it malaikat yì'nogo yogoisasike: “Hit an nagoromì malaikat obogat he, at enek oba hìpìrìk logolìk hogorati logoino o,” ìlùk yogoisasike.

YOHANET 14:30

Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

LUKAT 22:53

Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

MAREKÙT 1:13

Wolok lagaikomo re, o leimo apùnì le'ma atoma 40 hari werek kolek, Ibilit en a'la kagaligìlùk oba waga lagaike. O atoma re, paik aua were'ma malaikat Ala nen pogot oba nen yoko pelaksa wagarek mene amanogo aike pi wìrìk he, serogo welagaukwa.

MATÌÙT 4:6

mel yogosike: “At Ala nen: Hat hesok helep oba temuk hogo waranogo ìlùk he, an nagoromì malaikat pogot oba nen yoko pelaksa wagìrek mono amanogo nen ineki talek oba wokhabuak en yogoisegein, ìlùk isikomo helal waganek werek atì, hat eberogoat Ala aput halok, pok harogo maroma pin,” ìlùk yogosike.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.