MATÌÙT 4:10 - Ala Ane Wene Ket Mene Warogo Wo'ninapike Wene

¹⁰ at Yesùt en he, “Hat Ibilit yì lan o. Ala nen ìkì logolìk he, Hit en he, hinopase Ala Netagepogot anat hineitep awì yagasogo nawe a'ma ki wìrìk hogo'napì logolìk he, an hesik enek hagatì logoino o, isikomo helal waganogo hesukwama werek o,” ìlùk yogosike.

MATÌÙT 4:10 ပူးပေါင်းရင်းမြစ်များ

LUKAT 4:8

at Yesùt en he, mel yogosike: “Ala nen ìkì logolìk he, Hinopase Ala Netagepogot anat hineitep awì yagasogo nawe a'ma ki wìrìk hogo'napi logolìk he, an hesik enek hagatì logoino o, ìlùk isikomo helal waganogo hesukwama werek o,” ìlùk, atì'nogo yogosikomo re,

YAKOBÙT 4:7

Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.

1 PETERÙT 5:9

Atì'nogo logolìk, hina'la nen, “Ninerùgì ninagaiya'lak o yì awì tì awì atoma yì aik tì aik hìlì'lùgì hagat hìkì lago,” ìlùk, at Ibilit waganem, ane holhì'lek heraksìlìk hinetaùken Ala oba hìpìrethìlìk ning hogo metek logoino o.

MATÌÙT 16:23

Asuk wasikomo, at Yesùt elokwe lagak hogo Peterùt kelakhìlìk mel yogosike: “Hat Ibilit hìgì. Ala a'la akikerek higit hogo ebetì'lek, we apùnì nen akagarek hak ebethìlìk nakwe palhì lagen yì, nelokoma yoma logogùn. Hela lan o,” ìlùk yogosike.

MAREKÙT 1:13

Wolok lagaikomo re, o leimo apùnì le'ma atoma 40 hari werek kolek, Ibilit en a'la kagaligìlùk oba waga lagaike. O atoma re, paik aua were'ma malaikat Ala nen pogot oba nen yoko pelaksa wagarek mene amanogo aike pi wìrìk he, serogo welagaukwa.

LUKAT 10:18

at Yesùt en he, mel yogoisasike: “Ibilit atì eilhabùt yegelogo lakhei wagarek hak, pogot oba nen pi waganem neileken hasigi o.

LUKAT 11:18

Mene re, hit en an yogonetì logolìk he, Mokareke inoabùt weak mene inoe etage Peelsepùl atì hoba louksek were'ma at omame ba mokareke oabùt weak mene aike apùnì ina'la kìlìk were'ma henogo wulaksìkì lagen, ìlùk yogonetì lagep atì, at Ibilit atì okawerek agoromì inom hùlìthakìlìk inom weak a'lepma re, at agoromì hagisek welagarek mene nìkì'nogo omame logoilep. Mea o.

LUKAT 13:16

Atì hake, he Aberaham en tagokwe mene yì Ibilit en hele homagasogo hesogo werek kolek, 18 tahun haga'laga mene yì, nineki Ala hesik welegat logolìk hele hikalogo housak lek nogo? Hikalogo housagat o,” ìlùk wene atì'nogo yogosikomo,

LUKAT 22:3

Atì'nogo weim abok iko kolek he, it Yesùt agoromì inebe 12 amanogo mene, aike etage Yùrat Isikariot a'nogo a'la Ibilit kisike.

LUKAT 22:31

Yesùt en atì'nogo yogoisasikesik he, aike Peterùt mel yogosike: “Simon! Simon! Hasuk holin! Gandum apùpùleke hologo hebisagarek atì hak he, hit obogat atì'nogo, at Ibilit en hinebe holhinabigìluk Ala kìno yogotomo at en elok ìlùk yogote meneat he,

YOHANET 13:27

Atì'nogo wogosikomo, at Yùrat sùpùrùk horoti mene a'nogo ekim wanho kolek aremnogoat a'la Ibilit kisike. Atì'nogo kisikomo, at Yesùt en yogotì logolìk he, “Hat en hagasigìlùk akegen mene atì hepogat hagasin o,” ìlùk yogosike.

LAKSASIKE 5:3

Hei wagaikomo, at Peterùt en he, “Ananiat. Ibilit en ha'la kagalhomo Ala Areagùn lalogo kweang oko o'moko mìkìlogo hokawerek hesik hakalùk wagen atì nahalok.

1 KORÌTÙT 5:5

Ap atì etaùken ninoe Etagepogot wesigin atì like waga logolìk teluak en he, yogotak ebe Ibilit en weagathouagalùk, at Ibilit at wogo'no.

1 KORÌTÙT 7:5

Halok he, hìmìap hinom nogo ìkì logousak. Heksek logogùp o. Sapan ìkì logouogolùk halok he, mel usak: “Elama hesik welegat logouok,” ìlùk weneane hinom ìlìk en, sapan ìkì logopik he, hobuk hinom lapuk hogo logoino. Hinetaùken sebelusak mea atì nen, Ibilit en hina'la kagalinogo ìlùk he, hinom lapuk hogo logousak atì.

2 KORÌTÙT 11:14

It hagarì'lùgì atì elalinat hagarì'lùgì hùk. Inopase Ibilit okawerek apeliak en he, malaikat lìa wene wolok wagaikarek hak hagarogo wagarek hak hagarì'lùgì o.

2 KORÌTÙT 12:7

An nen, “Nabìkakan oba elalin neileken hìgì atì nayùk e,” ìlùk nokawerek en hogorakanogo ìlùk he, apùnì inebe bakwe alok kikenem heinet watarek hak, ou noba aganem heinet watì logouagalùk, noba hanhikomo, Ibilit en ayoko hesike mene hake noba were'ma, ninoe Etagepogot en henogo wulaksoagalùk neki hìnagan oba ayoko hìgì meneat he,