MATÌÙT 3:6 - Ala Ane Wene Ket Mene Warogo Wo'ninapike Wene

⁶ Wìrìk he, yì weak tì weak hagatì lagaukwa mene hukalogo heraksikenem, i Yoretan ima pegalinapì lagaike.

MATÌÙT 3:6 ပူးပေါင်းရင်းမြစ်များ

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

MAREKÙT 1:5

Atì'nogo yogoisikenem he, it apùnì o propinsi Yurea aike obogat mene inom, o kota Yerusalem mene inebe obogat inom, at oba atogosi waga lagaukwa. Atogosi wìrìk he, yì weak tì weak hagatì lagaukwa mene hukalogo heraksikenem, at en i Yoretan ima pelaginapi lagaike.

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

LAKSASIKE 11:16

Inoba pi wagama re, ninoe Etagepogot en wene mel ìlùk isike mene na'la ebeti: Yohanet en ima pelakhinape meneat he, Ala nen Areagùn hinoba pelakhei wesigin o, ìlùk isike mene atì oba ebeti.

LAKSASIKE 19:18

Nen, it apùnì inetaùken Yesùt oba hìpìrethesukwa mene hùgì inebe wìrìk he, weak hagatì lagaukwa mene apùnì logolek ineilhanem hukalhì lagaukwa.

LAKSASIKE 22:16

Mene re, hat yogotak aregenma logousak lek. Hebe mel arìk he, hat weak hagatì lagen mene Ala nen sobalhapìk, it aike nen ima pelakhapìk, uak en he, Yesùt etage palogo Ala ayoko heino, ìlùk yogonesike,” ìlùk yogoisasike.

1 KORÌTÙT 10:2

It en he, Musa opolik nìkì logogun o, ìlùk ima pu hak he, ohena atì a'ma kìgìk, i laut yekelek atì oake palhìk, isukwa atì.

KOLOSE 2:12

At Karìsùt wa'lagaikomo ebe warek salhukwa hak, hit ima pelakhinapì logolìk, hinom hutigat salhinapukwa o. Nen, at hinom hutik warek were'ma, Ala omame ba eluguthesike, ìlùk, hinetaùken at omame ba hipìrethesigip atì nen, ima nen yegelogo lìakhinapenem he, at hinom hutigat hineluguthinapike o.

IBERANI 6:2

Ima pagarek wene atì yakùlhìk, inùkùl sebelharek wene atì yakùlhìk, wa'larì'mo Ala nen ninelugu'ninabigin wene atì yakùlhìk, elùgùn oba ùkùm ninoba hìgìk, kotìk, ikenem moto'-motok logogun wene atì yakùlhìk, isugu mene atì ninane etenogo hobuk yakùluok legat o.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

1 YOHANET 1:9

Mene re, nit weak hagato mene hukalogo hogoin halok, at oabùt higit motok logolìk, wene wa'nisikerek hagat hagateresi'mo re, nit weak hagatorek mene sagalogo heraksìlìk, weak hagasuogolùk nina'la kagalhorek mene sobalninaperek.