MATÌÙT 3:5 - Ala Ane Wene Ket Mene Warogo Wo'ninapike Wene

⁵ Atì'nogo were'ma re, it apùnì o kota Yerusalem en, o propinsi Yurea aike obogat en, i Yoretan esakokwe atoma obogat en, at oba atogosi waga lagaukwa.

MATÌÙT 3:5 ပူးပေါင်းရင်းမြစ်များ

MAREKÙT 1:5

Atì'nogo yogoisikenem he, it apùnì o propinsi Yurea aike obogat mene inom, o kota Yerusalem mene inebe obogat inom, at oba atogosi waga lagaukwa. Atogosi wìrìk he, yì weak tì weak hagatì lagaukwa mene hukalogo heraksikenem, at en i Yoretan ima pelaginapi lagaike.

YOHANET 5:35

At Yohanet atì ebe re, esage kìalogo hikenem yararathikerek hak were'ma, hit en he, Esage yarogo ninoba hìkì logouak, ìlùk, elama hesigat hina'la hai hakìkì lagagip atì,

YOHANET 3:23

Atì'nogo hagatì lagaukwa atem sat he, Yohanet eki hele warogo o ineki hele warek hisagarek oba oan kelakhìgì'le'ma logolìk he, o etage Ainon o Salim era'lu atoma i apik atì nen apùnì ima pelaginabuagalùk, oba waganem he, ima pelaginapì lagaikeat.

LUKAT 16:16

“At Yohanet ima pelaginapì lagaike mene a'nogo oan wagì'lek werek kolek, wene Ala nen ninasuk wasike wene a'nogo mel, it Ala ane yogoisìkì lagaukwa wene a'nogo mel, wene atìat esin welagaike. Mene re, at Yohanet wagaike atì hùlì nen he, hano wene Ala nen awe a'ma hisikerek wene a'nogo yogoisìlìk nikenem, apùnì obogat en wene wanuogolùk inomamerogo makhìlìk-hìlìk ki wìrì'lùgì.

LUKAT 3:7

Atì'nogo yogoislìlìk nìkì lagaikomo, it apùnì amanogo motok apik ima pelaginabuagalùk he, Yohanet oba atogosi waga lagaukwa mene mel yogoisìkì lagaike: “Hit walo nen tagokwe mene yoma sanì! Hit he, Ala a'mage apik lagagin a'nogo hinoba hikenem hese elok logoin ìlùk sa nen yogohisikomo. Mea o.

MATÌÙT 4:25

Atì'nogo hagarìnapo kolek he, apùnì obogat o Kalilea nen, o kota 10 atoma nen, Yerusalem en, Yurea nen, i Yoretan aik ìlì bakwe atoma nen, inebe motok apik wìrìk he, Yesùt opolik nìkì lagaukwa.

MATÌÙT 2:1

At Yesùt a'nogo, o propinsi Yurea o Pe'lehem ta'lagaike. Ta'lagaike atem higit he, o atoma kain etagepogot he, ap etage Herotet atì welagaike. Were'ma re, it ap ina'la kagalek mene hesagal hùthìkì lagaukwa mene aike o mo eroma nen yegelogo lagai wagarek a'loma higit en o Yerusalem wagaukwa.

LUKAT 3:3

Atì'nogo yogosikomo, o Yoretan tokwe atoma ya ta nìkì logolìk, apùnì yogoisìkì logolìk he, mel ìkì lagaike: “Ùkùm hinoba mene Ala nen sagalogo legetsoagalùk he, hit weak hagatì lagep mene atì heraksìlìk, hinoabùt hebela'ni. Hinoabùt hebelasumo, an nen ima pelakhinapì logogin o,” ìlùk, yogoisìlìk nìkì lagaike.