MATÌÙT 3:11 - Ala Ane Wene Ket Mene Warogo Wo'ninapike Wene

¹¹ Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

MATÌÙT 3:11 ပူးပေါင်းရင်းမြစ်များ

MATÌÙT 3:6

Wìrìk he, yì weak tì weak hagatì lagaukwa mene hukalogo heraksikenem, i Yoretan ima pegalinapì lagaike.

MAREKÙT 1:4

Wene helal waganek werek atì higit hogoat, at Yohanet ebe o leimo apùnì le'ma wagaike atì. Wagaikesik he, ima pelaginapìk, wene yogoisìgìk, ìkì logolìk, mel ìkì lagaike: “Wene hinoba mene Ala nen sagalogo legetsoagalùk he, hit weak hagatì lagep mene atì heraksìlìk hinoabùt hebela'ni. Hinoabùt hebelasumo, an nen ima pelakhinapì logogin o,” ìlùk yogoisìkì lagaike.

LUKAT 1:17

Ala Areagùn ap Elia atì a'la logolìk omamerogo hagarìk nìkì lagaike mene atì, at Yohanet atì oba louk ìlìk, yekerùgì inopaselak inom, lapuk hogo hisìgìk, wene inesako holùhùk mene it aike wene holìk higit hogo hagatarek mene inoabùt wanuagalùk hagarinapìk, inebe ninopase Etagepogot hesigat logouagalùk tegelogo hisìgìk, igìlùk, at tak ta'larìk atì'nogo hagarìk nìkì logogin o,” ìlùk yogosike.

LUKAT 3:16

at Yohanet en mel yogoisasike: “An nebe yekerek nomame lek mene nen, we, ima nek pelakhinapì lagi o. Mene re, at aike kain omame apik mene hobuk wesigin o. At ebe wìrìk he, at en ima pelakhinabu hak, Ala Areagùn inom, etu inom, hinoba pelakhei wesigin o. At ebe kain omame apik atì nen he, esok hele homago mene, an nebe yeherek mene nen hikalusak he, mea o.

LUKAT 3:3

Atì'nogo yogosikomo, o Yoretan tokwe atoma ya ta nìkì logolìk, apùnì yogoisìkì logolìk he, mel ìkì lagaike: “Ùkùm hinoba mene Ala nen sagalogo legetsoagalùk he, hit weak hagatì lagep mene atì heraksìlìk, hinoabùt hebela'ni. Hinoabùt hebelasumo, an nen ima pelakhinapì logogin o,” ìlùk, yogoisìlìk nìkì lagaike.

YOHANET 1:15

Wene at ebe hesik Yohanet en mel yogoisasike: “An nopolik hobuk ap aike wesigin, ìlùk abok yogohisìgìrek a'nogo re, ebe yìat o. At yì hobuk an nopolik waga meneat he, ebe an oan ta'lagì'lek werek kolek, at alebat welagaike atì nen he, an nebe maben o. Kain he, arat o,” ìlùk, ane hùkorogo yogoisasike.

YOHANET 1:30

Alebat wene an nen yogohisìkì logolìk he, Ap aike nopolik wesigin meneat he, an oan ta'lagì'lek werek kolegat welagaike atì nen, an nebe yekerek mene re, at enek he, kain o, ìlùk, abok yogohisìgìrek a'nogo re, ebe waga arìat o.

LAKSASIKE 19:4

Atì'nogo yogosukwama, at Paùlùt en he, “Yohanet en ima pelaginapì lagaike atì, it apùnì nen, Weak hagatì lago mene arat heraksogosik ninoabùt hebelago, ìlùk iko halok pelaginapì lagaike. Atì'nogo pelaginapì logolìk he, mel yogoisìkì lagaike: An nopolik ap aike wesigin. Halok hinetaùken at oba hìpìrethìlìk logoino o, ìlùk ebe Yesùt hesigat yogoisìkì lagaike atì,” ìlùk yogoisasike.

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

LAKSASIKE 8:38

Atì'nogo yogosikesik he, atitigeke mene nen kereta oto hake kuda nen lisogo wolok pisike mene atì aremnogo menhouagalùk yogosikesik he, Pilipùt eperagat i aik oba pisukwasik, ima kìlìk pelakhesike.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

TITUT 3:5

Atì'nogo weinam agaikesik, Ala Areagùn nen nina'la sobalogo ninebe ket mene ta'ninapìk, ninoabùt hùnogoat haga'ninapìk, isike atì re, nit ninokawerek en ninoabùt higit hogo hagatì lagagu ba haga'ninapike hùk. We, ninebe at enat etawì'ninapikesik telninapike atì.

1 PETERÙT 5:5

Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.