MATÌÙT 3:10 - Ala Ane Wene Ket Mene Warogo Wo'ninapike Wene

¹⁰ E ero lapok eken hano mene itì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.

MATÌÙT 3:10 ပူးပေါင်းရင်းမြစ်များ

YOHANET 15:6

Nen, hele ekisok palogo laksagarek mene pùk aganem he, apùnì nen nomologo hìlìk etumo po laksikenem etu nikerek atì hak, at sa nen an neperak hutik lek, kopolek halok he, atì'nogoat palogo lakhoumo ebe etu negein o.

LUKAT 3:9

E ero lopok eken hano mene ìtì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.

MATÌÙT 7:19

Yì e tì e eken hano ìterek lek mene atì re, ero mùkogo re, etumo motok laksagarek o.

YOHANET 15:2

Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

IBERANI 6:8

Atì'nogo meneat he, kweang atì yì ka tì ka weak mene mel, pakì alok mene mel, hulelhe halok he, “Kweang yì, we tùlemat alemarogo werek atì weak nabìt,” ìlùk homan hìlìk he, hobuk etu lolumo heleleng hogo negein o.

MATÌÙT 21:19

Sùpùrùk nele agaikomo re, e ara ero aike kwe pìtma were'ma eileken lakhalùk eroma lagaikesik eileken penasike mene re, eken aike ìtì'lek, we, eka muli nek werek en he, mel yogosike: “Hat e yì, hùlì yogotak en pìkìt hobuk heken motok ìtì'lek logoino,” ìlùk homan hiko kolek aremnogoat he, e ara a'nogo motok pùk agaike.

LUKAT 23:31

Atì hak he, yogotak ya e ket oba negen logolìk haga'nabì'lùgì yì re, hobuk e pùk oba negen asi laga logolìk, nìkì'nogo hagasugun akegep,” ìlùk yogoisasike.

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.