MATÌÙT 28:6 - Ala Ane Wene Ket Mene Warogo Wo'ninapike Wene

⁶ Mene re, ebe yoma lek. At en yogohisasike hak, Ala nen eluguthikomo werek o. At welaga ba yoma obùlùk enek yì hineileken hìtha we'ni.

MATÌÙT 28:6 ပူးပေါင်းရင်းမြစ်များ

MAREKÙT 16:6

Ina'maken lagaikomo, at ap elege a'nogo nen he, mel yogoisasike: “Hina'maken lagùp o. Yesùt aua o Nasaret mene e ba menhìlìk wata a'nogo herarìk wagep mene re, ebe yoma lek. Ala nen eluguthikomo werek o. Warek haga ba a'nogo obùlùk enek yì hineileken hìthani o.

MATÌÙT 12:40

At Yùnùt atì ikan alabut a'la werek kolek, o hi ìgìk, we ìgìk, iko kolek eki hinagan welagaike atì hak he, an abat ta'lasi wagagi a'nogo re, kweang a'la o hi ìgìk, we ìgìk, iko kolek, neki hinaganat logogin o.

MATÌÙT 16:21

Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

LUKAT 24:23

warek ebe le'ma haga o. Ebe lek en ineileken halùk lagaikasik he, wene yogonisìkì logolìk, Malaikat pogot oba mene nen he, Lek o. At ebe eluk agama, ìlùk yogonisagama wago, ìlùk, atì'nogo egama nina'maken laga o.

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

MATÌÙT 27:63

“Ninoe. Apùnì lalinabìk nìkì laga mene a'nogo, eluk logolìk yogoisìkì logolìk he, Neki pìre warek logopik he, neki aike yì nen he, neluk asigin o, ìlùk isike a'nogo nen he,

YOHANET 2:19

Atì'nogo wenagasukwama, at Yesùt en he, mel yogoisasike: “Ala awì wùrìk yì mesalini o. Arat mesalumo re, an nen hobuk neki pìre ba wùtì logopik neki aike ba nen arat wusigin o,” ìlùk yogoisasike.

MAREKÙT 8:31

At Yesùt en atì'nogo inasuk wasikesik he, wene hobuk aike mel yogoisasike: “An abat ta'lasi wagagi a'nogo re, it ap inalùgetek mel, Ala esewerek mene inogogì kaintek mel, Ala ane helal waganek esewerek mene mel, inom en an nebe inabìt arik yì aik tì aik apigat haga'nabìk, nebe noasugùn o. Noasumo nebe neki pìre warek logopik he, aike nen, neluk asigin o,” ìlùk

YOHANET 10:17

An wa'larìk napotkwe neluk asigìlùk nebe wa'lasigin akìgìrek atì nen he, nopase nen an etaùken hutik welagarek o.

LUKAT 24:12

at Peterùt a'nogo nek he, siak hogo mel arìk, humusek omoula warek hesukwa ba a'nogo eileken ha wagaike. Wagaikesik ot soma ìlìk eileken kelakhasika mene re, we su kut mene a'nogo nek nokolek were'ma hasike. Atì'nogo were'ma eileken hìlìk he, “Yì kì'nogo haga'laga. Nayùk e,” ìlùk alabut hìrìk ouma lagaike.

MATÌÙT 20:19

Ùkùm noba hìlìk he, it ap etakwe mene nen inane kerethìgìk yogonetìk, tùgì labìsake noatìk, ìlìk he, nebe e ba menhanìlìk noasuagalùk wogisogoin o. Nen, arat noatenem, neki pìre warek logopik en he, Ala nen nelugu'nabigin o,” ìlùk yogoisasike.

MATÌÙT 17:23

noasugun o. Noasumo, nebe warek neki pìre were'ma, aike nen he, Ala nen nelugu'nabigin o,” ìlùk yogoisasikomo re, ina'la motok weak arìk lagaike.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

LAKSASIKE 2:24

Watepma, at ebe heinet watì logolìk wa'laga meneat he, apùnì ineki hele warogo hisagare'ma welagaikarek atì hak, at atì'nogo warek motok logousak lek atì nen, ineki hele hikalogo wulaksagarek atì hak, Ala nen eluguthike atì.