MATÌÙT 28:3 - Ala Ane Wene Ket Mene Warogo Wo'ninapike Wene

³ At malaikat a'nogo elokoken he, eilabùt hake hagatì logon he, asu laberek mene elokoken hìrìnakùp hake motok yararathesike.

MATÌÙT 28:3 ပူးပေါင်းရင်းမြစ်များ

LAKSASIKE 1:10

Hìgì'lek logolìk, at Yesùt ebe lìakhiko kolek ineileken pogot oba higit lìabek were'ma aremnogoat, ap inebe pìre inasu kut mene laberek mene inera'lu melasi pi wagaukwa.

MAREKÙT 9:3

asu elokoken hùnogoat kut amùlìt apik haga'lagìk, isike. Atì'nogo haga'lagaike atì, apùnì kweangma yoma su sobalhù inelu mene nen sobalhenem amùlìt haga'lagarek hak lek. We, hùnogoat amùlìt kureak haga'lagaike atì.

MAREKÙT 16:5

Hasukwasik, horok hogo wìrìk inebe kisukwa re, ap elege mene aike asu kut uan mene laberek ineki ebekwe higit hùrek were'ma ineileken hìlìk he, ina'maken lagaike.

ABÌKAKAN 18:1

Atì'nogo yogonetesik oba nen opolik he, at malaikat hunigat mene aike pogot oba nen pi waganem lakhìgì. At atì omame motok apik logolìk, ebe apopok api'mo re, apùnì kweangma mene obogat inoba kìalogo lakhìkì laga hìgì.

YOHANET 20:12

Atì'nogo le aga logolìk, eileken kelakhasike hak he, Yesùt warek hesukwa ba a'nogo malaikat inebe pìre inasu kut mene laberek, at aike Yesùt warek hesukwa ba ùkùlkwe higit, nen, at aike alakokwe higit, hùrek were'ma eileken isasike.

ABÌKAKAN 10:1

Atì'nogo isìgìrìk oba nen hobuk he, at malaikat omame apik mene aike asu negen ohena mene laberek. Nen, ùkùloak oba uare walìngìk. Nen, elokoken he, mo hake. Nen, esok he, etu amulok mot lagaikerek hake mene, helal waganek ikìlìk eagalak mene hukalek ekim wolok pogot oba nen pi wagasik, esok ebekwe re, i laut yekelek oba hìgìk, nen esok peikkwe re, kweang oba hìgìk, ìkì logolìk,

MATÌÙT 17:2

Lagasikesik were'ma, at ebe it ineilhanem, hùnogoat haga'laga logolìk he, elokoken mo eil hake haga'lagìk, asu laberek mene kut motok amùlìt apik haga'lagìk, isike.

MATÌÙT 28:4

Atì'nogo hagasikomo re, it ap kagalek welagaukwa mene amanogo inayùk en inoagelekwe lei'-leik ìkì logolìk he, apùnì warek mene hake motok lìangorogo haga'lagaukwa.