MATÌÙT 28:19 - Ala Ane Wene Ket Mene Warogo Wo'ninapike Wene

^19-20 Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

MATÌÙT 28:19 ပူးပေါင်းရင်းမြစ်များ

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

KALATIA 3:27

Nen, Karìsùt hinom hùnesuogolùk ima pisigip mene hinebe obogat, su labetarek hak Karìsùt oabùt wanhìgip atì.

ÙRÙM 10:18

Mene re, an nen hinok aike wokhisak. It he, hano wene atì inasuk holhì'lek werek nogo? Lek o. Inasuk arat holha. Ala ane ba, “It inane atì o yì awì tì awì obogat wìalagaikesi'mo re, o esako esako a'loma obogat inasuk holhukwa o,” ìlùk isikomo helal waganek werek atì nen ìgì o.

LAKSASIKE 28:28

Atì'nogo yogoisasikesik, wene elùgùn warogo re, mel yogoisasike: “Atì'nogo isike atì nen, wene yì hinelu asuageip ìlùk yogohisak: Ala nen he, apùnì aike nen, at en telinaperek wene atì, it apùnì etakwe mene yogoisa loagalùk inayoko hikomo yogoisìlì'lùgì. It atì'nogo yogoisikenem, inasuk hologo hagasugun o, ìlùk hinelu asuageip ìlùk yogohisìgì atì o,” ìlùk Paùlùt en yogoisasike. [

LAKSASIKE 2:41

Inasuk atì'nogo wasikomo re, it wene wanhukwa mene hùgì ima pelaginapukwa. Atì like inebe 3.000 hake ima pisukwasik he, hobuk inom lapuk hogo welagaukwa.

1 PETERÙT 3:21

It i ba telinapike atì inomanem, nit yogotak ima pogorek atì ba telninaperok o. I ba telninaperek atì re, ima pelakhiaikenem, ninogat i atì ba sobalagarek atì ba telninaperek hùk. At he, ninetaùken oba nen wene ninoba selek asuagalùk Ala ayoko hikenem, Yesùt Karìsùt wa'lagaikesik eluk agaike atì ba telninaperek o.

1 KORÌTÙT 15:29

Wene aike re, it apùnì wa'lagaukwa mene hobuk inelugurinabigin motok lek logoilepma re, it hesik it aike ima pelaginapì lago atì re, nìkì'nogo hagasugun akegep. Nenahalok ima pelaginapì logousak.

LAKSASIKE 14:21

O Terebe atoma wene hano wene yogoisikoat logolìk he, apùnì inebe logolegat woginapukwama Yesùt ane wanhukwa. Wanhukwama hisalùk, it Paùlùt Parenapat eperak hobuk inapotkwe o Lisitera nen, Ikonìùm en, pìkìt o Pìsìrìa tokwe o kota Atiokia wùlìbi wagaukwa.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

LAKSASIKE 9:18

ìlùk yogotenem aremnogoat, at eileken oba hìlìk welagaike mene nokok hogo pìlìk he, eileken hano agaike. Hano arìk, ebe mel agaikomo re, ima pelakhesike.

MATÌÙT 13:52

Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.

1 YOHANET 5:7

Yesùt atì Karìsùt at o, ìlùk, apunì inebe 3 nen inane omakeat mene hukalogo u hak he, Ala Areagùn nen hukalhìk, Yesùt ebe ima pelapukwa atì ba hukalagìk, amep wulagasogo wasukwa atì ba hukalagìk, hukalogo weinam agaike atì.

MATÌÙT 25:32

ap aike ako esewerek mene nen, topa wam halok alepma tegelogo hìgìk, kambing wam halok alepma tegelogo hìgìk, tegelinaperek atì hak, it malaikat atì nen apùnì inùkùl etage lopok an neilhanem atogorogo hisa waganem he, an nen atì'nogoat tegelinabigin o.

LAKSASIKE 1:2

at opase nen ebe pogot oba lìakesike atì hùlì, helal waganogo lakhei wagagi atì. At ebe pogot oba oan lìakhìgì'lek werek kolek, at agoromì inebe weteberogo inayoko hìlìk laksagalùk isike mene amanogo Ala Areagùn omame ba inasuk wasike.