MATÌÙT 28:16 - Ala Ane Wene Ket Mene Warogo Wo'ninapike Wene

¹⁶ At Yesùt en agoromì ane wanhì lagaukwa mene inebe 11 en amanogo yogoisìkì logolìk, “O Kalilea lìlìk tom atì ba lagalìk logoino,” ìlùk, wene warìsasike higit hogoat lagaukwasik lagasukwa.

MATÌÙT 28:16 ပူးပေါင်းရင်းမြစ်များ

MATÌÙT 26:32

Meneat he, an noatenem Ala nen hobuk nelugu'napenem he, an tak o Kalilea lagalìk hinelokoma logogin,” ìlùk yogoisasikomo,

MATÌÙT 28:10

Hogorasukwama, at Yesùt en he, “Hinayùk agùp o. An nagoromì amanogo o Kalilea lagauak en, yogoisa lano. Atoma lagalìk ineileken neogoin o,” ìlùk yogoisasike.

MATÌÙT 28:7

Hìthalùk he, Yesùt a'nogo wa'lagasi'mo nen Ala nen eluguthikomo o, ìlùk, at agoromì ane wanhì lagaika mene amanogo hepok yogoisa lano o. Hit o Kalilea oan lagì'lek werek kolek, at tak lìlìk were'ma hineileken ha logoin o. Nane yogohisìgì atì eberek logoino,” ìlùk yogoisasikomo,

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

1 KORÌTÙT 15:15

Nit en Ala abok ìkì logolìk he: “At en he, Karìsùt eluguthesikomo nineileken hasugu,” ìlùk yogoisogorek. Mene re, apùnì wa'larì'mo Ala nen inelugurinabigin lek logoilepma re, at Karìsùt elugutheilep legat o. Nen, at elugutheilep le'ma re, it aike nen he: “Hit en ìkì logolìk, Ala nen atì'nogo hagasikomo nineileken hasugu, ìlùk ìkì lagep atì re, hinera nenat lìbìlogo ìkì lagep,” ìlùk higirat yogoniselep o.

YOHANET 6:70

at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

MAREKÙT 14:28

Pùgùlugun meneat he, an noatenem, hobuk Ala nen nelugu'napenem he, an tak o Kalilea lagalìk hinelokoma logogin o,” ìlùk yogoisasike.

MAREKÙT 15:41

It hìmì atì alebat he, Yesùt opolik o Kalilea tokwe nìkì logolìk he, lebethìkì lagaukwa mene. Nen, hìmì aike logolegat Yesùt inom o Yerusalem pisukwasik inom atoma logolìk ineileken welagaukwaat.

MAREKÙT 16:7

Hìthìlìk he, hit en at agoromì ane wanhì lagaika mene Peterùt lak amanogo yogoisa lano o. At Yesùt en he: An o Kalilea lagalìk hinelokoma logogin o, ìlùk yogohisasike hagat lagagin a'naga o. Hit lagalìk he, at ebe hineileken hogoin o, ìlùk yogoisa lano o,” ìlùk yogoisasike.