MATÌÙT 27:62 - Ala Ane Wene Ket Mene Warogo Wo'ninapike Wene

⁶² It apùnì Yahurì mene sapan hùenkwe iko welegat logouogolùk he, yogota'ne hak yì mene tì mene nìmì'-nomok hogo hùlùk, it ap Ala esewerek mene inogogì kaintek amanogo mel, Parisi mene mel, inebe atogorogo Pilatùt oba lagaukwasik he,

MATÌÙT 27:62 ပူးပေါင်းရင်းမြစ်များ

MAREKÙT 15:42

At Yesùt wa'lagaike atì re, it apùnì Yahuri mene hùenkwe ineki sabìt oba Ala hesik welegat logouogolùk, yì mene tì mene nomologo hiko kolek wa'lagaike. Wa'lagaikomo, o arat hi isikomo re, ap aike Yahuri inogogì kaintek wene pìlìngìsùogolùk inom atogotì lagaukwa mene etage Yùsùp. Aua o Arimatea mene. Oabùt hano nen he, apùnì nen, “At hano,” ìlùk abok ìkì lagaukwa. Atì'nogo hagatì logolìk, a'la nen he, “Ala nen awe a'ma mera nen hinegein,” ìlùk serogo welagaike mene atì, Pilatùt ayùk legat lagaikesik he, Yesùt warek kìno kisike.

YOHANET 19:14

Hù'lagaike atì at he, ohealekokwe pesta Paskah nìlìk lùogolùk, yì mane tì mene nomologo hiko kolek, jam 12 hake like tùlem hù'lagaike. Hù'lagaikesik, apùnì Yahuri mene mel yogoisasike: “Yì sanì. Ap yì hit hinoe etagepogot yì hineileken hani!” ìlùk yogoisasikomo,

YOHANET 19:42

Ati'nogo were'ma, ohealekokwe re, it apùnì Yahuri mene ineki sabìt oba Ala hesik welegat logouogolùk, omoula a'nogo horogat nogo nen he, warek a'nogo omoulama atì hesukwa.

YOHANET 19:31

Atì sat he, ohealekokwe ineki sabìt oba Ala hesik welegat logouogolùk isukwa. Meneat he, ineki sabìt oba Ala hesik welegat ninhùp-nanhùp welagaikarek hak hùk. We, hunigat esin mene logouogolùk nogo nen he, mel isukwa: “Nineki Ala hesik welegat werek kolek it inebe e ba menhisaga mene atì warek e baat logousak he, ninabìt,” ìlùk, ap warek atì inoak hukalogo hìlìk, kopologo pelaksa wesuogolùk, it ap Yahuri mene nen, at Pilatùt kìno yogosi lagaukwa.

MATÌÙT 26:17

Yùrat atì'nogo a'la ebeto kolek he, it apùnì Yahurì mene eken horotì hisuagalùk a'la pelaparek mene a'la pelapì'lek werago nekarek a'nogo mene nùogolùk lilu alebagìk nekarek mene nùogolùk ìkì logolìk, it Yesùt agoromì ane wanhì lagaukwa mene amanogo oba wagaukwasik he, mel yogosukwa: “Noe. Hat wam topa pesta Paskah hesik nanok en he, nit en yì mene tì mene o koma tegelogo hei lasak walok akegen,” ìlùk oba hinok wanhukwama,