MATÌÙT 27:51 - Ala Ane Wene Ket Mene Warogo Wo'ninapike Wene

⁵¹ Wa'laganem, Ala awì wùrì'mo su kain mene o sekelek ti'mokwe kwe palek welagaike mene po'loma nen tùlem heirogoat kagalarìk kagalarìk pi wagìk, lugul langathìgìk, helep pak ìgìk, isikomo re,

MATÌÙT 27:51 ပူးပေါင်းရင်းမြစ်များ

MAREKÙT 15:38

At ebe wa'laganem he, Ala awì wùrì'mo su kain mene o sekelek ti'mokwe kwe palek welagaike mene, po'loma nen tùlem heirogoat kagalarìk kagalarìk o'lu ba erok hogo kagalagaike.

IBERANI 6:19

At en he, “Hanothinabigin,” ìlùk isike atì sùge asigin lek. “Ebe asigin,” ìlùk akìkì lago mene hùgì, i so age kweangma ning hogo telhìlìk welagaikarek atì hak, ninetaùken pogot oba o hùlù ti'mokwe sekelek Ala were'ma atoma hùnethìlìk hapuk hogo logouok o.

ABÌKAKAN 11:19

Atì'nogo ikenem isìgìrìk lakhìgì hak he, pogot oba Ala awì wùrì'mo kwe hù'laganem he, Ala nen wene ninasuk wasike wene helal waganek peti a'la kalek welagaike a'nogo weinam aga. Atì'nogo weinam aganem he, eilabùt hobugalep yararathìgìk, okuku ane pak ìlìk en ane lulu lagìk, lugul lang-langat hìgìk, moso lìgìken hùko mene teleki waganogo nìkìk, ikenem lakhìgì o.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

MATÌÙT 28:2

Waga kolek aremnogoat he, lugul hùkoat langathiko kolek malaikat Ala nen pogot oba nen yoko pelaksa wagarek mene aike pi wagaikesik, kwe helep mene te'mek hogo yagasukwa a'nogo lekalogo lakhìlìk he oba hù'lagaike.

ABÌKAKAN 11:13

O atì sat he, lugul hùko inayùk mene aike lang-langat hìkì logolìk, o kota atì ebe 10 ba mìkìlogo hìlìk, hùkokwe herakhìkì logolìk, omakeat aike motok mesa'lapuk hogo hìkì logolìk, apùnì inebe 7.000 nen inoatenem, it hetakwe inoatì'lek mene inayùk apik arìk, it en he, “Ala pogot oba mene, nayùk e,” ìlùk hogoratenem isìgì o.

IBERANI 9:3

Nen, o hùlù tì'mokwe su ba hùlì warek atì etage re, o hùlù motok ebe wesama u hak, Ala okawerek awì ìkì lagaukwa.

LUKAT 23:47

Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he, “Ap yì eberogoat weak hagatì'le'ma hìgì o,” ìlùk isike.