MATÌÙT 27:42 - Ala Ane Wene Ket Mene Warogo Wo'ninapike Wene

⁴² “At en it apùnì aike elok telinapì laga meneat he, okawerek en telasak mea hìgì. E arì ba nen telogo pi waga halok he, nineileken hìlìk, at atì nit apùnì Isirael mene ninoe etagepogot eberogoat o, ìlùk, akùgùkwe re, pi we'nìk he!

MATÌÙT 27:42 ပူးပေါင်းရင်းမြစ်များ

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

MATÌÙT 27:37

Logolìk he, “Ap yì wene ero yì oba hogosik en wato o,” ìlùk u hak, “Yesùt apùnì Yahurì mene inoe kain etagepogot ebe yìat o,” ìlùk helal waganogo e ba ùkùloak higit hogo te'mek hogo hesukwa.

LAKSASIKE 4:14

Hùthasukwasik, ap esok hano hagasukwa mene a'nogo, it Peterùt Yohanet eperak inom metek were'ma, ineileken isìlìk he, it ap amanogo nen wene nìkì'nogo yogoisa heat haga'lagaikomo re, yogoisìgì'lek kamo isukwa.

YOHANET 12:47

An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o.

YOHANET 12:13

wùrama hake mene eka palhìgìk wolok he, Yesùt elokoma a'mìt sup hogo wùlìpì logolìk, mel isukwa: “Wa! Wa! Wa!” ìlùk u hak, “Hosana! Ninopase Ala Etagepogot en nit apùnì Isirael mene ninoe kain lakhagei wagama wagen yì, at enat hanothabuak o,” ìlùk etawì warìk warìk wùlìbi wagaukwa.

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

LUKAT 19:38

A'mìt sup hogo pìkì logolìk mel isukwa: “Ala nen ninoe kain Etagepogot lakhagei wagama wagen yì, at enat hanothabuak o! lt pogot oba welagaikarek mene atoma inetaùken hapuk hogo logouak o. Nen, Ala esin pogot oba welagarek mene hogoratì logouok o,” ìlùk atì'nogo ìlìk-ìlìk pisukwa.

MATÌÙT 2:2

Wagaukwasik, it en he, mel isukwa: “Apùnì Yahurì mene inoe kain Etagepogot ta'lagasik werek a'naga, o kì ta'lagasik werek. Nit o mo yegelogo lagai wagarek a'loma were'ma, ap kain atì ta'lagama ìlùk, hesagal aike weinam agama re, at atì ninetaùken oba hìpìrethìlìk hogorasuogolùk hesagal atì nineileken nen wolok hinok wani wago,” ilùk isukwa.

MATÌÙT 27:40

“Wì! Hat en he, mel isigin akìgì: Ala awì wùrìk yì mesalogo hìlìk he, neki pìre ba wùtì logopik aike nen arat katok hogo wusigin, ìlùk isigin a'nogo re, hebe Ala aput halok he, hokawerek hebe e arì ba nen telogo pi me ta!” ìlùk inùkùloak kwanìthìkì logolìk inane sagan wokhìkì lagaukwa.

MATÌÙT 27:41

Atì'nogo iko kolek he, it ap Ala esewerek mene inogogì kaintek amanogo mel, Ala ane helal waganek esewerek mene amanogo mel, inalùgetek amanogo mel, inom en inane sagan wokhìkì logolìk he,

MAREKÙT 15:31

Atì'nogo iko kolek he, it ap Ala esewerek mene inogogì kaintek amanogo mel, Ala ane helal waganek esewerek mene amanogo mel, inom it-it inane sagan wokhìkì logolìk he, “At en he, it apùnì aike mene elok telinapì laga a'nogo meneat he, okawerek en telasak mea hìgì.

MAREKÙT 15:32

Karìsùt nit apùnì Yahuri mene ninoe etagepogot yì re, nit eberogoat akùgùkwe re, nineilhanem e arì ba nen pi we'nìk he,” ìlùk inane sagan wokhìkì lagaukwa. Nen, it ap aike e ba Yesùt inom menhisasukwa mene aremnogo nen, Yesùt inane sagan atì'nogo wokhasukwaat.

LUKAT 23:35

It apùnì amanogo atem metek logolìk ineileken werek kolek he, it ap Yahuri mene inogogì kaintek amanogo inamisang sìkìn ìlìk, Yesùt inane sagan wokhìkì logolìk he, mel isukwa: “At yì Ala nen Karìsùt menhìlìk lakhei wesigin isike a'nogo ebe arat halok he, it apùnì aike elok telinapì laga a'nogo hak, okawerek en atì'nogoat telanìk he,” ìlùk isukwa.