MATÌÙT 27:32 - Ala Ane Wene Ket Mene Warogo Wo'ninapike Wene

³² Yesùt ebe wasuogolùk wolok, o silimo nen arat wùlìbi wagaukwasik, waganem, ap aike etage Simon, aua o Kirene mene inom apì agaukwasik he, inane keirogoat mel yogosukwa: “Yesùt e ba menhìlìk wasugun mene e yì hat woginabin o,” ìlùk yogosukwa.

MATÌÙT 27:32 ပူးပေါင်းရင်းမြစ်များ

MAREKÙT 15:21

Atì'nogo wolok ebekalem waganem he, ap aike etage Simon, aua o Kirene mene, ap Aleksatat ho, Urùpùt ho, inopase atì, o atama esakoma nen o kota kìgìlùk laganem inom apì agaukwa. Inom apì arìk he, mel yogosukwa: “Yesùt ebe e ba menhìlìk wasugun mene e yì, hat en woginabin o!” ìlùk inane keirogo yogosukwama wanhìke.

LUKAT 23:26

Atì'nogo wogisasikomo wolok wagaukwa hak he, ap etage Simon, awì o Kirene mene aike o wele'ma nen o kota hùkoma kigìlùk laganem, ebe hakhesukwasik e Yesùt menhìlìk wasugun mene a'nogo wolok he, Yesùt opolik wesuagalùk inane keirogo yogosukwa.

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

LAKSASIKE 6:9

Hagarinapì lagaikomo re, it ap Yahuri mene o Kirene mene mel, Aleksataria mene mel, inebe apùnì aike inatitigeke welagaukwasik hobuk inalepma arìk sapan omakìma ìkì lagaukwa mene ho, it apùnì Yahuri mene aike o propinsi Kilikia mene mel, Asia mene mel, inom en, at Sitepanùt ane ikenem, melagaukwasik he, anema hinok-hanok wanhukwasik wenagasukwa.

LAKSASIKE 2:10

Perìgìa mene mel, Papilia mene mel, Mesit mene mel, o Lìbìa Kirene higit a'loma mene mel, o Ùrùm a'loma lagosik ninebe o kùlùk negenat welagosik wago mene mel, ninom welago yì.

LAKSASIKE 13:1

Ala againapùrì o Atiokia atogotì lagaukwa mene amanogo, it aike nen Ala ane yogoisìgìk, it aike nen yakùlisìgìk, ìkì lagaukwa mene inebe ap aike Parenapat atì, aike Simeon etage Ebemuli ìkì lagaukwa mene atì, aike Lùkìùt o Kirene mene atì, aike Menahem, Herotet kain gubernur agaiyak eperak apine kalinapukwa mene atì, aike Saùlùt atì, welagaukwa.

LAKSASIKE 11:20

It atì'nogo hagatì lagaukwa meneat he, it aike inom pùgùlhukwa mene inaua re, o Siperùt mene mel, o Kirene mene mel, o kota Atiokia wagaukwasik, wene hano wene ninoe Etagepogot Yesùt hagasike wene atì, it apùnì inùkùl etage Yunani mene yogoisasukwaat.

YOHANET 19:17

Wolok wùlìbi wesuogolùk he, e Yesùt ebe menhìlìk wasugun mene a'nogo okawerek en wolok loagalùk omolo ba hesukwasik, tom nit ninane ba re, etage inùkùloak palek ùkùl oba u hak, it apùnì lberani mene inane ba re, etage Kolkota atì wùlìbi wagaukwa.

LAKSASIKE 7:58

Oba hobotha kìlìk, o kota nen legeta'ma hapok hogo wulaksìlìk he, helep enwasukwa. Ebe wasuogolùk he, it at ane ikenem inasuk holhukwasik, ùkùm oba hesukwawerek amanogo inasu etakwe mene nokologo re, ap elege mene etage saùlùt awe a'ma hesukwa.

MATÌÙT 5:41

Nen, ap aike nen ane keirogoat ìkì logolìk he, Sukwe yì horok atem hani lan o, iko halok he, hit en tagan hogo negenat hisa lasak o.