MATÌÙT 27:19 - Ala Ane Wene Ket Mene Warogo Wo'ninapike Wene

¹⁹ wene ero pìlìngìtare'ma aremnogo hùrek were'ma, at Pilatùt agwe nen ap aike wene warogo lakhei wagaike. Lakhei waga logolìk he, mol isike: “An hùako nogo ikenem ap atì hesigat nabì motok weak hìgìrìk o. Halok he, at oabùt hano mene atì hat hinom en ùkùm oba hùgùp o,” ìlùk isikomo yogosi wagaukwa meneat he,

MATÌÙT 27:19 ပူးပေါင်းရင်းမြစ်များ

MATÌÙT 27:24

Atì'nogo yogosukwama, at Pilatùt en he, “It apùnì yoma nen, Wasugunat, ìlùk inane keirogoat ìkì logolìk elùgùn oba weak asiginmoat, an nane tùlemat alemarogo ìkì lagì hìgì,” ìlùk, i hinago aike wanhikesik he, apùnì amanogo ineileken werek kolek eki bakwe horatì logolìk he, mel yogoisasike: “Ap yì amep he, an noba asigin lek o. Hirat hinoba asigin o,” ìlùk, yogoisasikomo,

1 PETERÙT 2:22

At en he, “Weak aike hagatì'legat. Nen, apeliak ikenem, apùnì aike inasuk holhì'legat o.”

YOHANET 19:13

at Pilatùt asuk holhikesik, Yesùt ebe wolok wùlìbi wagaikesik he, o sili etage Helep tùale'ma. It apùnì Iberani mene inane ba re, etage Kapata ìkì lagaukwa ba atoma e talek oba hùrek logolìk, ùkùm inoba hìgìk, kotìk, egarek oba hù'lagaike.

LUKAT 23:47

Atì'nogo hagasikomo ap tentara mene inoe kain a'nogo eileken hìlìk Ala hogoratì logolìk he, “Ap yì eberogoat weak hagatì'le'ma hìgì o,” ìlùk isike.

1 YOHANET 2:1

Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

MATÌÙT 27:4

“Eigo! Ap atì weak hagatì'le'maat wasuageip ìlùk yoko wagìma o. Halok he, weagat hagatìma hìgì o,” ìlùk, yogoisasikomo, it amanogo nen he, “Wene atì nit ninoba agama akegen? Lek o. Atì hat hoba lopogat o,” ìlùk yogosukwama re,

MATÌÙT 2:22

Wagaikomo re, it apùnì nen he, “O propinsi Yurea amanogo hobuk ap kain he, etage Arikilaùt atì opase Herotet obùlù'mo menhagama werek o,” ìlùk isukwama, Yùsùp asuk holhìkesik he, o atoma lasak ayùk agaikesik were'ma, at Ala nen, “O Yurea atoma lagùn o,” ìlùk, abì ba hùsipi yogosikomo, o Kalilea atomaat wagaike.

MATÌÙT 2:19

At kain Herotet a'nogo arat wa'lagaikomo re, malaikat Ala nen lakhei wagaikomo wagaikesik he, Yùsùp o Mesit atoma logolìk nogo ikenem hùako abì ba re, mel yogosike:

MATÌÙT 1:20

Atì'nogo akìkì logolìk, hùako nogo ikenem he, at malaikat Ala nen pogot oba nen yoko pelaksa wagarek mene aike oba wagaikesik he, mel yogosike: “Yùsùp Taùt opa yì. Hat he, He Marìa atì wanu nabìt, ìlùk ha'la akagùn o. Omalik atì Ala Areagùn nenat a'mathikomo. Halok he, wanino.

LUKAT 23:41

Nit he, weak hagatì lagoma ninoabùt oba ninoasusak higit hogoat ninoata meneat he, at yì nek he, weak aike atì'nogo hagatì'lek o,” ìlùk yogosikesik,

LAKSASIKE 12:21

Yogosukwama re, at Herotet en he, “Nineki tì ba nen lapulugun,” ìlùk wene warisasike. Wene warisasike ba higit agaikomo, at en su ap kaintek labetarek mene labesikesik, wene elùgùn watì logolìk alakwe e talek oba hùrek welagaike ba hù'lagaikesik, inasuk wasigìlùk wene ero wulakhesike.

LAKSASIKE 18:12

O propinsi Akaya atoma ap kain Kalìo gubemur logouagalùk menhesukwama were'ma, it apùnì Yahuri mene inebe atogothìlìk, Paùlùt ebe wasuogolùk hakhesukwasik he, anema wanuagalùk ap ùkùm inoba hìgìk, kotìk, egarek mene inoba wolok lagaukwa.

LAKSASIKE 18:16

Atì'nogo yogoisasikesik he, o ùkùm inoba hìgìk, kotìk, egarek oba atoma nen mùk hogo wulaksasike.

LAKSASIKE 18:17

Wulaksikenem, it apùnì aike obogat en he, ap etage Sosetenet, o apùnì Yahuri mene sapan egarek oba esewerek kain welagaike mene atì, ebe hakhìlìk he, o ùkùm inoba hìgìk, kotìk, ìkì lagaukwa ba atoma ebe tùgì wasukwa. Atì'nogo wato kolegat he, at Kalìo a'nogo nen elele wanhì'lek obaken nen hìgìk kamo isike.

LAKSASIKE 25:6

Atì'nogo yogoisasikesik, eki 8 en he a? 10 nen he a. Inom o Yerusalem welagaukwasik en, o Kaisarea wagaike. Wagaikesik, hùenkwe re, o apùnì ùkùm inoba hìgìk, kotìk, ìkì lagaukwa ba hù'lasi kìlìk, agoromì nen Paùlùt ebe wolok wesuagalùk yogoisasike.

LAKSASIKE 25:10

Yogosikomo, at Paùlùt en he, “An yogotak he, ùkùm inoba hìgìk, kotìk, egarek oba yoma, ninoe kain Kaisat Ùrùm mene eki ba welagì. Halok, ùkùm noba haga mene yì, at were'ma atoma nenat ero heragasogo elùgùn wasuak. An nen it Yahuri mene weak aike hagarinapì'lek atì, hat heluat o.

LAKSASIKE 25:17

Atì'nogo yogoisìgìrìk, inebe ninom yoma wagosìk, nineki welagì'legat he, hùenkwe nagoromì nen ap atì o apùnì ùkùm inoba hìgìk, kotìk, egarek oba wolok wesuagalùk yogoisìgì.