MATÌÙT 27:1 - Ala Ane Wene Ket Mene Warogo Wo'ninapike Wene

¹ Atì'nogo hagasukwasik were'ma, o arat we isikomo ohealek it ap Ala esewerek mene inogogì kaintek mene amanogo mel, inalùgetek amanogo mel, obogat en he, Yesùt wasuogolùk weim abok isukwasik he,

MATÌÙT 27:1 ပူးပေါင်းရင်းမြစ်များ

MAREKÙT 15:1

Atì'nogo hagatì lagaukwasik, o we isikomo re, ap wene Ala hesik ero pìlìngìtarek mene inebe obogat, it ap Ala esewerek mene inogogì kaintek amanogo mel, inalùgetek amanogo mel, Ala ane helal waganek esewerek mene amanogo mel, he'nakit inomat en, “Tì'nogo hagasuok,” ìlùk isukwasik he, Yesùt eki hele warogo Pilatùt wogosi wagaukwa.

YOHANET 18:28

Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

LUKAT 22:66

Atì'nogo yogoto were'ma, o we isikomo re, ap Yahuri inalùgetek amanogo mel, Ala esewerek mene inogogì kaintek mene mel, Ala ane helal waganek esewerek mene mel, atogosukwasik, wene Ala ane hesik ero pìlìngìtare'ma atoma were'ma, Yesùt wolok inoba kisukwama re,

MATÌÙT 23:13

Atì'nogo yogoisasikesik he, it Ala ane helal waganek esewerek mene mel, Parisi mene mel, inom mel yogoisasike: “Hit ap Ala ane helal waganek esewerek mene yì mel, hit Parisi mene yì mel, hinogat oba nek hano salek logolìk hinetaùken pìre mene yì rì! Hit atì apùnì Ala awe a'ma kinogo ìlùk he, hit enat kwe yagatì lagep yoma rì! Hit hinokawerek kìgì'lek logolìk he, it aike kuogolùk ikenem, hit en he, Kusak lek o, ìlùk wene palhì lagep yoma rì!

LAKSASIKE 5:21

Atì'nogo yogoisasikomo re, inasuk holìlùk, o we iko kolek, Ala awì wùrì'mo kìlìk wene yakùlisìkì lagaukwa. Atì'nogo yakùlisiko kolek he, it ap Ala esewerek mene inoe kain a'nogo agoromì inom en ap inalùgetek Isirael mene wene ero pìlìngìtì lagaukwa mene obogat, inayoko hesukwasik inebe atogothìlìk, inagoromì aike nen he, it Yesùt en inayoko hìlìk laksasike mene ineki hele warek hisasukwa mene a'nogo wogisek wesuagalùk, o hisasukwa ba a'nogo laksasukwa.

LUKAT 13:1

Atì sapùl he, it apùnì aike nen Yesùt mel yogosukwa: “Apùnì Kalilea mene Ala ako waretenem, at Pilatùt en it inamep inom, Ala ako wareta mene amep inom, apìkwe wulagasogo inoate o,” ìlùk yogosi wagaukwa.