MATÌÙT 26:75 - Ala Ane Wene Ket Mene Warogo Wo'ninapike Wene

⁷⁵ Sùe ayam ane arat isikomo, at Peterùt en he, “Ì. Yesùt en an yogonetì logolìk, Sùe ayam ane ìgì'lek werek kolek, hat en he, Yesùt nokot o, ìlùk heki hinagan oba labeligin, ìlùk yogonete a'nogo ebe arat labelhì yì hìgì,” ìlùk, a'la ebethùlùk wùlìpikesik he, le motok apik etawi hit-hit le agaike.

MATÌÙT 26:75 ပူးပေါင်းရင်းမြစ်များ

MATÌÙT 26:34

at Yesùt en he, “Yogotak hùako sùe ayam motok ane ìgì'lek werek kolek, hat en he, Yesùt atì nokot, ìlùk, heki hìnagan oba labeligin a'naga o, ìlùk, eberogoat yogohetì,” ìlùk yogosikomo,

YOHANET 13:38

at Yesùt en he, mel yogosike: “Hat an hesik eberogoat wa'lasusak welagen a? Lek o. Sùe ayam ane ìgì'lek werek kolek, hat en, An Yesùt nokot, ìlùk heki hìnagan oba labelì'mo nen ayam ane igin o, ìlù eberogoat yogohetì” ìlùk yogosike.

KALATIA 6:1

Nerùgì nagaiya'lak. At aike weak hagatenem hineileken hegep halok he, at atì apotkwe oabùt hebelasuagalùk, hit Ala Areagùn eberogoat hina'la werek mene nen hinane lìok hogo asuk wa'no o. Asuk atì'nogo watenem, hit atì'nogoat hinoba asinogo ìlùk, hinokawerek hinepe hebelogo logoino.

1 PETERÙT 1:5

Hinetaùken at Ala oba hìpìrìk welagep atì nen, at omame ba hakhisek logopik he, hobuk hinebe hanothinabigin mene wùrep oba weinamethegein atì.

1 KORÌTÙT 4:7

“It aike atì mea mene re, aike atì nek he, esin motok, ìlùk ìkì logoino,” ìlùk sa nen yakùlhisasikomo ìkì lagep. Hit hinagarok yì mene tì mene helìkì lagep atì, Ala nenat wokhisikerek lek nogo? At enat wokhisikerek o. Atì'nogo wokhisikenem helìkì lagep meneat he, hit en elalhep mene salek hinokawerek en hogorakìkì lagep atì nenahalok.

MATÌÙT 10:33

Atì'nogo meneat he, sa nen, Yesùt atì an nokot o, ìlùk apùnì ineilhanem labelho halok he, an hogo re, At atì an nokot o, ìlùk nopase pogot oba mene eilhanem pak hogoat igin o,” ìlùk yogoisasike.

MATÌÙT 26:74

at Peterùt en he, “Ap atì ebe an nokot o, nopase Ala oak! Napeliagat ìgì halok, at en noasuak o,” ìlùk, hopuk palho kolek aremnogoat sùe ayam ane arat isike.