MATÌÙT 26:64 - Ala Ane Wene Ket Mene Warogo Wo'ninapike Wene

⁶⁴ at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

MATÌÙT 26:64 ပူးပေါင်းရင်းမြစ်များ

MAREKÙT 14:62

Hinok atì'nogo wokhasikomo, at Yesùt en he, mel yogosike: “Ati, an nebe yìat o. An abat ta'lasi wagagi a'nogo, at Ala omame apik yì mene tì mene hagasusak enek a'nogo era'lu eki ebekwe kainat logopik he, pogot oba atoma nen ohena a'la pi waganem hineileken neogoin o,” ìlùk yogosike.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

LUKAT 21:27

Atì sat he, an abat ta'lasi wagagi a'nogo nomamerogo ohena a'la pi waganem, ineileken nììlìk apik hogo'nabugun o.

MATÌÙT 24:30

Atì'nogo hagato kolek, an abat ta'lasi wagagi a'nogo arat wesigin ìlùk, apùnì inetaùken wekelogo hùthùgùkwe pogot oba aike haga'larìk oba nen, apùnì inùkùl etage lopok le aga kolek nomamerogoat ohena a'la pi waganem, ineileken nììlìk apik hogo'nabugun o.

MATÌÙT 26:25

at Yùrat, Yesùt wasuagalùk yoko lagaike a'nogo nen he, “Halok he, noe. An he a? An lek akìgì,” isikomo at Yesùt en he, “Hat meneat ìkì lagen,” ìlùk yogosike.

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

ABÌKAKAN 20:11

Atì'nogo hìgìrìk oba nen, opolik he, Ala kain welagarek obùlùk hùko kut mene were'ma, at ebe atoma welaga hìgì. Atì'nogo were'ma pogot, kweang, obogat, at agaserogo lek arì'mo nogo nen he, hobuk ineileken hasak legat aga laga hìgì.

1 TESALONIKA 4:16

Ninoe Etagepogot pogot oba nen pi waganem he, it malaikat mene inoe kain mene ane hùkorogo ìgìk, Ala apìkon ane huthikenem ane pak ìgìk, ikenem, apùnì Karìsùt inom hutik logolìk wa'larì'lùgì mene tak inelugurinabigin.

LAKSASIKE 1:11

Melasi pi wìrìk he, mel yogoisasukwa: “Hit apùnì o Kalilea tokwe mene yì sanì. Hineileken pogot oba lìagasogo welagep atì nenahalok. At Yesùt hit yoma hikalùk he, Ala nen pogot oba lìakhikenem hineileken werek kolegat, lagaike atì hak, hobuk atì'nogoat pi wesigin o,” ìlùk yogoisa pi wagaukwa.

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

LUKAT 22:70

it obogat en he, mel yogosukwa: “Halok he, hat Ala aput nogo?” ìlùk yogosukwama, at en he: “Hit hinokawerek en egep atìat o,” ìlùk yogoisasikomo,

MATÌÙT 27:11

At Yesùt ap Pilatùt Gubernur kain mene a'nogo oba wolok wagaukwama elokoma mel asi lagaikomo re, at an hinok oba wokhìkì logolìk mel yogosike: “Apùnì Yahurì mene inoe etagepogot a'nogo hat meneat ega?” ìlùk yogosikomo, at Yesùt en he: “Hat egen atìat o,” ìlùk yogosike meneat he,

ÙRÙM 14:10

Nerùgì nagaiya'lak. Nit ninebe obogat Ala nen ninanema waniginmo logoin meneat he, hit hinerùgì hinagaiya'lak hinom hinetaùken Ala ba hìpìrethìkì lagep mene atì, nenahalok ùkùm inoba hìgìk, hina'la meatsìgìk, ìkì lagep.

MATÌÙT 8:20

Atì'nogo yogosikomo, at Yesùt en he, “Lo yeke atì re, awì wùrìk akola welagarek. Nen, sùe purogo nikerek mene atì, awì wùrìk welagaregat. Mene re, an abat ta'lasi wagagi atì nek he, nogo ìkì logousak oba nawì wùrìk he, motok lek o,” ìlùk yogosike.

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

MATÌÙT 22:44

Ala Etagepogot en an noe Etagepogot yogotì logolìk he, Apùnì hat haselei mene amanogo hesok en al lebelogo hisanok en, an nen hoba hisa wagì'lek werek kolek, hat an nera'lu neki ebekwe hebe kain logoinok, ìlùk Ala nen Karìsùt yogosike, ìlùk Taùt en isike atì re, nahalok isike akegep.

MATÌÙT 28:18

Atì'nogo akiko kolek, at Yesùt ebe inera'lu wagaikesik he, mel yogoisasike: “Ala nen he, pogot oba mene mel, kweangma mene mel, obogat he, an esewerek hanhomo o.

LUKAT 22:69

“Hùlì yogotak yì nen he, hobuk an nopase Ala omame werek yì mene tì mene hagasusak enek a'nogo eki ebekwe kainat logogin o,” ìlùk yogoisasikomo,